شاركي في النقاش

سجلي الدخول لإضافة تعليق.

التعليقات

99
  1. @shok_fashn

    يالغلااا شووفي ممكن يستانس مع اصحابه او اصحابه عندهم شغله هابين فيهاا

    يعني خليه شهر او شهرين صدقيني بيطفش منهم

    لانه الان هو مشتاق لهم من بعد الزواج وشهر العسسل

    هونيها وتهون ولاتفكرين وصدقيني بتشوفين الوضع عادي
  2. @lolita_3

    اثقلي لاتروحين له كل شووي خليه يفقده اجلسي شوي بالغرفه وهو بالصاله وزي كذا لاتكونين قباله داايم
    ولاتعودينه تنامين عند اهلك
    شكل زوجك ملوول لاتعودينه ان كل شوي تغيرين الروتين
  3. @nardyn2

    سجوود
    الله يسخره لك ياارب...،
    ياقلبي الحب له حدود انتي تقولين اموووت فيه ...فسري الكلمه وانتبهي لخطورتها
    وليه تموتين في بشر
    المسلم يقول باسمك اللهم اموت واحيا
    انتبهي مهما كنتي حنونه وحساسه ورومنسيه خلي قاعدتك ان قلبك مملوء بحب الله سبحانه وتعالى ولا يكون حب زوج ولا ابن ولا ااهل ولا صديق يطغى على حب الله ....انتبهي
    انتبهي من هذا الفخ
    حبي زوجك واستمتعي فيه بحدود ما فطرك الله عليه
    انتي انسانه مخلوقه لعبادة الله اولا واخيرا ...وكل مافي هالدنيا توابع تجي مع الهدف الاساسي لوجودك الي هو العبادة
    اذا قمتي كل يوم من النوم وقلتي في سريرك لنفسك انا مخلوقه لعبادة الله ...صدقيني بإذن الله بتتغير حياتك ونظرتك للحياة 180 درجه...
    حتحتسبين كل شي تسويينه خلال اليوم لله خالص ...
    حتصلين بتمهل وخشوع لانك حاطه في بالك انو هذا الاساس واي شي ثاني هو ثانوي
    حتحافظين على الاذكار في كل المواضع لانك عارفه انها الاساس
    حتقرين القران وتتفقهين بدينك وتبدين بحفظ القران لانك عارفه انها الاساس..لانها امر من الله
    حتقومين بحقوق زوجك وترضينه وتقومين بعمل بيتك عشان ربي ولوجه الله ..لان التقرب لله ورضاه هو الاساس
    حتحرصين على بر والديك وصلة رحمك ولا تقصرين فيها لانك عارفه انها الاساس ..لانها امر من الله
    حتحسنيين لجيرانك وتتقربين لهم بالحسنى لانك عارفه انه الاساس...لانها امر من الله
    والقائمه تستمر ..... شفتي قد ايش انتي مشغوله ووقتك مهم ...
    حتكونين مبسوطه وسعيدة مرره ...وعندك الاكتفاء النفسي والعاطفي بإذن الله...
    عارفه ليش ؟
    لان القلب عامر بحب وارضاء الله والعمل له ..
    والله ماراح تحسين بزوج قلب عليك ولا راح ...ولا اهل قصروا معك ولا ناس تغيرت وعيال تركت ...
    مو لانك جماد او غير الناس او مثاليه...لا ..فقط لانك حاطه في بالك ان هالدنيا سفره قصيره ...وان المستقر قدام هناك جالسه تناظرين له وتستنينه ..
    صدقيني كل متع الدنيا لو توفرت لك حب زوج وروعة اهل ورضا ابناء ومال وصحه واستقرار ...مستحيل تحقق للنفس البشريه الاكتفاء والاستقرار الروحي والنفسي والعاطفي الا الا اذا كان اساس القلب متين بحب الله وحده ومؤمن بقضائه ومتوكل عليه...
    لانك اذا كنتي كذا حتشوفين كل تصرفات البشر وتعاملتهم معاك ولاشي اولا لانك محتسبه غفلتك عن زلاتهم لوجه الله ومسامحه لوجه الله وتعاملينهم بالحسنى لوجه الله يعني مو فارق معاك رد فعلهم وتغيراتهم لانك مو مستنيه اجر منهم انتي مشتغله لله اساسا...
    بالتالي مافي شي بيقهرك ..
    وماراح تفهمين هالكلام الا اذابديتي بالتطبيق وابديه مع زوجك
    ابدي سياسة الاحتساب معاه بالتالي ماراح تقولين لنفسك انا مو مقصره ليش مو جالس يرد لي المعامله بالمثل..
    ثانيا انشغلي بالله وعبادته وبوظيفة الانسان الاساسيه واجمعي ادخار بالسر والعلن من كل الاعمال الصالحه تلقينه في الاخره ...وثقي بأن الله بيجيب لك زوجك والدنيا ومن فيها لحد رجلك...لكن توكلي عليه واخلصي النيه لله وحده...
    والدعاء ثم الدعاء لاتهملينه وكل دعاء تدعينه تذكري انه عباده تتقربين بها الى الله ...


  4. @aaashkh_almsthyl_3

    انا اقولك عشان وعدك برومانسية وذا الكلام انتي مصدومة
    ومسألة وقت ويرجع ان شاء الله
    بس توكلي على الله واكثري من الاستغفار والصلاة على الرسول علية افضل الصلاة والتسليم وقومي بواجباتك ولاتحاتين بعدة عنك
    وانتي بين فترة وفترة غيري روتين الحياة
    حفلة
    سفرة
    طلعة برا البيت
    هدية مفاجئة وغيرة
    وهو طالع ادعيلة وهو خارج رحبي فية
    وان شاء الله يصلح الامر
    بس يااختي لادققين مرة في الحياة وتفاصيلها وتشيلين هم كل شي

تابعي تجارب أخرى من هذا القسم.