موضوع فاقع مرارتي ..شاركوني لسدح حلول لهالمعضلة

السلام عليكم ورحمة الله وبركاته

صبحكم الله بالخير:26:

سلمكم الله هذا الموضوع مقلقني ومتعبني
وودي نتناقش فيه
ونطرح الحلول
الحين تنظفين بيتك وتجهزينه لضيوفك:42:
وتنتظرينهم علشان تقومين بواجب الضيافة:26:
ودخلوا ضيوفك وكانت وحدة جايبه عيالها
مع انك دعيتيها لجمعة حريم مو لملاهي!!
المهم صبيت القهوة قالت صبي لولدي وبنتي:eek:
وزعت الحلا وعطيتهم طبعابدأ التخبيص
اه اه ثم اه وبعد اه
الكنب الجديد لونه روعه ماتهنيت فيه
مسح ولدها الغالي يدينه من الشوكلت فيه
صار فوطة مو كنب:(
بلعتها تدرون وش بلعت؟؟
بلعت الصرخة ونشبت بحلقي حراام
وش هالابداع الطاولة راحت فيها لاواخته تشد بالستارة
والجميلة امهم تسولف ولا على بالها:eek:
طلعوا برى غرفة الضيوف وقلبي
بدى يرقع
وابى اوزع الشاهي الا اسمع
طرااااااخ
كسروا اباجورة الصالة
وتنط القمر وتخم عيالها وتسمي عليهم
سلامتكم حبايبي
وتقولي الحمد لله راح قلبي احسب عيالي جاهم شي
طيب وبيتي اللي حاسوه ماذا افعل به<<قلبت سيبويه
مافيه اعتذار مثلا؟؟؟
رجعنا وجلسنا ومادريت الا بنتها جايبه قدام الحريم جيك اللبن وتقول لامها ابغا لبن
انا طبعا جتني مسحة من الجنون:p
وصرت هبلازي هالفيس مطلعة لساني:p
لا وتقول لبنتها جيبي كاس اصب لك
قداام الناس
وألحق البنت على المطبخ
وش اشوف الثلاجة على مصرعيها والكيوي مفعص بدواليب المطبخ:angry2:
بالله عليكم الامهات اللي زي كذا وش يحسون فيه
اولا ليش تجيبهم لو اعتذرت افضل
ثانيا ليه ماتربي عيالها
مستحيل انهم كذا ببيتهم
ياليت تلاقون لنا حل مع هالنوعية
غير اني ما اعزمها لان بعضهم بحكم القرابة مضطرة
تعزميها
انتضر حلولكم الفتاكة:30:

92 تعليق 4,921 مشاهدة

شاركي في النقاش

سجلي الدخول لإضافة تعليق.

التعليقات

91
  1. @asmaao_nsyhty

    ماتنلامييييييين لكن سامحيهم وحاااولي تعزمين باااستراحه النااس تركت البيووووووت بسبب مثل هذا والمفروووض الوحده نربي عيالهااا
  2. @klby_maa_almsafr

    ياساااااااااااااااااتر هههههههه
    الله يعينك من جد على هالاشكال عندي وعندك خيير
    انا عندي جارتي كذا بس اذا جتني قفلت المطبخ اخاف لايولعون الغاز ثم يشبون فينا واقفل غرفه بناتي عشان كتبهم واغراضهم تقول جاييني هجوم بري مو مسايير ههههههههه
  3. @oh_yahlaty

    عادي قوليلها بصراحه

    قولي امسكي عيالك او وضحي لها بطريقه لطيفه جدا انها تنتبه لعيالها

    يعني اقصد حسسيها بالموضوع بضحكه يعني مزح برزح

    احس يختي مالك الا كذا بس طبعا بطريقه لطيفه لا تقلب هوشه هههههههههه

    يعني قولي تكفين الله يسعدك الكنب جديد وباقي صحباتي ماشافوه لا يجي عليه كاكاو واضحكي
    يعني خليك طريفه وان شاء الله تقبلها بروح رياضيه

    ابريء ذمتي للي بتسويها بطريقه عصبيه وتتهاوش مع الضيفه هههههههههه
  4. @lnody_1

    هههههه
    ياعمري انتي
    شكلك امس عندك عزيمه
    عشان كذا مانمتي وضايق صدرك:)
    اكيد لو انا ابي اجامل غصب عني
    بس هالام غريبه الحمد لله ماكد شفت لهالدرجه
    فيه حريم يتجاهلن يقالهن ماشافن امشيها:09:
    بس كذا عيني عينك لاوالله مااستحت مني مانب مستحيه منه:angry2:

تابعي تجارب أخرى من هذا القسم.