تكفووووون اول مره تصير عندي عزيمه وأبي فزعتكتم

كيف حالكم ياحوائيات كتبت الموضوع وتعبت وآخر شئ انمسح وبغيت أموت من القهر

المهم عندي عزيمه :09:وبتجي ام زوجي وزوجات عيالهم وبزارينهم الله يصلحهم

1// ابي أستشيركم بالضيافه اول شئ اقدم القهوه والشاي مع بعض والا القهوه والحلا واذا خلصوا جبت الشاي؟
وانا راح اسوي نوع او نوعين حلا اما مع الشاي ماني مقدمه شئ عشان العشا
 
والحلا راح أسوي بكاسات او باوراق بليسيه عشان مااحتاس بالصحون والتقطيع
خصوصا انهم ست حريم ماشاء الله
وش رايكم ؟

2// ابيكم تعلموني كيف الضيافه بعد العشا
اول شئ الفوط ودي أرتبها بسله بس مدري كم فوطه أحط :42: والسله تنفع اللي تجي مبطنه بقماش او في شكل خاص ينفع مع للفوط ؟

والشئ الثاني أحط مخلط او عطر وأيش رايكم بمخلط نواعم اللي من باجنيد ينفع او لازم عود
وأيش تنصحوني فيه من المخلطات والعطور اللي تنفع ؟

والأفضل أني أنااااااااا أحط لهم المخلط وبعدها ابخرهم ؟؟؟؟؟؟؟ او لا

وايش رايكم أحط علك والاشيا اللي بعد العشا وكيف طريقة تقديمها والا مو لازم


بليز بناااااات لاتبخلون علي بالردود وأي فكره جديده اكتبوها لاهنتو


واذا في شئ أنا كاتبته موب زين قولوا لي اكتبوا اللي تبون بس لاتكسرون خاطري ترا العزيمه باقي عليها كم يوم


ولازم ارتب وضعي من اللحين خصوصا أنا عندي بنتي ملقوووووووووفه بشكل فضيع وبسنع نفسي من بدري

ودعواتكم ان عزيمتي تصير تبيض الوجه


بنات نسيت اقولكم أنا صالتي مررره صغيره وفيها جاوبه بالنص وطاولات بالزوايا ومتعاونا لاتجاه ولاهم يحزنون لأني أسى متكملة تأثيث وش رايكم أحط صينية القهوه بالطاوله اللي بالزاويه لان الجلسه حقتي على شكل ال ووحده من الطاولات على الطرف ؟؟


تكفووووووون بنات لاتبخلون علي بأي معلومه لان مجتمع حمولتي كلها مجاكر وودي اطلع عندهم سنعه:09: »»» ماظنتي

وهذي :26: لكل وحده ترد


وعلى فكره ترا العشا من برا :22:

20 تعليق 10,532 مشاهدة

شاركي في النقاش

سجلي الدخول لإضافة تعليق.

التعليقات

20
  1. @aatr_algory_2

    ياعمري عليك
    اذا مو ماخذين عليك سوي زي ما اقولك :
    انا افضل العصير وبعد القهوه والاحلى والعشاء وفي النهايه الشاي
    واذا الميااااانه بينكم فري !!!
    عصير مافي هعهع ؟؟؟القهوه والشاي مع بعض وبعدين العشاء وحلى العشاء في كاسات اكشخ وايش بعد الدهن حلو نواعم وبخريهم وبس
    وباالنسبه للعلك حطيه على المدخل حطي علك لبان فصوص وحلوه نعناع على المدخل
    اتمنى يكون كلامي واضح لانه في عيوني نوم خخخخخخخخ و***** الله عوزومتك تبيض الوجه
  2. @anzf_aasl

    لااله الاالله

    الله يكون في عونك

    اول شي قدمي لهم عصير مع تشيز كيك صغير من سنابل السلام روعه


    وبعدين قهوه

    سوي لك نوعين في كاسات او ورق بلسيه على قولتك

    وعبي لك صينيه معمول من روز

    وتمر او تمريات حلوه

    وبعدها العشاء وحلى العشاء

    وفي الاخير قدمي الشاي مع السكر


    حطي كل البيالات والفناجيل في صواني وفوق الطاوله اللي تقولين عنها في الزاويه

    وزيني المغاسل واذا ماعندك مغاسل حطي في طاوله كبيره افرشيها قماش وتل وحطي سلة المناشف والعطورات والمخلطات والمناديل المعطره والعلوك واعواد الاسنان في سلات او فازات وشغلى شموع صغيره يطلع وااااو حلوه

    وربي يكون في عونك

    وش رايك اجي اساعدك ههههههه

تابعي تجارب أخرى من هذا القسم.