:35:السلام عليكم ورحمة الله وبركاته
ياامورات ((((((((طلب بسيط
انا باقي ع زواجي اقل من سنه (يعني باقي معي وقت
ابي ((ولا عليكم امر ))خلطات اوبرنامج للعنايه بالجسم ومجرب امشي عليه علشان ما انحاس قبل الزواج:icon33:
شاركي في النقاش
سجلي الدخول لإضافة تعليق.
التعليقات
4- حبيت ارفع موضوعكـ لان ماعندي اي خبره
موفقه يارب..
وعليكم السلآم ورحمة اللّه وبركآته..
شوفي ياسوكّره أوّل شيء ألف مبروك مقدماً وربي يتمّم فرحك على خير يآرب..
أهمّ شيء التغذيه الدآخليّه يعني قبل ماتفكّري تهتمي بالشكل الخارجي فكّري في كلّ شيء إنتي تدخلينه جسمك ..
أكلك أهتمي كثير بالفوآكه والخضار وأشربي عصآئر طآزجه كثير قد ماتقدري أبعدي عن المقالي والمشروبات الغازيه مو معناة كدا تحرمي نفسك لآ..لكن حاولي قد ماتقدري إنو ماتكثري من الأكل اللي مآمنه فايده أوك أنتهينا من هالنقطه..
طيّب بعطيك كذا شغله سويتها وفادت معي ولله الحمد..
أول شيء أنا بشرتي حنطيّه وفيها شويةسمارمو كثير الحمد لله ومع هالأشياء اللي بقول لك عليها قرّبت على البيآض ..
خذي صنفرة ستيفز بالمشمش العصآر طبعا مو العلبه الدائريّه
وخذي كمان ملح الحليب يوكو سبا وعند كل إستحمام أخلطي في صحن صغير شوي من الصنفره وشوي من الملح [للي يكفي جسمك كامل }
وترشي مويه على جسمك بس مويه اوك وبعدين وزعي الصنفره على كل جسمك واتركيها 3 دقايق او 5 دقايق بس وبعدين هاتك يافرك وبضمير بالليفه المغربيّه انتبهي لاتجرحي جسمك يعني الليفه لاتكون ناشفه بلليها بشوية مويه وافركي اقل شيء 5 دقايق وبعدين اشطفي جسمك بمويه ونشفي جسمك واطلعي من الحمام وحطي اي مرطّب أهم شيء الترطيب حتى لو زيت لوز او جلسرين او جلسوليد اوي اي مرطب بشرتك متعوده عليه ..
الشيء الثاني اللي استفدت منّه وبان على بشرتي تقريبا من ثالث استعمال هم السدر مع الصابونه المغربي نفس الصنفره الاوليه وقت الإستحمام وفي صحن شوي غويط تخلطي اللي يكفي جسمك من الصابون المغربي والسدر واعجنيها لين تصير عجينه متماسكه طبعا راح تحتاجي شوية مويه في العجن زودي مويه عشان تنخلط بسرعه معاك رطبي جسمك ووزعيها على كامل جسمك حتى الوجه واتركيها 10 دقايق ولو قدرتي اكثر يكون احسن بعد وبعدين برضو بالليفه افركي كل جسمك زين مازين واذا طلعتي رطبي جسمك باي مرطّب..
لأباطي انا بطبيعتي مااحب مزيلات العرق بس اضطر لها احيانا
طريقتي هي ليمونه كامله مع ملعقتين جلسرين اللي علبته حمرا اخلطها زين وفي علبه نظيفه وفي الثلاجه كل مااستحمى امسح اباطي منها بقطنه نظيفه وماارجع ارجعها ثاني في العلبه وبس
صراحه عجييييبه اباطي صار نفس لون جسمي وصرت البس اللي خاطري فيه من غير إحراج..
وكمان الخلطه الأخيره اللي لمّن أستعملتها الكلّ أنبهر من تغيّر لون بشرتي والله صارت عروق يديني باينه من كثر مافتحت ماشاء اللّه
هي الخلطه الصابونيه لمزيونه وشقرا من منتدى كويتيات ربي يفرج همها ويبارك فيها ويوسع رزقها هذي أستعملها 3 مرات في الأسبوع يعني في الشهر تقريبا 12 مرّه راح تبان النتيجه خلال شهر بالكثير عموما هي مجموعة صوابين طبيعيّه لو مانفعتك ماحتضرك إن شاء اللّه..
الخلآصه/ نظمي أكلك ..أتبعي برنامجي للعنايه بجسمك
أبعدي عن الكريمات الكيمائيه والله مامنها غير الأمراض الله يجيرنا..
كتبت تجربتي والله على مآأقول شهيد ..
أتمنى أفدتك لو بالشيء القليل دعواتك ربي ييسر حملي ويخلي لي والديني ويبارك لي في زوجي وذريتي..
- تسلمين ياالاجوديه اسم ع مسمى كفيتي وفيتي ماقصرتي ان شاء الله اجرب الاشياء الي كتبتيها خاصة ان كلها طبيعيه:)
وشكرا ع مررورك يااميره بكلمتي - مووفقه يالغلا
فوفو ارسلي الرقم الله يعافيك
مواضيع مشابهة
تابعي تجارب أخرى من هذا القسم.