السلام عليكم ورحمة الله وبركاته ....
خواتي الكريمات .. الله يسعد ويوفق ويفرج هم كل وحده تقرأ موضوعي وترد علي ..دعوه والله داعيتها من كل قلبي..
الله يخليكم لاتقولون الموضوع ( مكرر )والله دارية بس لاني عملت بحث وهلكت وانا اقرا المواضيع
وحسيت في تضارب بالأراء..ابي منكم الرد عشان المشكلة صايرة لي..الله يخليكم لا تفشلوني
وادري (((( بنات حواء ))) مايقصرن ومايبخلن علي بهالمعلومة ....
مابي اطول عليكم ..انا الحين لي 13 يوم من ولادتي ..وحريصة على نفسي هالمرة اكثر من نفاس ولدي الاول ..لان نفاسي الاول خربت فيه بسبب جهلي بهالامور ..
مشكلتي اني الحين احس بوجود هواء كل مادخلت الحمام ولكم الكرامة..وكل ماقعدت وكل ماقمت ..
سؤالي : هل هذا طبيعي بهالفترة ؟واذا كان لا ؟ وش اعمل عشان الحق على عمري قبل ماخلص اربعيني ؟؟؟
علما ان نظامي الاتي باختصار:
اخذ لهوم الحلبة مع حليب بزنجبيل وفطوري اما مصابيب بعسل او بيض مع خبز بر
غداي مسلوق لحمه مع بر او مسلوق دجاج
عشاي زي الفطور احيانا
المغرب والعشاء اكل تمر مع قهوة ،اشرب حليب ،اشرب القرفة
مبتعده عن الممنوعات اللي في نظام فيافي ماغير اللهم شربت عصير تفاح الربيع مرة وحدة
والماء اشربه تقريبا مقدار كاس واحد خلال اليوم
ومدفية نفسي من بطني لرجولي...
قولوا لي وش بقى ؟؟؟
تكفون ابي الرد منكم الحين ضروري ...لاتفشلوني وهذه اول مرة احط فيها موضوع...
انا بانتظار ردودكم وحلولكم حبيباتي....
شاركي في النقاش
سجلي الدخول لإضافة تعليق.
التعليقات
13- انا استغرب من وجود الهواء فيك وانتي مهتمه على العموم لاتكثرين التروشششششششششششش
ابتعدي عن المروحه وهواية الحمام وانتي بكرامه واشتري كبو الهواء تراه زين مرررررررره
ان شاء الله ماتخربين ولا تفكرين كثير الجججججججججججججججججججججججججججججوع حذاري
منه :22: وسلالالالالالالالالالالالالالالالالامتك - استخدمي كبو الهوا واستمري عليه ..ولاتنسين التمره بالرشاد تراها ضرورييييه
وخلي عشاك بر ..يعني مطازيز ولا مرقوق بلحم..وفطورك بر بعد سوي قرص بر مع سمن وعسل وحطي عليه شوي حلبه وحبة البركه..ان شاء الله اكون افدتك . - يقولون كثير ان مفهوم الهواء خاطئ
والصحيح هو نزول الرحم الذي يسبب صوت
والله اعلم - دايما احاول افهم الهوا هذا وكيف علاجه بس ماعرف
- استخدمي كبو الهواء اخر النفاس
ولهوم اخر النفاس بعد روعه اللي فيه رشاد هذا ضروري
وان شاء الله ماتشوفين شر
مواضيع مشابهة
تابعي تجارب أخرى من هذا القسم.