هدوء
ربي مايحرمني من طلتك يلي كلها روقان
اليوم يوم ذكرتي الاذكار انبسطت كتير وقلت الامر بالمعروف هو يلي راح يباركلنا بصداقتنا ويجعلها
خالصة لوجهه باذن الله تعالى متل يوم ذكرتنا دموعة بصلاة الضحى انبسطت كتير لانه هالشي بنحتاجه
بس مابنلقاه من اقرب الاقربين
الله يجزيك خير ويباركلك بعيالك ويسخر لك بقلب زوجك ويجعلك نور بين عيونو مايقدر يشوف غيرك
وجهي منك بالارض من تقصيري وبكرة وعدت الشغالة تجي تنظف لي البيت سطحي لاني مااقدر اترك الشغل يتراكم
الواجهات نظيفة وحمامين منظفين عميق والمطبخ عم يبرق ماعدا البراد دايما بعيد ترتيبه
ومالي لاقية شي اخليها تعمله غير انها تمسح الابواب من الغبار وتغسل السيراميك وتغسل الحمامات سطحي واكيد
غسيل البرندة يلي مابعرف اي اخت قالت انه ماذكرناه بيومياتنا وانا دايما بنظفها اسبوعيا وابني. بيغسلها يوميا
لانه غير هيك بيموت الزرع وبخسر حديقتي الصغيرة
بس الغثيان هلكني وانشغلت مع ابني لانه الطبيب طلب مني قياس كميات الماء التي يشربها وكميات البول التي
يطرحها ومع القياس بكتب جدول باوقات الشرب واوقات الاطراح هالشي مستمر حتى اثناء النوم
واخدته اعمل له تحاليل لثلاث انواع سكر والحمد لله طلعت كلها سليمة بس بقيت بالمخبر ساعتين ونصف
كل نصف ساعة بياخدوا منه دم جديد وتعبت عن جد
وكل هاد ولسا مالقيت حدا ياخدني للطبيب وعم انتظر تتحسن الدوخة لاقدر قود السيارة وحدي وروح لانه
بعيد عن بيتي حوالي تسعة كيلو متر
وقرارات جديدة مع اولادي ربي يعينهم شكلي ماانعطى وجه هههههه لقيتهم اتقبلوا القوانين الاولى
صرت بدي اسن قوانين جديدة بس لساني عم حاول معهم وخصوصا الصبي مو قابل ابدا انه
ندرس يوميا كل المناهج لو المعلمة ماطلبت وانا بدي نصير يوميا نخلص دراستنا لنكون جاهزين للامتحان
وهو بدو يكتب الوظائف ويدرس فقط ماتم طلبه والله يهديه ويقدرني على تربايته
سامحيني لعيت قلبك بس عم حاول انقل لك صورة حياتي هالكم يوم يلي مضوا وسامحيني عالتقصير
همم عاليه {22} ِِ*ِِ اذواق رفيعه وفصول اربعه ِِ*ِِ بضيافة هدّوو ^ـ *
متابعة النقاش، صفحة 301
