شاركي في النقاش

سجلي الدخول لإضافة تعليق.

التعليقات

16
  1. @am_mshaaal_ongod

    حبيبتي اناكنت زيك وعانيت مره كان عندي اول طفل بس لماصارو ثلاثه مشاء الله بصراحه حاولت والله ماقدرت كل ماترتبي تحوس الدنيا تعرفي الاطفال الله يهديهم في الاخير جبت شغاله يوم بعديوم بس الترتيب الكويس انا طبعا الشغاله يادوب الكنس والحمامات ماودي لاكن اش اسوي والله تعبت
  2. ذكرتيني بولدي لمن كان في عمر ولدك تقريبا..كنت ساكنة مع أهل زوجي وكانت دواليب مطبخهم بدون أبواب ..وطبعا خالتي حرمة عجوز وعمي شيبة مايقدر لطفل حركي..وكنت أضطر لمن أطبخ أجيب صينية كبيرة أحط فيها كل علب البهارات والذي منه عشان المحروس ما يكبها عليه.. على فكرة هذي أصعب مرحلة أظن لأن الطفل الحركي متعب جدا وكان ظهري يعورني مررررررررة..وكان في هذيك الفترة يوم علي ويوم على سلفتي وحدة عليها الطبيخ يوم كامل والثانية عليها التكنيس والحمامات والمواعين ..لكن تعرفي لا تقولي راحة لا يا حبيبتي..لأنه لمن تكوني مع أهل زوجك ما تقدري تتحكمي بنظيم حاجات البيت أو نقل أشياء من مكان إلى مكان آخر عشان مصلحة طفلك عكس لمن تكوني وحدك إنتي اللي تتحكمي..
    الزبدة:
    إنك يالغالية تحاولي ترفعي علب البهارات وتخلي مكانها فوق الدولاب إلين ما يكبر ولدك ..على عمر سنتين أظن حيبطل ..والطبيخ لمن تدخلي المطبخ أطبخي حق يومين ..يعني ثاني يوم تدخلي تسخني عالطاير عشان مايحوس المحروس عليك المطبخ ..وأما من ناحية التنظيف معليش لأنه ولدك في مرحلة إستكشاف حاولي تتفقي مع زوجك إنك ترفعي كل المزهريات والحاجات اللي ممكن تضر الطفل لا قدر الله إلى أن تقل حركة الطفل تدريجيا ..طبعا قصدي حركة الإستكشاف..أول ما تصلي الفجر إقري أذكار بعد الصلاة ثم قومي إشتغلي وإقري أذكار الصباح أثناء الشغل..وإذا ماكنتي حافظتها حمليها من النت وحطيها في جوالك وشغليها وإقري الأذكار من الجوال..دوري عالبيت بالرشة حقت الغبار ..ثم دوري عالبيت بالمكنسة اليدوية أو الكهربائية..بخري البيت بالمبخرة الكهربائية أو الفحم سريع الإشتعال ..روحي عالحمامات..طبعا حمام جناح الضيوف يكفي تغسليه مرة بالأسبوع..أما حمامكم خلي عندك بخاخ زي حق تنظيف المرايا..حطي فيه موية مع شوية معجون أخضر مع ديتول..ورجي القارورة وحطيها في الحمام..غسلي المرحاض (يعني مكان الكاكا) يوميا بالصابون..أما بلاط الحمام فقط كبي عليه موية وسحبي بالسحاب ثم رشي من ذي الخلطة حقت المعجون والديتول ..ثم أشطفي بالماء وسحبي..تغسيل بلاط الحمام والبزابيز بالصابون فركا كل ثلاث أيام..وكل ثلاث أيا إمسكي لك جدار تفريه عشان ماتتراكم الأوساخ ويصفر..والمطبخ زي مافهتك..وغرفة النوم نظفيها بعد ما زوجك يروح الشغل وبخريها وقفلي الغرفة إلين يجي..وغسيل الملابس أفضلك يوميا أو كل يومين حطيها في الغسالة وإنتي تنظفي البيت عشان تخلصي شغل البيت مع التغسيل معا..وفي نفس الوقت ما تتراكم عليك الملابس..على فكرة هذا الكلام طويل لكن تصدقي مع الأيام حتتعودي وما حترتاحي إلا لمن يكون بيتك مرتب دايما وما حياخذ منك إلا أقل ساعة تقريبا..
    والدواليب كل ما تطوي الملابس وترجعيها مكانها رجعي أي شي مو مكانه في الدولادب عشان يكون مرتب دايما..يعني إلغي من قاموسك كلمة دولاب معفوس..والثلاجة صفيها أول بأول لانه ولدك ما حيخليك تتفرغيلها..والله الشغل أول بأول أحسن من التراكم ووالله التعب ذا كله لمن تشوفي البيت دايما نظف حترتااااااااااحي..
    طبعا حتتعبي في بادئ الأمر إلى أن تتعودي..وحيكبر ولدك وحتنسي هذي المرحلة إن شاء الله..
    وإن شاء الله أكون أفدتك يالغالية..وأي خدمة لا يردك إلا كييبوردك..
  3. @alraky_3

    بيتك صغير ماشاء الله وماعندك عائلة كبيرة اضغطي على نفسك يوم واحد

    قومي الصباح ساعتين تخلصي شغلك كله وولدك نايم والبركة في شغل الصباح

    بعد هذا اليوم اللي اشتغلتي فيه ابدأي نظمي وقتك وشغلك

    انا اشوف انك تخصصي ساعة او اكثر قبل الظهر وسوي شغلك المطلوب

    وباقي اليوم تكوني فاضية لولدك ولنفسك وهكذا

    واعملي جدول للغسيل والكوي يومين للغسيل ويوم للكوي في الايام اللي تناسبك

    بكذا يصير شغلك محدد واللي يوميا له وقت معين ماتغيريه

    جزء الضيوف قفليه وخلي تنظيفه اسبوعيا

    ان شاء الله اكون افدتك

تابعي تجارب أخرى من هذا القسم.