خبرتى المتواضعه فى التجاره اضعها بين ايديكم

اخوا تى انا حامله شهادة بكالوريوس ولكن لم يحالفنى التوضيف اشتغلت فى بيع الكبه لمدة سنه ومع الوقت بعت سبنق رول وسبوسه مجمده والله لمدة سنتين بالتمام وانا ابيع فى الاسبوع بعشرين ريال فقط وقت الشتاء يوقف السوق ومرااااات اخذ شهر مايجينى ولاريال بس صبرت وانا فى الضمان بس يجينى ثمان مائه وخمسين فقط واذا جتنى اشترى فيها اغراض الكبه وعلى هالحال الى ان كونت زبائن ولله الحمد بعد السنتين الحمدالله فى الاجازه كبت سبع الاف ريال والحين وبعدها اذا نزلت الرياض شريت من واحد بالف وثمان مائه ريال عطور مقلده واتفقت انى اعطيه نص المبلغ اذا بعتها عطيته الباقى واذا لم ابيعها رديت له باقى العطورات وش سويت اخذت الشنطه حقت الذهب الصغيره وحطيت فيها 12 عطر من خلال بيعى للكبه كونت علاقات مع المدرسات واذا اطلبت كبه قلت لها عن العطور وارسلت لها الشنطه ولله الحمد رديت راس مالى والى الان وانا اتابع فى البيع والشراء وعقبال ما افتح مصنع للكبه حلم سوف يصبح حقيقه مع الوقت

29 تعليق 2,173 مشاهدة

شاركي في النقاش

سجلي الدخول لإضافة تعليق.

التعليقات

26
  1. ماشاءالله تبارك الله

    الله يفتح عليك

    كل مشروع صغير اوكبير

    فيه متاعب كثير من ناحية دراسته

    الى تنميته وتكبيره

    الله ينولك مرادك

    وباذن الله تكوني سيدة اعمال ناجحه

    يشار البها بالبنان وتكبر مشاريعك

    ويصير عندك مصنع كبه

    وسلسلة فروع محلات للعطور



    ا
  2. @am_rsyl1122

    ماشاء الله تبارك الله الله يفتح عليك ويرزقك ويرزقنا

    انا اعرف اسوي مكياج وتساريح ودلكه واشياء كثيره اعرفها بس مافي احد يدعمني الا زوجي حابه اشتغل في مشغل بس الناس ما تخلي احد في حاله وش ناقصه وش منقص عليها زوجها عشان تشتغل ذي الشغله بصراحه تعبت وكل ما ابغى اسوي شئ الناس بتتكلم وانا وزوجي ما نبغا وجع الراس
    بذات حوليه عالم تعبانه تعب الكلام

    الله يوفقك اختي
  3. مشاء الله تبارك الله
    الله يبارك لك في رزقك ويعطيك على قدنيتك
    ومشكوره غاليتي على طرح تجربتك الرائعه
    لاتحرمينا من افكارك الجميله
    لكٍ تقديري واحترامي

تابعي تجارب أخرى من هذا القسم.