السلام عليكم ورحمة الله وبركاته
اشحالكم جميعا من بدون استثناء من اول حامل لين آخر حامل
عني انا بخير الحمدلله وشكله الوحام بادي على آخر شي بطني انتفخ واحس اني صدق حامل .. واللوعه بدت ما شاء الله وبكل قوه .. الحركه لين الحين ما حسييت بها ابد .
رسيل
شو اخبارج والله انتي فاكهة الموضوع سوالفج حلوة .. شو الوحام والكروشه وياج حسيتي بالحركه ؟؟
بالنسبه لأسم شيخة مسمتنها على أمي الغاليه
والله يا اختي ما ادري اذا بنت بعدني محتاره لكن اذا ولد بسميه عبدالرحمن .
شهد الدمام
هلا ومرحبا اختي اشحالج واشحال البيبي ان شاء الله طيبه
انا الحمدلله بخير ويسرج حالي
ويا مرحبابج الغاليه
قوارير
هلا اختي
اشحالج شو اخبارج
بديتي تراجعين في الوصل
انا بآخذ موعد يوم السبت ان شاء الله احس ان مراجعات الوصل احسن عن اي عيادة
بالنسبه للأسم انا حبيت اسم مريم من كثر ما اسمع سورة آل عمران بس ما اعتقد اسمي هالاسم لانه وايد منتشر في العايله .
وبالنسبه للحمل هذا ثاني حمل لي وعندي بنت قبل عمرها سنتين 3 شهور .
بالخميس بسير العياده اشوف البيبي وبقول للدكتورة تعطيني حل للأمساك لاني هلكت وياه وما شي فادني
بالنسبه للأكل كرهت اكل المطاعم والبيت والحين مدمنه على جبس عمان ولبن عيران .... حشى ياهل مب حرمه اشكبرها
وسلامتكم
::الي ولادتها شهر اكتوبر حياها الله::
متابعة النقاش، صفحة 193