يسعد لي صباح حبيباتي الهمهومات
ربي مايحرمني من جمعتكم ولا اخوتكم يلي بترد الروح
دخلت اليوم من جهاز زوجي لاتواصل معكم لانه الايباد هلكني ولا زم ارجع
انزل المستعرض الجديد بس الغثيان يلي عندي خلاني مو طايقة انزل شي
وباذن الله راح صلح وضع الجهاز قريبا لانه اخي اكد لي انه المشكلة مو بجهازي
المشكلة بالبق لي بالبرنامج ولذلك تنزيل المستعرض ضروروي باذن الله
هامتي ماتنحني
حبيبة قلبي ياهامتي اخييييرا الحمد لله الحمد لله
الف مبروك وربي يتمم لك على خير بس ارجوك تاكدي ان ماتفكر به تحصل عليه يعني تفكيرك ان الولد بصحة جيدة راح يخليه هيك باذن الله وياما عملت
وانا حامل لمدة اربع شهر وانا مو دارية ومع ذلك ماشاء الله فلا تخافي
وربي رحمته وسعت كل شيء
قمرهم \ الامور الحلوة
عظم الله اجركم وغفر لميتكم واسدل على قلوبكم الصبر والسلوان
زهودة
سلامة قلبك يارب ومعلش ردودك يلي فيها الصور ما عم شوفها
ولاقدر اقرا ردودك يلي بحبها كتير عم اضطر حمل الصفحة بالاربعين رد
اكثر من خمس وعشرين مرة
اتصوري في كل مرة بقرا اربع او خمس سطور وبيرجع بيطلعني برا الصفحة
وبرجع بحمل من جديد لحد ما زاد الغثيان من كتر ماانبسطت من المنتدى
يلي عم يطردني ههههههه
بس قرات كلامك عن اني ليش تاركة حالي لهالدرجة ,حبيت احكيلك ياعسل
انه ماعم يكون في عوارض قبل لاعرف عالج نفسي
يعني فجاة عم لاقي حالي مو قادرة اقف لانه توازني مو تمام ولازم استند على شي اثناء الحركة ولما رحت للمشفى المرة الماضية
ظنوا انه ارتفاع ضغط مفاجئ وبقيت اسبوع عم راقب ضغطي بس خلاص انا
عرفت لوحدي واخذت موعد من طبيب اذنية لانه مركز توازن الجسم هو الاذن الوسطى وانا مافيني الا هالشغلة يلي عم يرافقها غثيان واقياء اعزك الله
يعني حبيت ابين مشان ماحدا يهمل نفسه ويترك حاله عم تطلع حرارته
ومو عارف ليش هههههه عرفتي مين ولا احكيلك ؟؟؟؟
انا عارفة شو السبب ومتاكدة من انه الضغط النفسي مو الجسمي متل ما ظنيتوا , عمره انسان مابيتعب من الشغل اذا مبسوط
التعب بيجي من الزعل يلي جوا القلب وهالزعل عم يزيد ويزيد ومو قادرين
نعمل شي غير القليل القليل وكل ماعم افهم اكتر وشوف اكتر عم يصير الحزن اكبر ومشان هيك الاحتقان عم يصير لاني متنمنية ابكي وابكي وابكي
واحكي لكل الناس يلي مو فاهمة شي بهالدنيا
حسبي الله ونعم الوكيل الحمد لله يلي في كلام بيريح وبيحسسك انه في
رحمن رحيم مطلع على كل شي وعارف من الظالم ومن المظلوم
كنت مفكرة مصيبتنا واحدة بس
طلعت مصيبتنا مصايب ونحنا مو عرفانين
عرفتي هلا شو سبب التعب يمكن لو بقدر احكي كنت ارتحت بس
ممنوع الكلام الى اجل غير محدد
اسال الله الفرج القريب وان يردنا اليه ردا جميلا في غير ضراء مضرة ولا فتنة مضلة
هدوء
معلش ياغالية مالي معك بالجدول لانه ماعندي غير غرفتين استقبال
وانا خلاص مخلصتهم الاسبوع الماضي
بس عندي الشتوي والصيفي وعندي تنزيل السجاد وعندي تركيب الملاحف
تنزيل اللحف وللاسف صار وقت عمل دبس الرمان وهاد كله بجدولي اثناء هممك
ولذلك اكيد عندي شغل كتير بس لتتحسن اذني شوي باذن الله
ربي يجزيك خير عنا ياهدوء واعرفي انك معي اثناء نقاشي مع اولادي
بتذكرك وبتذكر اسمك بقوم بهدي حالي وبروق
شايفو كيف كلك منافع حتى اسمك بيجنن ماشاءالله
حبيباتي يلي سالوني عن العزيمة ولله الحمد كله تمام وعالوقت كان كل شي جاهز وبدون تعب لانه التحضير كان كله مسبق
كنت كتير هادئة ورايقة وخصوصا اني اذا ماكان شعري مرتب بتضايق كتير
بس روحتي للصالون اسبوعيا عم يخليني دايما شعري في تسريحة
ناعمة وحلوة .
يلي سالوني شو عملتي بالصالون حبيباتي انا قبل العيد لسا صيغت فوق
الهاي لايت الاشقر بدرجاته صبغت لون بني شوكولا
والنتيجة بيطلع لون الشعر خرنوبي غامق بكل الدرجات الافتح مكان الخصل الفاتحة يلي تحت الصيغة وهاد طلبي انه شعري يطلع مموج ولامع
بدون مايظهر اني عاملة صبغة او هاي لايت
وهي روحة الصالون لاني مشغولة ومو فاضية اسشور شعري وهي متعاونة
جدا يعني بتفتح الصالون سبعة او ثمانية صباحا حسب طلبي وهيك
دايما بلاقي حدا يرتب لي شعري بدون مااهلك ساعتين وانا بسشور
لاني قصرته من اخر ظهري الى نصف ظهري بس لساني بتعب من سشواره
وشكرا لاهتمامكم حسيتكم معي بكل خطوة وطبعا قويت قلبي وقلت بدي اصور السفرة ولو هنن قاعدين وببقى بعمل مسح لاطراف الصورة وبلغي
وجوههم بس للاسف الغرفة يلي هنن فيها الشمس داخلتها وطلعت الصور
كتير فاتحة بسبب الاضاءة الشديدة لاني صورت بموبايلي مو بالايفون ولا بالكاميرا لاني مو فاضية اروح اجيبهم فاعذروني والجايات اكتر من الرايحات
اخواتي سامحوني عن جد تعبت من الكتابة فعذرا ياغوالي
استودعكم عند من لا تضيع ودائعه
همم عاليه {22} ِِ*ِِ اذواق رفيعه وفصول اربعه ِِ*ِِ بضيافة هدّوو ^ـ *
متابعة النقاش، صفحة 262
