عندي واسطه بس أبي الحلال من غير منة أحد تعالن هنا أنصحون

السلام عليكم ورحمة الله .....


هلوين وسهلوين بالصبايا الحلوات الأمورات المزيونات :22:


بغيتكن بسالفه وأبيكن تعطونن رايكن بكل صراحه :(


شوفة عينكن الأوضاع بهالديره ما تنطاق معتس فيتامين واو هلا وسهلا مرحب بتس ولو أنتس منتفه :30:

ما معتس واسطه الباب يوسع فيل :angry2:


أنا عندي واسطتن بجامعة من جامعاتنا العريقه وهالجامعه مالها حس ما قد سمعت منزلين وظايف القسم النسائي !!؟؟


يعني كل شي تحت لتحت عاد عُرض علي أقدم ملفي عنده بس محتاره و متضايقه أحس هم راكبن على راسي




وش رايكن عساكن للجنه ؟؟؟
تأيدون أتوظف بالواسطه وإلا لا ؟؟؟

الحمدلله مؤهلاتي وخبراتي تشفع لي بس وش نقول عن الخدمه عساهم للهد :angry2:

الراااااتب حلال حرام وش وضعه ؟؟؟

أبي يوم أتعب أتعب على الحلال لأن الدنيا ماهيب دايمتن لنا وعندنا رب سبحانه بيحاسبن على كل شي



فعطون رايكن ؟؟

أنا أبي المشوره منكن و إلين الحين ما أستخرت
للعلم أرسلت للمشايخ مثل خالد المصلح وعبدالعزيز الطريفي ما أحد عطان وجه ولا ردوا علي يمكن أنهم مشغولين ...

ورده حلوه للي تعطين النصيحه من قلب و تعتبر هالمووضوع يخصه :26:

24 تعليق 6,948 مشاهدة

شاركي في النقاش

سجلي الدخول لإضافة تعليق.

التعليقات

24
  1. @smasm_hmr

    عطيه اذا يقدر خليه يوظفك

    يعني الحين كل البنات الي توظفن واسطه فلوسهن حرام

    عندك مشايخ اولهم المسند والفوزان بناتهم كلهم بوسك الرياض موظفات

    يا شيخه توكلي على الله

    وشوفي مدارس الأبناء والحرس كلهم شغل واسطااااااااااااااااااات

    والجوازات والجامعات بالله عمرك شفتي ادارية توظفت بجامعه بالتقديم

    كله واسطه

    ماعليك من احد عطيه الملف وتوكلي على ربك

    وادعي بالخيره
  2. @almmhagrh

    خخخخخ يختي اذا عندك وسيطه توظفي فيها ماعليك
    بعدين راتبك مو حرام بالعقل انتي ماختيه وانتي جالسه بالبيت لا بتعبك وكرفك استحليتي هالراتب

    انا حتى محلله اثبات الاقامه خخخخخخ يختي ربي يقول وسعو في مناكبها وكلو من رزقه يعني ربي حلل لنا اننا نطلب الرزق بكل مكان وقال اسعو في مناكبها يجون الخدعه يحرمونه علينا




    بعدين وش سالفه الناس كل ماتوظفت وحده قالو واسطه يختي انا توظفت بدون واسطه الله يستر بكرا يقولون واسطه
    ماعندهم قناعه ان ربي الرازق يختي ربي اذا كتب للشخض وظيفه تجيه لو يقفون بطريقك ميه واحد
  3. @fatimah_saleh

    قرأت هالفتوى بموقع اسلام ويب


    بسم الله الرحمن الرحيم السلام عليكم ورحمة الله... أما بعد: من المتعارف عليه في بلادنا أنه لا يتم تشغيل الشباب إلا بواسطة، فما حكم من دعا أحدا لوليمة أو أعطاه هدية مقابل أن يدخله إلى العمل؟ وما حكم المال الذي سيتقاضاه فيما بعد من هذا العمل؟ وجزاكم الله خيراً.

