نصيحة لوجه الله
طلبتكم نصيحة اخواتي أنا أنسانة متزوجة وعندي ثلاث اطفال بنتين ولد والحمدلله أمورنا المادية كويسة الحمدلله جاتني وظيفة في شركة معروفة وراتب ممتاز يبغو بنت سعودية تتكلم انجليزي واردو وانا اتقنها بس مشكلتي أن حصلت مشاكل عند أهلي ماقدرت أكمل دراسة أهلي حضارم مشكلة في الاقامة وكنت أنا الضحية فات عليا سن الدراسة وماقدرت ادرس في مدرسة الله يهديهم أهلي اهملوني وما فكرو بس كان أخويا الكبير يحاول بس ماقدر عشان النظام بس مسكين ماقصر معايا جاب لي مدرسة خاصة تدرسني عربي وانجليزي بس اللهم مافي شهاده الوضيفة نفسها تشتغل فيها بنت خالتي وهيا جابتها ليا هيا صديقة عمري قالت مومشكله الشهادة المديرة شافتك وقالت انا ابغاها في ناس عندي معاهم شهادات وموفالحين المهم عندي اختي الكبيرة متزوجة وضعاها المادي مش مره دايم مشاكل معا زوجها مسكينة عندها اطفال هيا كمان ماكملت المتوسطة المهم بنت خالتي كلمتني انه انا قبلوني وانه هيا مش اوكي هيا منتضره الوضيفه لان احنا قلنا نروح معا بعض كلمت أمي لما عرفت ان ممكن مايقبلوها عشان اجنبية وماعندها لغة حسيتها زعلت وقالت هيا لازم تتوظف ؟. قلت في نفسي واأنا يامي مايهمك أمري أنا عارفه هيا قلبها عليها بس انا أيش ذنبي مالي أي علاقة صدقوني أنا ماني عارفة أيش اعمل هل أترك الوضيفة انا قلت بما أنه مادرست اعمل لنفسي شي يفتخرو فيه عيالي اما عن زوجي ف هوا راضي عني عمره ماحسسني بشي بلعكس بنتي صف رابع ومن الشطار في الفصل دايم ممتاز والحمد لله سامحوني طولت عليكم بس رجاء انصحوني أنا محتارة