البنات المجروحات واللي رجالهم خانوهم تعالوا شوفوا مصيبتي عشان تهون تهون مصايبكم

ااااةةة يابنات ماادري من وين ابدى حديثي لكن اتمنى ان يطول بالكم علي لاننا في الهوا سوى كلنا مشاكلنا مشتركة ومتشابهة وكل اللي اتمناة ان تشاركوني الحديث حتى نتعاون مع بعض لايجاد الحلول مع هالرجال والعيال وهالبيوت اللي هدت حيولنا :angry:واول شي نبي نتكلم عن :arb: جابوا لنا الضغط والسكر والقولون والاكتئاب افقدونا الثقة بالنفس واصبحنا مهزوزات الشخصية بسبب مانلاقية من تجريح وانتقاد وكانهم هم الكاملين :09:اقرأ كثير بالمنتدى عن مشاكل الاخوات وكلها او اغلبها الخيانة :icon33:انا ودي اعرف بس هم وش يبغون كل واحد عندة زوجة مثل الوردة تفتح النفس ومع ذلك العيون زايغة تلاقينة بالسوق مايصدق زوجتة تدخل محل يقعد يبصبص ويقلب هالعيون تقولين ماعمرة شاف حريم بحياتة الخيانة عندي تبدا من المطالع والترزز قدام الحربم وطبعا تطورت في عصرنا هذا بسبب الجوالات الايفونات الانترنت كانت الخيانة قبل كم سنة على الشغالات لكن الان الشعب تطور لانة يقدر بالايفون والهواز هير يجيب ويواعد اطلق بنت على قول اللي عندي بغلي العزيز :arb:لكن ودي اسأل كل وحدة تعرضت للخيانة من زوجها وفضحة ربي قدامها كيف صارت علاقتكم بعد ماسامحتية ورجعتي لة :44:انا بالنسبة لي محدثتكم تعرضت لخيانة فضيعة من زوجي وبغرفة نومي وفوق سريري وهالكلام من سبع سنين ولكني عجزت انسى الجرح يابنات الشريط يمر علي كل يوم كرهتة كرة مايعلم فية الاربي وبلعتة ومشيتها لة لانة ابوعيالي مو على شانة لا وربي الا علشان هالاربعة اللي قااطعين قلبي يمكن تعرفون المثل القديم اللي كانوا يرددونة امهاتنا كل كرة واشرب كرة ولاتعاشر كرة هذا اللي قاعد يصير معي انا تغاضيت ومشيت قدامة لكن بيني وبين نفسي ماراح اسامحة الى ان تقوم الساعة لاني ماقصرت معة لكن وش تقولون بالطفاسة اللي عند بعض *** انا يابنات اموت كل يوم كرهي لزوجي يكبر كل ماكبرت وهذا واضح في تصرفاتي معة وخاصة موضوع النوم حنا تقريبا منفصلين عاطفيا وجسديا هويجلس لحالة وينام بالارض ويمكن مانجتمع الامرة بالشهر وهو يقول لي انا ادري انك مااتحبيني وانا اقول بقلبي حبتك القرادة يالخاين المهم الامور بينا قاعدة تتطور للاسوأ والنفور واضح جدا من طرفي انا اقوم بجميع واجباتي كأم وكزوجة الا في الفراش مااقدر لاتلوموني اللي شفتة مو سهل وتركت عملي وتفرغت لتربية ابنائي لكن لست مرتاحة لانة بدايهددني ويقول ابجيب وحدة عمرها ستة عشر عشان تعرفك قيمتك وحجمك وهو انسان مجنون ومقتدر ماديا ويسويها بس عجزت اقوى نفسي واحيانا اقول يابنت اقصري الشر ومشي على شان هالعيال واتعوذ من الشيطان والبس واروح لة واذا جيت باب غرفتة رجعت وتحسفت وقلت لنفسي مايخسى الاهو فقولوا لي وش الحل وشلون انسى واخلي حياتي طبيعية :39:ساعدوني ابي حل من البنات اللي مروا بمثل حالتي يارب افرجها علي وعلى كل مهمومة ومجروحة يارب تسخرنا وتسخر لنا وتصلح لنا النية والذرية......