السلام عليكم
كيفكم يابنات
واخبار نوناتكم
يابنات انا ابغاكم تساعدوني وتشوفولي حل مع بنتي
انا عندي بنتين وحده عمرها 3 سنوات والتانيه سنه
طبعا البنت الكبيره عنيده مره وماتسمع الكلام وطول الوقت تضرب في اختها
وكمان مو راضيه تتعلم على الحمام
طبعا جربت كل الحلول
جبت لها نونيه بموسيقى
حطيت لها حلويات
حطيت لها لوحه وتعلق عليها صور
وريتها صور اطفال يتعلمو على الحمام
مره قريت حل لوحده انه في مقاطع على اليوتيوب ووريتها
جبت لها كلوتات ملونه وكلوتيا بامبرز:0107 :
بس للاسف رافضه مع انها فاهمه كلاميوتفهم لمن اعاتبها وتعيد كلامي
وتقول انتى ياماما شاطره تسوي ككا وتشو <<<<<<<<<<<<< اختصارات
بالحمام
وفلانه وعلانه شاطره تروح الحمام
بس هيا مو راضيه
وبعض االاحيان تسوي الكبيره وتجي تقولي تعالي ياماما وديني الحمام
وبعض الاحيان ماترضى حتى اني اغسل لها او ادخلها الحمام
وتقول ياماما لبسيني حفاظه
بليز اعطوني حلول
او ايش اسوي معاها
شاركي في النقاش
سجلي الدخول لإضافة تعليق.
التعليقات
4- ياساتر ولا رد واين مافيه احد
- الله يعينك والله ماعندي علم بس اتوقع انها تبغى تلبس حفاظة زي اختها لان اعرف واحدة ولدت وبنتها الاولى 3سنوات ونص وتعرف تروح الحمام ولمن ولدت بنتها تبكي تبغى تلبس حفاظة زي البيبي>> يعني شغل غيرة
ان شالله البنات يفيدونك.. - الله يعينك الحال من بعضه عندي وحده جننتني واذا كلمتها فاهمه كل شي اتمنى البنات يفيدونا
- شكرا ولله يعطيكم العافيه
مواضيع مشابهة
تابعي تجارب أخرى من هذا القسم.