السفر للولاده بامريكا

هلا اختي ليه متخوفه
كثير يولدون في امريكا ويمدحون الولاده
بعدين دام ولدك يبيك روحي له خليه ينبسط وربي بيسهلها عليك

اخواتي المغتربات الله يسعدكم ويهون عليكم الغربه
كتب الله اني احمل بعد ما كنت خلاص مقفله على موضوع الحمل لكن الحمدلله على كل حال اللحين ولدي مسافر لامريكا بولاية ميرلاند ملزم اسافر اولد عنده هناك يمدح الولاده بامريكا ومنها اخذ الجواز الامريكي
بصراحه انا متخوفه من السفر والولاده هناك خاصه ان ما سبق لي السفر لامريكا
تكفون ابي شوركم اجي اولد عنده والا الموضوع فيه تعقيد انا اللحين بالشهر السابع يعني باقي لي شهرين وللحين ما سويت شي بالاوراق لاني متردده
يلا شوركم وهداية الله علما اني مستخيره

رفع لعيونك

تسلم عيونك يا دلووووووعة انا ومشكوره على رفع الموضوع
واختي الغاليه ام النت الله يسهلك كل امر ويسخرلك الطيبين من خلقه ما تقصرين والله يا الطيبه
المشكله اني للحين ما قدمت على الفيزا ما غير استخرت وبس واخاف ما تطلع بسرعه وهناك ولدي بميرلاند بالتمور ما ادري كيف الوضعبالولايه يقولون انها ثاني اكبر منطقة جرائم وواشنطن تعتبر قريبه من الولايه والحلو بالموضوع ان ولدي بيكون باجازه عشان الكرسمس يعني اقدر لروح لواشنطن دي سي بس ما ادري كيف ابدء بالموضوع والبعض يقولي ان السفر بالطائره للحامل ممنوع الدكتوره قالت لي اذا اعطيتك ورقه عادي يسمحوا لك
احيان اقول يا حرمه اركدي وعيني من الله خير وشو له هالهجوله لكن يجينيً شي يفززني ويخليني ارجع افكر بالموضوع اقول فرصه ولدي هناك وهو اصلا يعاني من الغربه يعني فرصه من جميع النواحي واحيان اقول الايام هذي مدارس وتجي ببالي بنتي الصغيره بسنه اولى ابتدائي والله ما ادري كيف اخذ قرار بس نفسي اني اروح واشوف ولطي واولد هناك وفرصه الجواز الامريكي كثير ناس يمدحوه للمولود