ياطويلات العمر هذي طريقه سهله مره بالباذنجان هي اصلا سلطه اخذت طريقتها من فتافيت ..
بس انا خليتها وجبه عشاء اليكم الطريقه وتراها مررررررره سهله ولذيذه ومفيده ..
المقادير والطريقه ..
نشيل الورق الاخضر اللي يجي حوالين راس الباذنجان ونخلي الراس عشان نمسك فيه ..نشوي الباذنجان على العين بس النار تكون واطيه مره ونقلبه كل شويه الباذنجان يكون من الطويل مو المدور عشان يستوي زين ..
بعد مايستوي نخليه يبرد ونقشره نطلع بس القشره السودا ونقطع الراس ..بعدين نقطعه مربعات ونهرسه بالشوكه ..
نضيف فص او اثنين ثوم مهروس حسب الكميه ..
نقطع حبتين طماطم مربعات ..فلفل رومي واحد مربعات صغار ..انا اضفت بصل اخضر مقطع حلقات ..
عصير ليمونه وملح ..
نقلبها كلها سوا مع الباذنجان ..
اضافتي ..
سويت بيض مسلوق وقطعته مربعات واضفتله ملح وكمون ..
جبنه سايله ..
سويت ساندوتشات ..
مسحت العيش بجبنه وحشيتها بيض وخلطه الباذنحان مع شطه قوارير ..
وطعم الباذنجان يجنن كانه مشوي على الفحم ..
يممممممممممممم مره لذيذ وسهل وسريع انصحكم تجربوه وراح تدعولي ..
ينفع عشاء او فطور ..
للاسف ماصورت الساندوتشات بس كانت خطيييييييييره ..
بالعافيه على قلوووووووووووووووبكم ..
..
