مخطوبه بنت متزوجه قريب تعالي

السلام عليكم ورحمت الله وبركاته


بدخل فالموضوع على طول


مخطوبه ولامقبله على الزواج وغيره يخصك الموضوع






من كثر مانسمع بالمشاكل فهذا القسم عن الحياه الزوجيه خلاص تعبنا:icon33:

عندي مجموعه نصايح واتمنى تطبقونها بالحرف وبأذن الله بتعيشوا حياه اسريه سعيده

ومراح نسمع الا تعالو شوفوا زوجي اهداني عمتي تحبني اخت زوجي تساعدني:icon28:الله يسمع مني

احنى دخلنا الالفين والثنعش ولين دحين نسمع عن الطباين والحموات والعمات خلاص قرفنا


النصايح مقسومه نصفين وحطيها فشنطة الدبش :icon28:

اولآ:
الزوجيه بينك وبين زوجك

1 اول الزواج اعتمدي على الله فكل شي وتذكري مفيه سعاده بدون تقربك من الله

سجادتك افرشيها اخر الليل ولو ركعتن (صلاه قيام ركعتين + استغفار مستمر)تطبخين ترتبين فالسياره فالطياره
لاتنسين الاسغفار


2 حاولي تسعدين زوجك وبقولها بصراحه عذرآ(فالامور الخاصه) لان الرجل ينسعد بذي النقطه وتحملي وتفاعلي

لو مالك نفس ومع الوقت تجي النفس:)ولو تمثلي

3التغنج والدلع مو بتصنع حاولي تعودين نفسك انك انثى رقيقه ولازم تنعمين حتى عند اهلك مو بس فالكلام لا

فطريقت اكلك ومشيتك وضحكتك وغيره

4 الترتيب والنظافه حاولي قدر المستطاع بيتك نظيف مرتب ومبخر او معطر دايم وجسمك نظيف ومعطر

حتى لو زوجك مو موجود دلعي نفسك والبسي عشان تنفتح نفسك للحياه (كنت اشوف وحده دايم متشيكه

ومتعطره واكسسوارات بس لايجي ببالك كن عندها عرس لا بضرب مثال بنطلون جنز تيشرت ناعم واكسسوار ناعم ولو زوجها مو موجود)

5 الكلام لازم كلامك فيه حياه ومرح مو كآبه وحزن قدام زوجك بتنفرينه منك افتحي النت واقري كم نكته وكم خبر

مفرح والمواقف الضريفه اللي صارتلك وحكيه وابسطيه وانصيحه وساعديه على الدين بس مو مباشره لا بطريقه حلوه

6 نوعي فطبخك وامدحي نفسك قدامه وامدحيه لان العقل الباطن يخزن المعلومات ويطبقها



ثانيآ:

زوجيه مع اهلك واهل زوجك

1لاتخرجين لهم كثير عشان ميملون منك يعني اهلك مره او مرتين اهل زوجك كذالك فالاسبوع

2 لاتحكين عن حياتك مع زوجك ساعدني اهداني خرجني خلاص انسي زوجك ولاتتكلمين عنه سوا عند اهله او

اهلك

ليه لان اهل الزوج يمكن يغارو ويتغيرون عليك 00حتى لو طيبين واهلك يمكن كمان يغاورا او يقارنوا بين حياتهم مع

ازواجهم حتى امك يقولوا الام يمكن تحسد ضناها وهي ارحم قلب له 0 ويمكن تحكي عند احد عنك والناس

اجناس

3حاولي تحببين ام زوجك فيك اهديها بين فتره وثانيه قولي لها كلام حلو شوفي اش تحب وسويه لها اذا حبتك

تحبب ابنها فيك

4اتقي الله لاتضلمين احد ولا تتدخلين فيهم طبعآ اهل زوجك عجبوك اهلآ وسهلآ معجبوك صكي بابك ورحي مره

فالاسبوع واتقي الباب اللي يجي منه الريح00



بعض ماجال في خاطري كتبته لكم يارب يعبكم وهذا اول موضوع لي فهذا القسم

سُبْحَانَكَ اللَّهُمَّ وَبِحَمْدِكَ أَشْهَدُ أَنْ لا إِلهَ إِلأَ انْتَ أَسْتَغْفِرُكَ وَأَتْوبُ إِلَيْكَ

8 تعليق 1,438 مشاهدة

شاركي في النقاش

سجلي الدخول لإضافة تعليق.

التعليقات

8
  1. @ghla_khtan

    تسلم يدينك على هالنصائح
    وعلى قولت أختي نيو مون
    إذا تزوجت طبقتها إن شاء الله
    والله يهديك ويهديني يارب
  2. @yadlaay

    جزاك الله خير
    بس ماقولك ان حياتهم كلها مشاكل بالعكس
    بس احنا كذا السعوديات لاتقولين عشان ماتجيك عين
    لا تعلمين عشان مايحسدونك
    وهذا خوفهم من العين والحسد قبل التوكل على الله
    الواحد يحصن نفسه ليل ونهار ويتوكل على ربه ومايجيه شي
    بالعكس انا اعترف اني احب زوجي واحب اهله وخواته
    واذا شفت شي منهم عادي احاول ارمي ورا ظهري وانسي وابدي صفحه جديده كل يوم
    وربي لايغير علينا
    واللي تبغى المشاكل ووجع الراس بتلاقيها باتفهم الاشياء
    بس الوحده فينا تكبر عقلها شوي
    ليه مانسمع من الرجال يتكلمون فحريمهم ليه احنا بس
    لان الرجال سبحان الله حده يطلع من البيت يرمي كل شي ورا ظهره ويرجع
    ولاكانه شي صار
    اتمنى تكبرون عقولكم وتصيرون مثل الرجال حتى مايشيب الراس
    وهذي الدنيا كذا هم وشقى صعب الواحد يرتاح نتحملها وباذن الله
    ننال فالاخره الراحه وسعة البال

تابعي تجارب أخرى من هذا القسم.