    الفتوى :

    الحمد لله والصلاة والسلام على رسول الله وعلى آله وصحبه أما بعد: فلا إثم عليك في إقامة وليمة أو تقديم هدية أو دفع مبلغ مالي من أجل الحصول على وظيفة، إذا كانت الوظيفة حلالاً وكنت مستحقاً لها ولا يمكنك الحصول عليها إلا بذلك، ولمزيد من الفائدة راجع الفتوى رقم: 11046، والفتوى رقم: 14208. أما بالنسبة للمال المتحصل عليه من تلك الوظيفة-إذا حصلت عليها -، فهو حلال ما دمت قد تقيدت بالقيود السابقة. والله أعلم.
  4. @am_khlody_222

    برنامج نبض الكلام في رمضان اللي فات .. (دوري الحلقه باليوتيوب يمكن تحصلينها )اتصلت وحده في حلقة الشيخ خالد المصلح ..وقالت له انها تنتظر من سنيين الوظيفه وكل سنه تبعد وتنزل اسفل القائمه وغيرها تاخذها بارده مبرده لان عندها واسطه ..قال الشيخ ان هذا مايجوز وظلم وان هذا الظلم ماهو ظلم لشخص واحد هذي تعدت على حق غيرها وظلمت اللي في الانتظار وراها كلهم ..
    ياليت نوعي مجتمعنا بتحريم الواسطه اللي يترتب عليها ضرر لغيرك ..خاصه الوظايف اللي تمشي بالسرا والدور ..
    ماتسوى هالدنيا نضيع عشانها اخرتنا ..
    وانا من جهتي >> اقوووووووول الله لا يبيح ولا يحلل اي وحده تعدت على حقي في الوظيفه ..خريجه من 13 سنه جامعيه ..تقدير جيد جدا ..خبره 3 سنوات نقاطي فوووق 90 بالمفاضله .. واشوف طالباتي اللي درستهم بالتربيه العملي توظفوا .. اغلبهم نقاطهم تحت الـ 70
    والله تزوير الاقامه ارحم ..لانه شرط من الوزاره مو من رب العالمين ..بس بشرط تكون الوحده نقاطها تأهلها ..
    اما تجيك الوحده لا نقاط ولا معدل ولا خبره وتتعين جنب البيت !!! مدري كيف تتهنى بفرحه سببت تعاسة غيرها اللي يمكن محتاجه اكثر منها الف مررره لهالوظيفه اللي هي استحلتها لنفسهااا وكيف تتهنى براتب خذته من دون ماتستحقه ..
    مالوم البنات يوم يقولون وقفت عليك كل البلد واسطه .. فيه واسطه مايترتب عليها ضرر لاحد غيرك ..بس فيه واسطه كل اللي تحت اسمك منتظرين بقائمه طويله تضرروا بسبتك .. والناس ماعاد همهم الا الفلووووس باي شكل تجي حلال حرام مو مهم .................
    ماقول الا اللهم اغننا بحلالك عن حرامك وبك عمن سواك ..
  5. @raaay_alhly

    صاحبة الموضوع
    يا حوبنيلكن يابنات ماقصرتن وربي لازال الموضوع هاجس في راسي أقدم والا ما أقدم محتاااااااااااااااره مره مره




    أبو العيال أفتى لي خخخخخخ يقول يجوز ما عليتس منهم وخاصة أني مؤهله خخخخخ

    قلت إيه هين :35:

    أم خلودي يا عمري ياعسل عارفه أنتس متضايقه من هالواسطه البلاء :mad:

    بس أنا اللي أبقدم عليهم جامعه موب الخدمه المدنيه ثاني شي ما عمري سمعت عن هالجامعه أن وظائف نزلت للقسم النسائي !!!!!!

    ثالث شي ما أخذت مكان أحد أو شلت أحد أو منعت أحد وخاصة أن مثل ماقلتس لتس مؤهلاتي حلوه


    بس إلين الحين محتاره حتى شاورت خيتووووو قالت بكيفتس :icon33:


    اللي يتردد بشي هل معناته أن الله سبحانه موب راد لتس أو أن به شر لي ويبي يصرفه عن ؟؟؟؟؟


    :44:

تابعي تجارب أخرى من هذا القسم.