بيضة في غرفة الخادمة؟؟؟؟؟؟؟؟

السلام عليكم خواتي
في أحد الأيام فقدت جوال ولدي وبحثت عنه في كل مكان ولم أجده ففكرت أفتش غرفة الخادمة دون أن تدري
دخلت والا أشوف بيضة مكسور الجزء العلوي منها وموضوعة داخل لفة كأنها عش , اللفة كانت عبارة عن قطعة ملابس داخلية ملفوفة وموقفة فيه البيضة ولما نظرت داخل البيضة شفت شفت الصفار فيها 0يعني بيضة نيئة مكسور ربعها اللي فوق وموضوعة في اللفة ؟؟؟؟؟
الخادمة أندونيسية ومعاملتي لها طيبة جدا ومريحتنها وهي بعد ما شفنا منها شيء مو طيب بس مش عارفة تفسير للي شفته
اللي تعرف تريحني وجزاكم الله خير
ملاحظة:أنا لقيت الجوال في الدولاب الخاص بولدي بس الله أراد أن أدخل غرفة الخادمة وأشوف اللي شفته ساعدوني

18 تعليق 2,499 مشاهدة

شاركي في النقاش

سجلي الدخول لإضافة تعليق.

التعليقات

18
  1. شووووفي
    انتي خلي شيخ يجي البيت بحجة انه يقرا قران على البيت ووريه البيضة من غير ماتعرف الشغالة
    وهو راح يعرف اذا فيهااا سحر ولا لا
    انتي لاتتصرفي في البيضة وانتبهي لا تنكسر خلي الشيخ هو اللي يشوووف

    بس الملابس الداخلية حقت ميييين ؟؟؟؟؟؟؟ لها او لاحد منكم ؟؟؟؟؟؟؟؟؟؟
  2. @hnd_rashd

    صاحبة الموضوع
    الموضوع صارله أكثر من شهر وأنا دخلت مرة ثانية مع أخت زوجي مالقينا البيضة بس لما وريتها الملابس الداخلية قالت انه لها يعني لأخت زوجي المهم أنا لما شفت البيضة أول مرة ما حطيت في بالي ولما تكلمت مع صديقتي خوفتني وعشان كده دخلت مره ثانية
  3. اكثر من شهر
    الله يهديك

    اصلا ختى لو انك واثقة منهااا
    هالشي غريييب يعني ليه بيضة ملفوفة بملابس
    شي يحير

    على العموم اي مسحوووور تبان عليييه اعراض وعلامات
    اما
    يحس بضييقة دايماا او كابة او الم في الظهر او الركبة طبعا الام مستمرة على طووول حتى لو كانت على خفيف
    ممكن احلام مخييفة او ملخبطة خصوووصا بعد قراة القران او سماعه
    تنميل في اطراف اليد والاصاابع لما يسمع القران
    ضيقة وقت غرةب الشمس يعني عند صلاة المغرب
    وضيعة عند كل اذان

    يعني هذي علامة الشخص المسحور ممكن كذا علامة تظهر عليه وممكن علاامة وحدة

    اذا مافي شي من اللي قلته اذا لاتخافين ان شاء الله خير
    واذا تبين تتطمني خلي الشيخ يقرا علييكم وهو رااح يعرف كل شي

    ان شاء الله مافيكم الا كل خيييييييييييييير
  4. @mthlom_oayd

    بس في نقطه بغيت أفهمها
    الأخت الكريمه مبين انها ما تدخل غرفة الخدامه
    صح انه الخدامه لازم يكون لها خصوصيه لكن هاذي انسانه غريبه عنا وياما سمعنا عنهم بلاوي وهي ساكنه في غرفه في بيتنا
    يعني لنا الحق نفتش في غرفتها بين فتره والثانيه بس بدون ما تعرف علشان ما يصير عداوه ولا أي شي مصلحة البيت أهم من أي شي ثاني
    أنا مره فتشت غرفة الخدامه شفت حاطه أحجار غريبه صغيره ولونها أحمر في علبة البودره تخيلوا علشان ما حد يدور في العلبه يفتكرها بودرة ويوم سألتها شو ها ارتبكت وخذت العلبه من ايدي ورجعتها مكانها ورديت كررت عليها السؤال شو ها تهز راسها وتاخذ العلبه سألتها كمن مره هذا دواء قالت لأ
    سألتها حجر مال بلادكم بعد قالت لأ

    المهم شكيت وسرت وديت الحجر عند خدامه أهل زوجي اندونسيه من نفس الجنس قالت انه هذا في بلادنا سحر

    وبعدين رديتها المكتب ويوم سألها راعي المكتب شو هالاحجار قالت له انه دواء مع انها انكرت هالشي معاي المهم قالنا المطوع خله هي تاخذها بديها وترمي في البحر
    وبالفعل سوينه هالشي وسارت رمته وهي تضحك ضحكه غريبه مع انها من جت عندي البيت ما ابتسمت ابتسامه وحده

    المهم بعد هاي السالفه قامت تتذمر من الشغل وانها بتروح بلادها وما تبا تشتغل مع انه بيتي صغير ومافيه شغل وايد وعيالي صغار وهي اصلا ما كملت اسبوعين من جت
    بس صدق انقهرنا انا وزوجي يعني ندفع علشان نييب هالخدامه وهي بكل سهوله تبغي تروح بعد ما دفعنا عليها وغير اني تميت طول هالمده وخذت اجازه من الدوام وكرف معاها أعلمها الشغل لانها كانت ما تفهم اكرر عليها الشغل الف مره ولا تسويه يعني اعلمها ترتب السرير بهاي الطريقه اشوفها اليوم الثاني برتبتنه بطريقه عجيبه اعلمها تغسل الحمام تغسله اي كلام رش ماي تفتكرني ما أعرف شغل البيت
    وغير معاملتها مع اليهال تخوف حتى بنتي تخاف منها ما ادري ليش مع انها تسير عند اي حد عادي ما تخاف من الغريب

    لكن قلت يمكن ما تعودت عليها وغير انها ما تبتسم كله مكشره بس مره قلت لها خذي البنت وغسلي ايدها وخذتها وهي تفتكر اني ما اشوفها وبعد زوجي كان يشوفها وهي ما تدري وبنتي طبعا طفله ما كملت سنتين مب راضيه تعطيها ايدها تغسل لها وتعاند تعرفون حركات اليهال ويوم غسلت ايدها خلاص وبنتي تصيح سارت بنتي وضربتها وقامت الخدامه تبغي تضرب بنتي تخيلوا ويوم شفتها قلت لها شو اللي قاعده تسوينه قالت بنتج ضربتني قلت لها وانتي طفله علشان تردين الضربه بالضربه ومع طفله صغيره وكنت معصبه بشكل وقلت لريلي هاي ما تقعد في بيتي قال ما عليه نصبر عليها شويه

    المهم كأننا غاصبينها علي شي وهي ما تباه وقامت الصبح تبغي تهرب ما خذها أغراضها مع الحاجات اللي انا عاطتنها وتبا تهرب زين شافها دريولنا ودخلها في البيت وهي تصرخ اتصلت في ريلي الصبح وقلت له خلاص ما نباها

    كأنها جايه تشتغل وهي جايبه معاها هالسحر لغرض معين شافت انه السحر مالها بطل غيرت رايها وتبا ترجع بلادها

تابعي تجارب أخرى من هذا القسم.