مين حملت أو سمعت بوحدة حملت بأطفال الأنابيب بعد عدة مرات فاشلة؟ قراري متوقف عليكم

عزيزتي هوزان نجد صح أنه ماعندي خيار تاني بس أكيد انتي بتعرفي قديشها مرهقة نفسيا بالدرجة

الأولى يعني اذا وصلت للمرة العشرين الله أعلم شو بصير فيني ناهيكي عن ضرر الهرمونات يلي الله

وحده اعلم شو اثرها على جسمنا...انشالله يارب بتحملي المرة القادمة بتوام ومابتحتاجي تعيديها أبدا..

انا هادعيلك فى كل صلاة ان شاء الله يرزقك و تفرحينا قريب.
الله لا يضيع اجر الصابرين ابدًا. قلبى معاكى يا حبيبتى و بادعو كل بنات المنتدى ما حد ينسى يدعى لحلا الشام على طول يا بنات و ربنا يرزقنا جميعا بالذرية الصالحة يا رب

لك تقبشي قلبي انشالله حكيك صح 100% بس أنا مو تفكريني طول السنة حاطة هالسيرة وقاعدة أو عم راقب التبويض وما الى ذلك..بالعكس تمام طول السنة بكون نسيانة او متناسية بس انا كل مابرجع من عملية فاشلة بضل فايتة بالحالة فترة شهر شهرين وما بقدر امنع حالي وبضل عم ببحث وعم بتناقش أنا وزوجي لنشوف شو بدنا نعمل بعدين لحتى اعرف شو عم ينتظرني بالمستقبل..لهالسبب أنا حطيت هالموضوع لانه زوجي مبارح كان عم يقللي أنه حاجتنا لحد هون بكفي وقال هو متأكد انه مافي وحدة عملت قدي لذلك قلتله مارح قرر هلأ خليني أول شوف اذا في حدا نجحت معه بعد 11مرة وبعدين بقرر...ومتى ما أخدت القرار لو شو ماكان خلص برتاح وبترك الموضوع تماما وبلتفت لأمور أخرى متل ما قلتي..طبعا انا ما عم بسأل لحتى روح هلأ, انا عم بسأل لخطط مشان بعد سنة لانه لازم اترك فاصل سنة بين كل مرة ومرة والا جسمي بيتعب...من زمان كنت فعلا ماشيل الفكرة من راسي خاصة بعد ماتخرجت وفضيت بس كان التفكير الدائم كتير يتعبني نفسيا..بعدين لما لقيت حالي صارلي سنين منتظرة صرت فعلا حاول أني أنسى وأشغل حالي بأشياء بعيدة تماما عن موضوع الحمل مثلا صرت أتعلم اللغة الألمانية بما انه كترت سفراتي على ألمانيا صرت مشتهية أتعلمها وكمان بما أني دراستي الجامعية أدب انكليزي بحب كتير تعلم اللغات بشكل عام.. بعدين اتعرفت على منتدى حواء الرائع بس كانت مشكلتي أنه اني كنت سريعة جدااااااااا بطباعة الأحرف الانكليزي بكتب صفحات بدقائق قليلة بس بالعربي اذا بدي اكتب كلمة كنت ضل ساعة عم بتطلع على الكيبورد فلقيت معاناة كيف بدي شارك بالمنتدى وانا بالأحرف العربي بطييييييييئة, جبت سي دي واتعلمت الطباعة بالعربي وصرت منيحة مو متل سرعتي بالانكليزي بس أحسن بكتيييييييير من قبل وكتير انبسطت بهالتطور بعدين صارت تسول لي نفسي أني ادخل على قسم الحمل بس صرت قول خليني استنى لوقت العملية لاني بكون فتت بالجو بس من قبل كنت أدخل على غير اقسام بالمنتدى وما كنت ادخل أبدا على قسم الحمل بس لما دخلت هون اتعلقت فيكن شلون بدي أترك قسم الحمل وأترككم معه!!! ماعاد فيني.....على كل حال هي فترة وبتعدي (احباط مابعد المحاولة) لا بد منها كل مرة بتصير معي وبعدين برجع وبنزل على الشام وبجتمع مع أخواتي وأهلي وبغير جو شوي..
بالنسبة للرقية الشهرية وسورة البقرة عم بقراهم بس مابدي كذب وقول كل يوم بس انشالله بدي حاول التزم فيهن باذن الله وانا عم بعمل جهدي طور حالي دينيا لانه هذ الشي الوحيد يلي بينفعنا بالنهاية...بس احلى شي أنو فيه عندي أخوات بجننوا متلكن عم يدعولي وهذا لوحده بيرفعلي معنوياتي أكتر مما بتتصوروا...(كأني حكيت قصة حياتي..:42: )

يا حبيبة قلبي شو بتفائل بحكيك والله العظيم أنا تفكيري متلك ومع انه بعرف انه صعب بس بقول متلك هو عليه هين مافي شي صعب على رب العالمين....وشو ماعمل الواحد ما اله غير ربه هو وحده بيده كل شيء...اما مشان الصدقة والله مع أني مابحب أحكي عن الصدقات بالذات بس هي الشغلة يمكن أكتر شغلة منعملها انا وزوجي ومنداوم عليها الله يتقبلها انشالله...الله يفرحنا كلنا بشوفة أطفالنا في القريب العاجل امين يارب..

شكرا كتير أختي أنا عملتها بالاردن و بألمانيا والاثنين نسبهم عالية بس ارادة الله فوق كل شي..