كيف تحافظين على زوجك

اختي العزيزه:
هذي النصايح راح تساعدك في المحافظه على زوجك وتخليكي تعيشي مللكة

من الامور الاساسية والمطلوبه في المحافظة على الزوج هي الحب والمقصود بالحب هنا هو الحب الظاهر بالتصرفات وهذا يعني
ان الزوجه تفضل زوجها على اي رجل شافته عيونها
يعني مو تقوله شوف زوج اختي شوف اخوي شوف فلان الفلاني وش مسوي...لازم تبين له انه هو فووووق الكل وتحاول انها تقتنع بهذا الشي بينها وبين نفسها.
علو مقامه في نظرها
مثل ما قلت تحطه فوق وتفضلة على اي شي ثاني بحياتها ولازم تبين له انه كبير بعينها( يازين رفع المعنويات).
ثبات مكانته في قلبها
طبعا هذي مفهومة.

احترامه وتوقيره
تحترم اراءه وتصرفاته سواء بينها وبينه او بينها وبين الناس حتى لو كانت مو موافقه عليها.

حب قربه وعدم الصبر على فراقه
يعني مو تقعد في بيت اهلها ثلاث اربع ايام وتسحب على زوجها..لازم تحسسه انها مشتاقه له دايم وماتقدر على فراقه...حتى لو كانت تقدر (الكلام هذا بينا..ها).

حب مايحب وكره مايكره
احنا مانقول انها تنسلخ من شخصيتها على شانه بس هذا الشي راح يقربها منه وممكن تحببه هو باالاشياء الي تحبها هي.. بالمشاركه طبعا والوقت
يعني تقدر تشوف اكثر شي يحبه وتحبه وتشاركه فيه على قد ماتقدر واقرب شي لكم الكوره وش تخسر اذا عرفت متى وقت المباره وجهزت له الاجواء الحلوه الي تخليه يتابع معاها المباره وهو مبسووط بدال ماتنغص عليه وتغير المحطه؟

حفظه في العرض والنفس والمال والولد
طبعا هذي اشياء رئيسيه ومافيها اختيارات ولازم الووحده تحرص عليها حرصها على نفسها وتعرف ان هذا الشي امانه وان محافظتها على هاالاشياء راح تجيب لها التوفيق من ربها وثقة زوجها طبعا.

الرضا والقناعه
والقناعه مثل ماتعرفون كنز لا يفنى وهو نعمه من نعم الاسلام علينا يعني الرضا بالقضاء والقدر والي كاتبه ربي هو اخير لنا.
لازم الوحده تقتنع بالمقسوم ولا تطالع الي عند غيرها لانها ماتدري عن المستخبي
(خلك على قردك لا يجيك الي اقرد منة).
النصائح
الانتباه من نصائح بعض النساء الي همهم بس تخريب البيوت والي ماعندهم خبره ولا حسن تدبير للامور ورجحي تفكير لأنك انتي ادرى بزوجك اكثر من اي احد ثاني.
الوقفة والمساندة

احرصي على تقارب وجهات النظر بينك وبينه عشان ماتكبر الفجوه بينكم مع الايام

شاركيه في افكاره وفي تطوير نفسه وساعديه

اذا غلط سامحيه تراها دنيا زايله وانتو مالكم الا بعض ولا تسوين من الحبه قبه

حافظي على هدوء البيت ونظافته وعلى نظافتك الشخصيه لاتخلين البيت محيوص ومتلخبط
ترى من جد البيت المرتب والنظيف يفتح النفس على الحياه وتخلي الرجال يحس بوقفتك معاه.

لا تستغلي نقاط ضعفه ولا تركزين على عيوبه
ترى هذي من اكثر الاشياء الي تقهر الرجال ابعدي عنها.. بالعكس حاولي انك تساعديه على تجاوزها ولا تصيرين انتي والدنيا عليه(بالذات هذي.. تراها تكرهك فيه لانه فجئه بيصير مجنون و انسان ثاني).

حاولي تكوني احلى وحده بعينه
من كل النواحي طبعا يعني خليه مايستغنى عنك اي شي خلي له لمسه خاصه وطريقه خاصه تحببه فيكي

غيري عليه بس بااعتدال لان الشي اذا زاد عن حده ينقلب ضده (مفهومه هذي مايحتاج).
صارحيه باللي داخلك لاتكبتين اي شي لان هذا الشي راح يزيد المشاكل ويطورها بدال مايحلها

انتبهي من افشاء سره او اخطأه لانك ماراح تكسبين اي شي بالعكس انتي الخسرانه اذا الناس نظروا له نظره دونيه

ساعديه على صلة الرحم خصوصا امه وابوه واخوانه وماراح تتخيلين شلون بتكبرين بعينه

لا تغترين بجمالك ومالك واهلك ترى حتى هو عنده اشياء يغتر عليكي فيها
ابتسمي للحياه وخليكي متفائلة وخلي البيت جنه خليه يشتاق للرجعه للبيت لأن في وجه بشوش يستقبله ولا تصيرين نكديه وتدورين على المشاكل دواره

الحب والحنان والعطف والرعايه الكامله بالنهايه الرجال داخله طفل صغير ومحتاج لهذي الاشياء اكثر من الطف نظرا للاشياء الي يواجهها بالحياه.

جددي حياتكم وابتعدي عن الروتين
معروفين الرجال بحبهم للتغير بكل شي انتبهيييييي؟ ممكن انتي تتغيري.. فغيري قبل لاتتغيرين
واحنا لو رجعنا لسيرة الرسول صلى الله عليه وسلم راح نلقى فيها احلى دليل للحياه الزوجيه السعيده وطاعة الرب هي الي راح تسعدك وراح تتوفقين بحيااااتك.

اتمنى التوفيق لكل اخواتي..

mangoool :)