:26:السلام عليكم ورحمته وبركاته:26:
كيفكم صبايا احلى عالم عالمي الوردي
المهم ياقلبي انتم اكيد كل وحده فينا تبغى عيالها افضل شئ من كل النواحي لكن ساعات تنشغلي عنهم
وتقصري معاهم :icon33::icon33::icon33:
هنا نبغى نساعد بعض وشلون نخلي عيالنا مميزين وصوره لنا عند الناس
مثلا بنتي الله يصلحها كانت ماتخلي شئ براسها وكانت تفقع مرارتي العالم كاشخه الاهي كشه والحمد لله الله هداني لفكره صرت لما اجلس معها على التلفزيون اجلس اقول لها شوفي كيف بكلاتها شوفي تسريحتها شوي شوي صرت لما نرجع من جمعه اجلس احكيها شفتي فلانه ايش لون بندانتها شفتي جوري كيف اكسسوارها
والحمد لله صارت هي لما نرجع تقول ماما شفتي ---- كيف شعرها وكذا وصرت مثلا لو ابغى اجيب لها بكلات قبل احاسب اسالها ايش رايك حلوات او اختاري اي تبغين منهم وتخلصت من المشكله
كمان الحمد لله صاروا يقولوا بسم الله على كل شئ لما ياكلوا لما يطيحوا وكذا
علمتهم على الكتب والاقلام من هم صغار صارت حتى مسكتهم للقلم احسن من طلاب المدارس ماشاء الله علمتهم كتبي شئ مقدس مايلعبون فيها صاروا لو فيه احد مسك كتابي يقولون حق ماما
ماشاء الله جارتي معلمه بنتها قران صغار السور
سويت لعيالي لوحه النجوم بصراحه بالمره ارتحت عليها
ماشاء الله اعرف وحده عيالها مايشغلون التلفزيون وقت الاذان او اقله يوطوا على الصوت
ودي اعلم عيالي انه كل واحد منه يتروش ويلبس لوحده بدون الثاني وان شاء الله ابدا فيها من اليوم
بنات تجاربكم وتذكروا اطفالك لوحه فابدعي فيها ماتشائين
ولي عوده ان شاء الله بس ابغى تفاعل لاتقولون عضوه جديده لا انا معكم من سبع سنوات بس كان عن بعد بدون مااشترك معكم والحين اشتركت افرحوا انبسطوا وانشروا السرور من قلبي اصبحت معكم >>>سلكوا لها
:26::26::26:
شاركي في النقاش
سجلي الدخول لإضافة تعليق.
التعليقات
16- هلا والله وغلا بأختي
أشكرك على الموضوع القيم فعلا أطفالنا :04:أمانه بين ايدينا لانزم نحفظ الأمانه هذي
وأنا أيدي على أيدك أنا الحمد لله معوده أولادي أنه إذا أذن خلاص نقصر التلفزيون الحين الحمد لله صاروا إذا سمعوا الاذان يقولون ماما أذن قصري التلفزيون وكمان عودتهم إذا راحوا ينامون وغطيتهم أجلس أقرأ المعوذتين والاخلاص وهم يرددون خلفي وساروا إذا جو ينامون وغطيتهم يقولون ماما يالله بسم الله الرحمن الرحيم علشان نقرأ والحمد لله ألاحظ أنهم يحفظونها من كثر ما نقراها
أما من ناحية الأكل ما قدرت أعودهم انهم ياكلون بطريقه مؤدبه ياكلون وهم يلعبون فتلاحظين الاكل منثر بكل مكان الله يهديهم
ألعابهم مايحافظون عليها أبدا من أشتريها لهم يكسرونها هواش:024: 24 ساعه
يعني عدلين من جهه ومن جهه ثانيه الله يخلف
أدري طولت قلت قصة حياتي هههههههههه
يسلمو على الطرح - يسلمو على الطرح
لي عودة ان شاء الله - موضوع حلووووو ومفيد
صادقه العيال واجهتك عند الناس حتى انتي بنفسك لما تشوفين
