شوفي ياعسل اول شي لازم يكونون طالباتك مجموعات وتعليم تعاوني
في البداية تستخدمين جدول التعلم مع الطالبات وتخلين كل مجموعه يعطونك نقطه من معلوماتهم السابقه
اللي هي الخانة الأولى في الجدول(ماذا أعرف)
بعدين كل مجموعة تعطيك سؤال عشان تعبين الخانة الثانية (ماذا أريد أن أعرف)
وتخلين الخانه الأخيرة بنهاية الحصة اللي هي (ماذا تعلمت)
بعد كذا يقرأون البنات الأهداف والمفردات
والدرس طبعا مو شرح عادي نفس قبل .. لا .. ممكن توزعين أوراق عمل فيها صور وأفكار ومعلومات وعليها أسئلة بحيث ان البنات يعرفون أجزاء الدرس ومحتواه .. وطبعا فعلي لوحة التقييم للتعليم التعاوني عشان يتحمسون البنات ويحلون ... وفيه حركة حلوه إذا وحده من المجموعات صار عندهم نقطه ماعرفوا لها قولي أبغى طالبة من المجموعات الثانيه تجي تساعدهم وتشرح لهم هالجزئيه ويصير لمجموعتها خمس نقاط إضافية بلوحة التقييم التعاوني
أحيانا الألعاب تساعد كثير بالمنهج المطور بحيث انهم يتوصلون للمعلومات من خلال الألعاب
وعندك التجارب تخدمك كثير كل مجموعه يسوون التجربة ويتوصلون للنتائج بنفسهم
بعد فيه عندك مهارة القراءة ممكن يقرأون الكتاب ويحلون بعض الأسئلة بورقة العمل
عنك بعد الفلاشات التوضيحيه ...
طبعا كل الطرق السابقة سواء العاب او تجارب او فلاشات او قراءة أو حتى عرض صور .. لازم تكون معها ورقة عمل تحتوي على أسئلة تحلها الطالبة بعد ماتسوي التجربة أو تشوف الفلاش او او ....الخ
طبعا مايمنع هذا من إنك تساعدينهم على خفيف بالذات في الأجزاء الصعبة وفي نهاية الحصة ترجعين تشرحين العلومات اللي في الدرس كلها على السريع ....
وبالتوفيق يالغلا...لاتنسينا من دعواتك ....
متى يتم توجيه المعلمات الجدد !!!
متابعة النقاش، صفحة 475