شاركي في النقاش

سجلي الدخول لإضافة تعليق.

التعليقات

23
  1. @lojain99

    أنت شفتي منه شئ غير المسجات يخليك تشكين؟؟ أنت أدري بأخلاق زوجك و مادام انك واثقه فيه مالا داعي تعورين راسك, احيانا الرجال يوم يشوفون الواحده تحقق معاهم يحبون يتعبوها,
  2. @am_fthy

    الله يهديلك زوجك ويبعد عنك الشك وثقي في الله واذا فيه شي هايظهره الله بس اخلصي النيه لله
  3. الجئي لربك بترتاااحين
    توكلي عليه
    ادعي بسجوودك وكثري من الاستغفار والصلاه على النبي محمد

    وحصني نفسك وبيتك
    وربي يسخره لك ويسخر كل زوج مسلم لزوجته آمين :26:
  4. شوفي عزيزتي انتي مرتاحة في حياتج وحريصه عليها
    لذلك قبل كل شي لازم تكونين واعية بطبيعة عمل زوجج
    زوجج طبيب يعني في المستشفى أكيد تعامله كبير مع باقي
    زميلاته تلقينهم بيقعدون يتناقشون في حالة طبيه .. في الطب
    بشكل عام ولابد ماتطلع الأمور وتصير سوالف خارجية في حدود

    أنا زوجي في عمله مسؤول عن بنات يعني مافي ريال غيره في
    هالقسم .. وبما أنه هو المسؤول عليهم البنات داشين طالعين
    من مكتبه.. كل تعاملاته معاهم، ما تتصورين كيف أكبت نفسي
    وأكبت غيرتي.. ليش؟ عشان يظل مرتاح في أنه يقولي عن كل
    اللي يصير له في شغله.. يعني احيان وأنا معاه على الموبايل
    أسمع وحده تدش عليه تقوله شرايك في هالتصميم؟ وأنا خليت
    بنت خالتي تساعدني وهي بتطلعلي صور عشان التقرير..
    وهو مثلاً يقولها ماشاءالله بنت خالتج شو تخصصها؟؟؟؟؟
    يعني بدوها يتكلمون في الشغل بعدين تطلع السوالف لا إرادي
    يعني هو شدخله بنت خالتها ولا بنت عمتها شو تخصصها؟
    ليش كل هالسوالف؟؟؟؟؟؟ والأخذ والرد؟ لكني اكبت هالغيره
    عشان لا باجر تطور السوالف وأكون انا على عماي ما أدري
    شاللي يصير؟!! حصلت معاي مره انفجرت لما قالي انه ناقش
    فلانه عن موضوع دراسته.. هني بينت ضيقتي وقلتله هذا شي
    خاص فيك وشو اللي فتح الموضوع بينك وبينها ووصله لمخططات
    مستقبلك؟؟؟؟ قالي يعني تبغيني ما أقولج؟؟؟؟؟؟؟ صح انه استفزني
    ورديت عليه ترى بإمكانك تسوي وايد أشياء وماتقولي وهذا مش الحل
    وأنا من حقي ابين ضيقتي لأني اغار عليك وأبغي احافظ على حياتنا؟

    من بعدها تعلمت اني اخفي انفعالي عشان يشاركني بكل شي
    وصدقيني لما تتفهمين طبيعة شغله وهو يرتاح يقولج ما بيسوي
    شي غلط.. لأنج بكل بساطه معاه على الخط.. ولو صار شي غلط
    بتحسين لأنه بيبدا يغلط في الكلام مرات .. أو بتلاحظين انه ما عاد
    يتكلم عن شخص معين!!.. تقربي منه وكلميه عن شغله وخلي صورة
    عمله واضحه قدامج.. وحتى علاقاته مع زميلاته تحملي لو حسيتي
    في مرات انه فيها تمادي بسيط.. لأنه ما ينتبهون انه هذا غلط وتاخذهم
    أمور العمل أحيان ويطلعون منها بدون ما يحسون ...

    اللي صار وأنج ناقشتيه مب نهاية الموضوع كلميه عن مخاوفج
    وقوليله انا يوم أني قلت لك افتح بشوف .. مش لأني أشك فيك
    أنا قلتلك أفتح عشان ما أشك فيك.. وقبلها عطيه مقدمات كيف
    انج مرتاحه معاه وأنه مب مقصر وياج وأنج سعيدة من كل النواحي
    وماتبين اي نقطة تدش وتخرب حياتكم..

    أنا هالشي تعلمته مع زوجي كل شي أناقشه فيه وأقوله عن مشاعري
    ومخاوفي وأبين له انه كل ناجم عن حب,, وحتى شكي وغيرتي تنجم
    عن طريقتي في المحافظه على حياتنا زينه مع بعض..

    يمكن الرساله اللي ما شفتيها .. فيها تمادي بسيط من اللي قلتلج عنه
    قبل .. وهو خاف تشوفينها ما تتفهمين خصوصاً انج يايه تبحثين عن شي
    يدينه .. والريال ما يحب يطلع في عين زوجته صغير..

    كبريه في عينج وبيني له كم هو كبير.. هو قبلج بيحاول يحافظ على هالصورة
    وهو بنفسه بيتخلى عن الرسايل هذي في سبيل أنه يظل كبير في عينج

    والله يوفقج
  5. يابنات نصيحة مني اللي تشك في زوجها لا توضح له انها تشك فيه ابدا أنا انصحكم عن تجربة مريت فيها
    قريبة زوجي في بداية زواجي وأنا عروس كل ماشاقتني قعدت تشككني ان زوجي له علاقة فيها وأنه يحبها وتحبه واخت زوجي كانت تدعمها طبعا
    تخيلوا يابنات لدرجة انها تقول لي قولوا لفلان اللي هو زوجي طبعا اني ابي كذا وتلف علي وتقول اذا قلتوا له اني انا اللي طلبته على طول يجيبه
    زوجي يحببببني مررررة ذيك الايام بس الشيطان حريص انه يشككني فيه انا بغبائي كنت اذا رجعت قلت له وانا زعلانة كان بنقهر في نفسه ليش اشك فيه؟ مرة ترى هذه تاثر في الرياجيل
    بعد كذا اكتشفت من مصادر خاصة انها هي تحبه وهو مايبيها ولا سال عنها وانها اصلا انسانة حسودة

    بس ايش استفدت الان زوجي دايم يقول لي انت ماانت واثقة فيني لانه اخذ انطباع عني لو ماكنت اقوله احسن

    بالعكس ضاعت احلى ايام حياتي في الشك والغيرة

تابعي تجارب أخرى من هذا القسم.