•·.·`¯°·.·• (تجمع امهات الخدج مصدر الحنان والرعاية والعطاء بلا حدودالـ12) •·.·°¯`·.·•

متابعة النقاش، صفحة 322

شاركي في النقاش

سجلي الدخول لإضافة تعليق.

التعليقات

1,766
  1. @matha_aftkd

    الحمدلله تغلبت على خوفي ورضعت بنتي بالرضاااعه بس من حليبي الي اشفطه في البيت والحمدلله بديت اتحسن لما اشوفها تزرق اقلبها واقعد اخبط على ظهرها لحد مايرجع لونها طبيعي بس والله الرضاااعه صعبه اتعب مره واخلي الممرضه تكمل باقي الرضعه ههههههههه شوي شوي لحد ما اتعود ارضعها لوحدي بدون خووف
    والحمدلله قاسوا وزنهم اليوم بنتي الصغيره الي جاها التهاب في الرئه صار وزنها مشاء الله ٢ كيلوو
    وبنتي الكبيره الي ارضعها الحين عشان خلاض بيخرجونها مازاد وزنها باقي على ١٧٠٠
  2. @nthr_aayonk

    السلام عليكم ورحمة الله وبركاته
    اشتقت لكم كثير ام كنزى وايناس بطبعي حيرتهم مشتاقة لابني ساندي والسموحه لو سهيت باسم احد كلللللكم لكم وحشه والامهات الجدد حياكم
    ابني الحمدلله طلع بشهر 8 ومن بعدها انقطعت عن النت كليا متخيلين بصراحة قمة الانشغال فيه طول الوقت معاه الله يحرسه الايام الاولى كانت معاناة لابعد الحدود طلع وزنه 2 كيلو وطبعا مالي غنى عن الوالده لهاليوم الله يحفظها ويقدرني ع برها متخيلين كان اول ماطلع من المستشفى يصحى كل ربع ساعه والله نزل وزني كله من قلة النوم وكمان كل نومه كوابيس واحلام يصحى يبكي بصوت عالي ودخل شهر رمضان وانتهى وانا لانوم زين بس والله لما اشوفه انسى التعب
    كان اول ماطلع يرضع 10 مل ويادوب ينام وهو يرضع وكنت اروح اعلمه بالمستشفى يمسك صدري لضرورة حليب الام
    بس الحين الحمدلله زاد وزنه وكل مازاد ثقل نومه ويرضع ماشاء الله وبدا هالشهر يناغي انا حبيت اقولكم هالاشياء اللي مريت فيها علشان تحسون ان اللي تمرون فيه مع الايام يخف وتتعودين للعلم ان ابني مش كبير عمره 5 شهور ونص بس الدكتور قال احسبي عمره الرحمي شهرين ونص والله نفسيتي كانت تتعب بالاول ليش ولدي ماسوي شي ولايركز بسم الله عليه الحين صار يركز واحيان اذا غبت عنه الاقيه بحضني يناظرني ويناغي كانه يعاتب الحمدلله ع نعمة الامومه والحمدلله ع نعمة الضنا والحمدلله لان ربي كتب عمر لاطفالنا انا كنت اخاف من اني اطلعه بس والله اول شهر وبعدين صرت اطلعه معاي بس مش لاماكن التجمعات والحرص زين دردشت كثير بس لاني غبت وحبيت افضفض شوي دعواتكم لابني بالصحوة والعافيه ولكم بالمثل
  3. @nthr_aayonk

    ونسيت اقولكم اني انا اللي طلبت من الدكتور يكتبله خروج لانهم كانو ينتظرونه يتعلم المص من الرضاعه
    والممرضات وربي يشهد مايعلمونه حاطين له تيوب بفمه وينقطون انا تعبت ولدي رح يكمل 3 شهور ومايرضع كلمت الدكتور قال لو مسك بصدرك راح اكتبله خروج واسبوع رايحه جايه اعلمه ومسك وبعدين بالبيت علمته ع الببرونه والحمدلله كان ضعيف ومازاد وزنه لانه الرضاعه تتعبه بس لما تعلم زاد وزنه والحمدلله يا امهات انا ام صغيره وهذا اول طفل لي بس عرفت ان كل شي يبغى صبر خصوصا مع الخدج الله يرجع لكل وحده فيكم ضناها لحضنها سليم معافى اللهم امين