زوجك مسافر و حب يرجع عشان يفاجأك و انت كنت غير مستعدة؟تجاربكن

دايما يسويها زوجي من كثرها ماعدها راعي سفر وماعنده وقت يرفع السماعه يقول
الله يصلح الحال ويرده ردا جميلا اخر مره جا وجاب معاه سمك بدل مااستقبله قعدت بالمطبخ احضر العشا وماخلصت الا
الاخ يشاخر في سابع نومه حت كيف حالك ماقالها كنت اظن العشره والعمر بيقربنلكن اللي حاصل تباعدنا لان اهتماماتي غير عنه هو يركض ورا التجاره وانا اراكض ورا البنات ودراستهن لينما نسيت نفسي ونسيته معاي والحين احس بوحده اكرهها ومن كثر القطيعه صاير يسافر مايقولي يبلغ الاولاد يقولون لي كني حارس عمارتهم الشكوى لله

انا ببدايت زواجي تخيلوا طبعا زوجي بين الفتره والثانيه يكون مناوب المهم مره من المرات كان مناوب وانا الله لا يوريكم حالتي حاله كنت قالبه البيت قلب ابي انظف وعاد الشكل لا تسألون عين فيها كحل والعين الثانيه ما فيها و اللبس حاله لا وغير الشعر إللي كانه وحده شايفه جني خخخخخ بسم الله علينا المهم المفروض انه يجي اليوم الثاني وانا ماخذه راحتي على الأخر وشوي اسمع صوت الباب والأخ خارج من المناوبه على اساس انه مشتاق لعروسته تخيلوا انا خارجه من الحمام الله يكرمكم واشوفه قدامي
ماني عارفه وش اساوي ابي ارجع للحمام علشان اعدل نفسي شوي.. لكن هو شافني ويسلم المسكين تدرون وش ساويت
بدل ما ارحب فيه على طول صحت وعلى اساس انه على بالي انه حرامي >>>>> لا ومن الفزعه جتني ام الركب مو خفت من
الحرامي لا خفت لأنه شافني بأبشع صوره في بداية زواجنا وامسك على بطني على اساس اني خايفه وانا ابي اغطي عيوني منه واقوله خوفتني على بالي انك حرامي هو راح بباله اني ما ابغاه يجي على طول المسكين دخل الغرفه ونام مع انه مو من عوايده ينام ذاك الوقت ومن بعدها توب يخرج من المناوبه

الحمد الله ما قد صارت لي

اه بس لاتذكروني بالقهر صارت معي وطرطعت من مفاجأته طرطعة
مره كان عنده دوره بمدينه قريبه علينا وقاعد يكلمني ع الضهر ويسولف الاشوي ويقولي انزلي اناتحت؟؟؟ وشوووووووو؟؟؟؟ جلست احلف فيه ساعة ماني مصدقة ولاابغى اصدق؟
واناشوي وانجلط ماابغى اصدق بين تفكير بنفسي لاتروشت ولاحففت ولانيلت ع راسي ااااااه بس من القهر والبس ع طول وانزل
وانامقهوووره ع الاخير من المفاااجعة ووصلنا البيت وماعطيته وجه وكله تصرييييف لحد ماجهزت نفسي ونبهته لايعيدها