مرحبا حوائيات
مالي بالطويله والمقدمات وربي مقهوووره
هذا الله يسلمكم انا متهاوشه ويا سي السيد وانا صراحه ماحب ان تطوف ايام واحنا مانتكلم بس من اول امس لليوم واحنا مانتكلم الا سؤال وجواب
الله يسلمكم تهاوشت وياه عشان سوى حركه ويا زوجه اخوه قهرتني حييييييل الحركه ..هالحركه الله يسلمكم ان حرمه اخوه دخلت الصاله وجايبه عصير لي و لها ولما دخلت شافت زوجي جالس الا تقول له فلان تبي عصير قال لها لا قالت حلوو هذا غير انا سويته قال مابي قالت الا حلوو غير وهو خذه من يدها وشربه وهي طلعت من الصاله ويقطها نغزه لي ويقول تسلم ايدك فلانه (( بس ماهي موجوده يعني طلعت ماسمعت هي ))
انا قمت شلت بنتي ودخلت غرفتي وسكتت عنه ثاني يوم قلت له شهالحركات اللي مااال امها داعي يعني والله احس فيكم قلة ادب سخييفييين انت وياها الا يقول انتي تفكيرك غلط(( وانا مادري هي تقصد هالحركه ولا لا )) ويقول هذا تفكيركم انتو الحريم قلت له لو كنت انا ماخذه العصير وقلت نفس الكلام ل اخوك عادي عندك؟؟ قال لي كف.. قلت له عيل ليش هالحركات ؟؟ وليش تسلم اييييدك يعني انك تقهرني بس؟؟ وبالاخير هو عصير ب ريال حاطته بقلاص؟؟ والله انكم قليلين ادب وسخاافه فيكم وطحت فيه وهو سكت
قالها بضحك اوكي اوكي انا غلطان بس بعد اقول هذا تفكيركم انتو الحريم .. وبلعتها وسكت وتكلمت عادي
وبعدها تهاوشنا على موضوع المصروف وهواش وهواش وكل واحد سكت وقلب وجهه عن الثاني
بعدها انا قلت له فلان سولف وياي (( يعني اغير الجو)) قال من زين سوالفك اذا هذي سوالفك اسكتي احسن:eek:
وهذا انا صار لي يومين ساكته بس امس هو طالع ..اتصل فيني قال لي تعشيتي قلت له لا قال شتبين عشى اجيب لك قلت مابي شي قال قولي قلت مابا شي سكرنا ..بعدها اتصل قال تبين اجيب لك كوشري قلت مماباا شي خلااص
ورجع ماتكلمنا يسالني شي ارد على قد السؤال واسكت
الحين مادري انا اتصل واتكلم لانه اتصل يسالني عن العشا يعني ان مافي شي ؟؟ ولا ابقى ساكته عنه ماتكلم ؟:(
ادري طوولت واايد وكلامي مخربط بس والله اكتبها بسرعه وابي اعرف هل انا غلط ولا هو يقهر؟؟ وهل اتصل ولا اطنش وابقى ساكته دام قال هاذي سوالفك اسكتي احسن :(
شوروا علي:(
شاركي في النقاش
سجلي الدخول لإضافة تعليق.
التعليقات
21- اذ تبين رأي ..انك اذ سألك جاوبي باختصاار وكوني غامضه يعني مو اي شيئ تقولين لــه وخليه هو اللي يتشفق عليك وعلى سوالفك اما اذ كثرتي السواالف والله راح يمل منك واذ التزمتي الصمت مايدري انتي وش عليه لاني بصراحه ما أشوفك على غلط..
والله يسخره لك ويؤلف بين قلوبكم ..
حسبنا الله سيؤتينا الله من فضله انا الى الله راغبون - ايه اتصلي وخلاص الرجال ما قصر اتصل وحب يبين ان مافي شي وقالك تبين عشا هذا زوجك وانتي زوجته الله لا يفرقكم عن بعض
- لاطولين الزعل أحسسن , وماتسسسسوى بصرآحه
مثلا ع سالفة العصير لو مانتي معطيتها اهتمام عشان م يحط براسه شي مني مني
واما بالنسبه من زين سوالفج يقصد المصروف كلهم جذي ع هالطاري ههههههههههههه
ي الله اتصلي عليه والله يسخركم لبعض .. - هو حركته تقهر والكلمه تزعل
بس لاتبين له اهتمــآمكـ اذا صــآرت اي حركه من سلفتكـ له عشــآن مــآ يمسكه عليك
ويصير كل مــآ يبي ينرفزكـ قال عنهـآ شي
بس ترى هو لمــآ ســآلكـ وش تبين عشــآء ولح عليكـ
كــآن بالنسبه له ان خلاص بيرآضيكـ
لان آغلب الرجــآل مــآ يتــآسفون
آنــآ اشوف انه كــآفي زعل عــآدي اذا رجع كلميه
ولاكــآن شي صــآر
الله يديم المحبه والالفه بين الجميع - بالاصل زوجة اخوك المفروووض ماتدخل عليه
لاتحلين فروع المشكلةحلي الجذر حبيبتي
مواضيع مشابهة
تابعي تجارب أخرى من هذا القسم.