بنت مو مرتبه تقولين الله يهدي امها ليتها سنعتها ومرات تكون البنت عنييييده ومفشله امها
انا بنتي بالروضه ومتعلمه انها قبل النوم تقول دعاء النوم وتسمي وتقرا الفاتحه والكرسي علمها ابوها وتنام
ولما تاكل تسمي وتقول دعاءالطعام
بس مطفشتني انها من النوع اللي تطووووول بالاكل وياليته على سنع
تظل عالسفره تسولف وتتفرج واذا جينا نرفعها قالت لااااااا ابي اكل ماخلصت
وغير كذا عنيييييييده كل ما اقول لها شي قالت لا
واذا عصبت يطول لسانها علي مطفشششششتني بهالطبع
حاولت معها بالهدايا تظل كم يوم وترجع
وبالعقاب والهواش ابداااا تظل تطالعني وانا اهاوش واصارخ وبعدها ترجع تكمل اللي كانت تسويه وبسس
مع انها تجنن و تجي بالطيب بس سالفة العناد
وانا من النوع العصبي بسرررررعه
الله يحفظ عيالنا - ماشاءالله الله يخليهم لكم بعدي بنتوتي صغيره بس لازم دروس قبل لاتكبر
ومع ذالك مايمنع اشارك من اللي اعرفهم اخت زوجي عيالها قبل لايدخلون المدرسه حافظين السور الصغار والاذكار تقول اسويلهم لوحه واللي اكثر نجمات له هديه كل شهر وتنااافس بينهم
اختي الاكل له مواعيد مستحيل تحط لهم اذا مااكلو وماشاءالله صحتهم زينه تقول ماشقا فيهم مثل الامهات تركض ورا ولدها حتى ياكل هو من حاله اذا ماقعد معهم ع السفرة لاتفكر اجيب لك ينتظر الوجبه اللي بعدها وصارو حريصين اولادها اكبر واحد بثاني متوسط وبالابتدائي واصغر ومحافضين على الصلاة بوقتها واللي تفوته يصليها بالبيت الاغاني حرام القنوات ام بي سي والخراب حرام اصلا لو كنا جالسين وهم موجودين ويشفون لقطه مش ولابد يصدون وجهيهم ههه والصغير اربع سنوات يجي يقولنا خالي يتفرج على فلم وسخ يعني فلم رعب هههه البلاي ستيشن له وقت محدد اغراضهم والعابهم محافضين عليها اذا انكسرت مالك غيرها فتلاقين عندهم العاب له سنه وسنتين جديده اذا احد زعل امه يجي يعتذر اذاطولو عن اختي يحبون راسها ويستاذنون منها قبل لايطلعون وطريقة اختي ماتضربهم ابد بس تخانقهم وماتضربهم الا بالشديد القوي وضرب خفيف يعني تاخذ اسبوع واكثر ماتضربهم وحنونه وتضمهم كثير حتى الكبير تلاقينه يرمي حاله على امه يسولفون لها عن كل شي مابينهم حواجز عكس اختي الثانيه مايفضفضون لها كل شي لانه من صغرهم ماعودتهم على الصراحه وحنونين على امهم يشيلون هم زعلها اختى ماشاءالله نفسها طويل بالتربيه وصبوره ماشاءالله و الله يحميهم
هذا اللي عندي اتمنى استفدتو - بطلع من الموضوع شوي الحمدلله اطفالي مرتبين ونضيفين وكل شي فيهم حلو الا حاجه وحده
بس يتهاوشون ويكرهون بعض وبكل مكان حتى لو اروح معاهم ملاهي يلعبون لاهم بس يتهاوشون وكل واحدفيهم ماسك ع الثاني بصراحه
تعبوني معاهم كلام حلو اقولهم وهداياماينفع معاهم وضرب ضربت مافيه فايده
ياليت تلاقولي حل لان بصراحه تجين افكر واتعوذمن ابليس لاابتلي فيهم
مواضيع مشابهة
تابعي تجارب أخرى من هذا القسم.