التجمع الثاني لمواليد (مايو/يونيو) حياكم الله

تسلمين يارب يا ملقوفه

وانا كمان زيك ١٥ رمضان
شوفي هذا الرابط حطي الشهر وتاريخ اليوم
http://www.sehha.com/medical/pregnancy/Preg-calc.htm
حتلقي في الاخير في عدد الاسابيع
حاجه زي كذا
8 2/7

معناها لك ٨ اسابيع ويومين

ليش طيب تقولي شهر ونص يعني منقصه اسبوعين

ما ادري يمكن اذا حسبت من الاباضه يكون لك شهر ونص
او ممكن بدل ماتقولك لك شهر و٣ اسابيع ..قالت لك شهر ونص
اهم شي انك تطمنتني ع البيبي وغالبا حساب الالتراساوند مختلف عن حساب الايام بالمواقع
يعني لا تشيلي هم

السلام عليكم

صباحكم ورد بنوتات حلوات

اخباركم ؟؟؟

انا اخباري كالتالي بعد ان غبت عنكم يومين

يوم الاحد بالليل زاد علي النزف ويوم الاثنين رحت مستشفى الولادة والاطفال

وفي الطواريء قرروا لي عملية تنظيف لأن فيه بواقي

المهم بعد التيا والتي وسستمهم المصدي طلعوني على غرفتي

رايحة الصبح من قبل العشرة وما طلعت الغرفة الا ثنتين وشوي

حطوا لي الي ينظف الرحم ويزيد التقلصات وضرب راسي صداع من حطوه

اترجاهم ابي شي يسكن الصداع عايين يقولون ممكن الحين عملية لازم اكون صايمة

انتظرت الدكتورة ( باكستانية ) تجيني في غرفة التنويم تجيني ما جاتني الاقريب سبع الاعشر وفحصتني من تحت وقالت ما اشوف بقايا يمكن ماتحتاجين عملية

اصبري للسونار قلت لها انا جاهزة ومثانتي مليانة قالت لا اصبري للدكتورة في الشفت الي وراي انا خلص دوامي

لاحول ولا قول الا بالله شهالورطة ابي اروح الحمام مو كافي البلاوي الزرقا ( الواقع حمرا مو زرقا )الي تنزل مني

مالكم بالطويلة

جات الدكتورة الثانية ( باكستانية ) وفحصتني السونار العادي وقالت لي مافي بقايا ان شاء الله ما تحتاجين عملية

حمدت الله وسألتها ممكن آكل الحين قالت عادي

يووووووووه ياني اكلت اكل صرت مفجوعة هههههه

لا والله بقيت كثير بس احساسي ان فتحوا لي المجال وانا من الصبح على سندويشة حسيت اني في مجاعة

خليت الزبادي والتفاحة قلت اذا جعت بعدين :)

ويجيني شفت تغيير الممرضات وتخبرني اني لازم اصوم من 12 لأن احتمال يسوون لي عملية بكرة اففففففففففف

ساعة ايه ساعة لا وش هالحالة

قالت الممرضة : الاستشارية تجي تقرر

والدكتورتين الي فحصوني

قالت يحصل انهم يقولون مافي والاستشارية تقول في

المهم صبرنا

على الساعة عشرة الصبح جات الاستشارية ( اردنية ) وعملت لي سونار من تحت

قالت فيه بقايا بس بقايا مساحتها اقل من 1 سم وانا ما اعمل العملية الا لما تكون 2 سنتي وفوق

قلت الحمدلله يالله بالفرج

وكتبت لي خروج

وحوووووووووسة لحد ما طلعوني ماقبلوا الا يجي احد من اهلي

وزوجي المسكين ما يقدر جاني اليوم الي قبله جاب اوراقه واوراقي عشان يكمل الدخول مو سهل عليه يجي هالمشوار ويرجع على طول

طلعت امس المغرب وهذي حكايتي من الالف الى الياء

مللتكم برواية الف ليلة وليلة

طمنوني عنكم

وقولوا لي احسن ان ما سووا لي تنظيف والا التنظيف احسن ؟؟؟

ملاحظة اخواتي هذا الرد مشترك بين هذا التجمع والتجمع العاشر للمتأخرات عن الحمل بعد الطفل الاول

اطمنهم واطمنكم علي :)

الله يعوضك خير يارب
وتبشرينا بحملك قولي امييييييين