انتهاء المده المحدده للغه من البعثه

ايييه اختي اذا جاب قبول ان شاءء الله يرجع للبعثة اكيد
بس خليه هو يشد حيلة ويجيب الدرجة المطلوبة

الله يبشرك بالخير يا اختى elaaaaf والله هو من البدايه كان مستصعب الغربه بس كان يبيًي يفرح ابوه وراح وهو مو متعود يبعد عننا وهناك جت الولايه فيها شوية اجرام وكان متضايق منها وبعد سفره بايام تعب ابوه جته جلطه وكنا نحاول نخبي عنه بس الشكةى لله تقنية هالبلاك بيري فضحة السالفه ودرى عن ابوه لان ولد عمه كا كاتب عن زوحي في البلاك بيري ودرى ولدي بالصدفه وهناك جته حاله نفسيه خلته يتخبط شوي بالدراسه يعني اللحين صلر له حوالي سنه ونص بالغربه وهو ما ارتاح يقول يمه ادعي لي ودي افرح ابوي :44:
يارب يسخرله عيال الحلال الطيبين اللي ياخذوا بيده ويدلوه على كيف يواصل دراسته لين يتخرج هو الله يهديه حياوي مره ومحتاس بعمره هنااك
هذي سلبيات اللي يسافر بعد الثانوي على طول
اخيرا اشكركم اخواتي اللي ردوا علي والله يفتحها بوجيهكن دنيا واخره

اذا بكالوزيس ان شاء الله بسهولة يلقى قبول
وعادي خليه يروح قرى وارياف
بالعكس احسن يركز بدراسته
احسن من المدن الكبيرة وعلئ كلامك فيها جرايم
الله يعينه ويطمن قلبك عليه

تتبشرين بكل خير اختي elaaaaf والله من رمضان وانا ادعي واطلب الله وان شاءالله يارب يمديه يسجل وينجح وابشركم والله ما تتصوري كيف اعطتيني الامل من جديد
يارب يا كريم يوفق كل المبتعثين المغتربين ولا يضيع لهم تعب ويحفظهم بغربتهم من كل شر وينفع بهم امة المسلمين يارب العالمين
الف شكر يا اختي الغاليه:) تعجزالكلمات عن شكرك
دعواتكم الله لا يحرمنا منكم