اللي تعرف ترد الله يسعدها

@alghla_loly

سلام يااغلى حوائيات
السالفه ومافيها عندي بنت عمه سمرا مره وبعد ماتزوجت انقلبت بياض و
نعومه زي القطن المهم انا سالتها وش غيرك وش تستخدمين ابيها تقولي
وهي تقول ابد مااحط شي طبعا انا كنت سهرانه عندها في بيتها
ولما دخلت الحمام وانتو بكرامه لقيت في الحمام علبة جيسوليد شكلها نست تشيلها قلت معقوله اللي بيضها جيسوليد بعدين قلت يمكن
حاطه عليه شي خلني افتحها وفعلن لما فتحتها كان الجيسوليد
لونه بنفسجي على موف ادري طولت عليكم الي ابي اعرفه وش ذا
البنفسجي اكيد الخلطه ذي هي اللي بيضتها فكرت بس ما طلع معي شي
قلت اقولكم يمكن وحده منكم تعرف هالخلطه وتقولي ولها مني احلى دعوه
ولي ماتعرف ترفع الموضوع الله يسعدها

11 تعليق 1,457 مشاهدة

0 0

شاركي في النقاش

سجلي الدخول لإضافة تعليق.

التعليقات

11

  1. @alnadrh_8

    التليقف في أغرآض العربآن بدون علمهم موب زين وأنآ آختتس
    مير لآ علمتك هي شخصيــآآ علمينآ معتس .. لكن هالتصرف من ورآهآآآ يزّعل صرآحتن !

    إذا على خلطآت البيآض وآجد فيذآ المنتدى وبغيرهـ .. لكن آهم شيء لآ تكون كريمآت كيمآويآت وزئبق وكورتيزون ,
    ولآ أشيآء خرطي فلوستس فيهآ خسسآآير ..

    الله يزينك بالإيمآن وطآآعة الرحمـن يَ رب

    .,.

  2. @alghla_loly

    صاحبة الموضوع
    مشكوره اختي النادره على الرد والصراحه هذا مو من طبعي افتش في
    اغراض الناس وانا قلتلك اني شكت وقلت اتاكد وفعلن طلع شكي في محله
    هي مستحيل تقولي لو بتقول ماسالتكم بعدين حبيبتي ادري ان فيه خلطات
    كثير بس بس ما تدرين عن نتايجها وانا ابي اعرف هالخلطه لان شايفه نتيجتها
    عليها عالعموم يعطيك العافيه على الدعوه وان شالله البنات يساعدونا

  5. @aanydh_mthl_aboha

    يستاهل الرفع
    لكن على قولتهم القافة شينة وتجيب الوسوسة وصداع الراس...
    لو أنك حرمة ذكية كان حاولتى تطيحينها بالكلام بس اح ومليون اح ماعرفتيلها ( وبصراحة مدري ليش الوحدة تدس الكلام وماتعلم على الاقل كان لقيتلها دعوه من وراء أخبارك بهذه الخلطة ويش نقول غير عقول وقلوب )

تابعي تجارب أخرى من هذا القسم.