السلام عليكم ورحمة الله وبركاته
الله يجزاكم خير يا الغاليات على دعواتكم ومشاعركم
الله يرزقكم بمثل ما دعيتوا لي وأكثر
والله ودي أرد عليكم بأسمائكم بس المعذرة منكم وقتي ضيييق
تخبرون السعودية هههههههه
الحمدلله أمورنا على ما يرام سجلت عيالي في المدرسة وبقى ندور لنا بيت :22:
الله ييسر لنا ولكم الأمور يا رب
والرياض جوها هالأيام مرة جميل حتى النهار مو حار مرة يعني معقول في الظل
رحلتنا كانت من نيوكاسل - لندن - الرياض
يوم وصلنا لندن كان بين الرحلتين ساعتين طبعاً دايم يمدينا عالرحلة الثانية
لكن هالمرة مرينا حقين التاكس نبي ناخذ الفرق وكسبنا مبلغ وقدره 190 باوند :icon28:
بعد سرا طويييييل وتدقيق !!
يوم خلصنا منهم و رحنا بندخل شناطنا ونشحنها صارت الرحلة بقى لها نص ساعة وقفلوا البوابة وفااااتت الرحلة :icon33:
صراحة صدمة :09:
بس قلنا لعله خير وحجزنا للرحلة اللي من بكره
وخذنا لنا فندق جنب المطار بـ 200 وشوي ما لقينا أرخص وراح علينا اللي ربحناه من التاكس :22:
يالله الحمدلله لعله خير
ومن بكرة رحنا للمطار قبل الرحلة بـ 4 ساعات ههههه الخوف مليح !
لا الصدق لأننا حطينا شناطنا في مخزن الشنط في المطار
وقالوا لنا ان جيتوا بعد مرور 24 ساعة نحسب لكم يوم جديد .. و الشنطة بـ 8 باوند تقريباً
فقلنا نجي بدري و نضمن الوقت معنا
حجزنا اللي قبل كان يوم الخميس ووصولنا لأهلنا يكون 9 ونص يعني وقت حلو
ورحلة الجمعة متأخرة وصولنا كان فجر السبت الساعة 1 وزيادة ! بعد حول 2 !
بس يالله الحمدلله مرت بسلام :26::26:
الزبدة من القصة هي ان اللي يبي ياخذ التاكس يا انه يجي للمطار أبكر
أو فيه طريقة ثانية قالتها لي وحدة ..
صراحة التفاصيل كثيرة
ان شاء الله ان فضيت و روقت بسألها من جديد وأكتب لكم :26:
وبس هذي علومنا :39:
♥OoO♥ تجمع بنات UK بريطانيا ♥OoO♥
متابعة النقاش، صفحة 166