صينية الرقاق المصري من الاف للياء خطوة بخطوة من مطبخي

السلام عليكم ورجمة الله وبركاته
كيفكم يا احلي اخوات يارب تكونوا بالف عافية واسعد حال
صينية الرقاق اهم طبق في البيت البيت المصري في عيد الاضحي وكل عام وانتم بخير الرقاق بينباع جاهز بس بناء علي طلب الاخت الغالية ماجدة82 عايزاه حنعمل العجينة وعلشان لو اي اخت مش لاقياه في بلدها يللا بينا
بسم الله الرحمن الرحيم
حنعجن 3 كوب دقيق مع ملعقة صغيرة ملح وماء حسب الطلب لحد لما نحصل علي عجينة طرية متماسكة ونسيبها ضروري ترتاح مش اقل من نص ساعه ونقسمها كور حجم اليوسفي


ونبا بالفرد علي سطح مرشوش دقيق وعلي وش العجين دقيق ونفردها عل قد ما نقدر تكون رقيقة ونرص علي قماش او علي اي سطح مرشوش

اسخن صاجة علي النار العالية لمدة 5 دقايق وابدا انقل الرقاقة اتنيها علي النشابة واحطها بحرص علي الصاجة بحيث ارعي انها ماتتكرمش مني واحط بالترتيب

اول لما تطلع فقاعات اقلبها الناحية التانية

شوفو الفقاعات البني

انقل الرقاقة وامسح الصاج من الدقيق واحط اللي بعدها لنهاية الكمية

بعد لما اخلص الكمية احطهم علي ملاية يتهوواعلشان مايطراش عايزينه مقرمش
نبدا في عمل الصينية:
احمر بصل في ملعقة سمن واضيف له اللحم المفروم وملح وفلفل واقلب واسيبه يستوي
احصر طبق واسع ومرقة دسمة واجيب الرقاقة وامسكها بايدي الشمال واصب المرقة بايدي اليمين علي الرقاقة وابلها بالكامل واجيب صينية مدهونة سمن واحط الرقاقة وارش السمن واحط الرقاقة التانية وهكذا 4رقاقات والصور توضح



لسة في تكملة انتظروني

317 تعليق 36,775 مشاهدة

شاركي في النقاش

سجلي الدخول لإضافة تعليق.

التعليقات

310
  1. @lyl_mhmd64

    صاحبة الموضوع
    نكمل
    بعد الطبقات الاربعة احط اللحم المفروم المستوي واحط طبقة طبعا كله مبلول بالمرقة وارش عليها سمن والتانية وهكذا 4 طبقات تانية واسيب الصينية ربع ساعة علشان الرقاق يلحق يطري (وعلي فكرة لو عملتي الرقاق وطلع طخين اسقيه بالمرقة ساخنة علشان يطري )واسيبكم مع الصور


    وندخلها الفرن لحد لما تحمر



    وبالف هنا وشفا اسيبكم بقي لحسن تعبت وعايزة اعرف رايكم ايا كان لحسن انا موضوعي اللي فات الوفاءكو جالي احباط ياريت تردو حتي لو مش عاجبكم بس ان شاء الله يعجبكم وكل سنة وانتم طيبين
  2. @am_alytym_3

    ماشاء الله تبارك الرحمن
    تسلم ايدك ياذووق وان شاء الله اجربها
    الله يحرم ايدك من النار يارب
    الله يسعدك ياليلى وحبك لمساعده الغير الف شكر
  3. @lyl_mhmd64

    صاحبة الموضوع
    ام اليتيم 3
    ماشاء الله تبارك الرحمن تسلم ايدك ياذووق وان شاء الله اجربها الله يحرم ايدك من النار يارب الله يسعدك ياليلى وحبك لمساعده الغير الف شكر
    ويعطيكي ياحبيبتي يسلم مرورك

    ربنا يخليكي يا ام الذوق مش عارفة اقول ايه قصاد كلامك الجميل ده وانا عند وعدي مش ناسية ان شاء الله انزلك قريب البط والحمام شكرا لمرورك ياقمر وشكرا حقيقي اسعدتيني

تابعي تجارب أخرى من هذا القسم.