انا اذكر ايام المدرسه كنت اول ثانوي
والحمدلله دايم اكون الاولى دااافوورة
المهم
جتنا مدرسه رياضيات ماتدري هي وش تبي
ولاتفهم بالشرح عجزنا نفهم منها شي
وتسلطت علي ليش انا الاولى ع الفصل وعندها مااشارك
بكثير من المسائل الظاهر اني كنت شاهد اثبات انها ماتعرف تشرح عشان كذا تسلطت علي
واذا رفعت ايدي ماقومتني احيان انا لحالي رافعه يدي تحل هي المسأله بس ماتقومني
واذا ما رفعت ايدي فالت قومي حلي انتي اللي يقولون عليك شاطرة عشان تفشلني
ومرة قومتني ع السبورة وانا ماعرفت احل المسأله من زين الشرح
وهزأتني قدام البنات وانا خجوووووله وشاطرة بحياتي ماهزأتني معلمه وكانت اكبرر. اهانه لي بحياتي الدراسيه
وبغبت ابكي وانا عند السبورة ومسكت نفسي كرامتي ماسمحتلي اضعف
وقالت انقلعي اجلسي وانا كان بيدي كتاب الرياضيات قطيته ع الطاوله لما رجعت من حرتي ولا كان ذيك الخبطه بعد
وتنجننننننن علي قومي اطلعي برا الفصل
والحصص الجايه اذا بغيتي تبقين بحصتي تظلين واقفه طول الحصة لاخر السنه
احسها ماصدقت ع الله
واطلع وتجي الحصة الثانيه واحضر وانا واقفه واعتذر لها خفت لاتسقطني ولا قبلت
وبقيت اسبوع ع هالحال
وتقوم بنت بالفصل فجأة تقول استاذه سامحي فلانه علشان خاطرنا وترفض وترجاها وترفض
وتقوم البنت قالت اجل تعاقبيني معها اظل واقفه طالما هي واقفه ماتوقف لحالها ياعمري يا هذي البنت ماانسى موقفها
وتظل واقفه معي وانا اقولها مالك دخل لاتوقفين ورفضت
ويتفق الفصل كله يقومون معنا بحصتها وقالوا لو بتخلينها واقفة خلاص كلنا نوقف معها وتسوي نفسها قبلت وسامحتني مع اني انا ماسويت شي الا اني انفجرت من كثر ماتسلطت علي
وياليتي متكلمه لا والله كتابي خبطته بدرجي خبطه لاااتذكر وماصدقت
الله يسامحها
والبنات الله يوفقهم وين ماتوجهوا فزعولي
كنتي بظرف وموقف صعب وجاء احد وفزع لك -اذكري لنا هالفزعات
متابعة النقاش، صفحة 17