السلام عليكم ورحمة الله وبركاته
حبيباتي بنات حواء
ضااايق صدري
الدكتور قفل ملفي قال خلاص مالك علاج عندي
مالك الا اطفال انابيب
والله الدكتور كان كويس وباللحظه اللي كان يقولي مالك علاج كان يسال كلامي يضايقك وانا اهز براسي لالالا
وانا من جواء اتقطع والدموعي على خدي
ضااااااااااااااق بي الكون
بس الحمدلله ربي كريم وبيعطيني لين يرضيني
بنات ابي اللي جرب اطفال الانابيب عند مين وافضل دكتور في مستشفى الحبيب
انا عندي هرمون التبويض عالي وهرمون الحليب عالي واجسام مضاده في عن الرحم
الحمدلله والشكر
شاركي في النقاش
سجلي الدخول لإضافة تعليق.
التعليقات
71- اهلين حبيبتي الله يرزقك يارب ونصيحتي كثري الاستغفار قبل فتره وحده نزلت موضوع وتقول معي هرمون حليب وقالت تركت الادويه كلها واستخدمت حبوب زهره الربيع كرتونهالونه برتقالي وتقول حملت من اول شهر بااستخدامه استشيري طبيبتك
- يارب تسهل امورك وترزقك
- ياقلبي لا تشيلين هم وبالعكس اطفال الانابيب فرصه الحمل فيها كبيرة وومكن تحقق لك الحلم بسرعه
انا سويتها بس بالحرس ماعندي علم بالحبيب .....
بس حبيت اقول لك اهم شي تريحين نفسك من التفكير وحاولي تدخلين التجربه وانتي من داخلك مبسوطة انوا ممكن يتحقق لك اللي تتمنينه وتدعين ربك دوم يحققه لك ولا تييئاسين رحمة رب العالمين كبيرة لو ماعطاك بالاولى يعطيك بالثانيه والثالثه والرابعه
انا حملت بالاولى ومات الجنين ببطني على طول
والثانيه رغم انو كانت الاجنه ممتازة ودرجه اولى ولا حملت بحكمة من رب العالمين انا مااعلمها
والثالثه ربي رزقني الحمل والحين بالسابع ربي يتمم لي على خير ويرزق كل محرومة يارب
ادري طولت عليك لكن حبيت اعطيك الدافع اللي كنت انا بحاجته قبل لا اسوي العمليه
وربي يرزقك - الحمد لله جات على كذا وفيه فرصه للحمل لاتعملين مثلي وتندمين على التأخير والسبب رفضت الأنابيب وكانت النتيجه رديت لهم بعد ما ضيعت ثلاث سنين من عمري والحمد لله وبعدين طفل الأنابيب حمل عادي اللهم أنو مساعده من الأطباء فقط والباقي على الله
الله يفرح قلبي وقلبك وكل من تطلب ذالك بالحمل السليم التام تسعة أشهر لا زياده ولا نقصان
اللهم آآآآآآآآآآآآآآآآآآآآآمين - يابنت الحلال قولي الحمد لله على كل حال انتي ما شاء الله عندك فرصه تسوين انابيب ونسبه النجاح ان شاء الله جيده خاصه ان المشاكل الي ذكرتيها مو صعب حلها مع اني مافهمت كيف هرمون التبويض مرتفع ؟
بالنسبه لهرمون الحليب استخدمي الحبوب ولاتقطعينه ابدا حتى لو اخذتي كم سنه انا استمريت اربع سنوات وانتظم عندي وكنت امسح صدري بزيت زيتون مقرئ فيه ويارب لك الحمد انتظم
الأجسام المضاده فيه حبوب لها وفيه ابر لو رحتي للحبيب اكيد بيعرفون لحالتك تمر كثير عليهم .
واخيرا انا ياقلبي الدكتور قفل ملفي وقال مافيك امل مره لأني اسباب الفشل عندي مجهوله وتحاليلي سليمه لكن ما اقول الا الرزق عند رب العالمين وماراح ايأس وانتي بعد روحي لزينب ابو طالب بعد ماتستخيرين وعليك بالرقيه وسورة البقره والتحصين وان شاء الله بتبشرينا بحملك قريبا .
مواضيع مشابهة
تابعي تجارب أخرى من هذا القسم.