انا وبنتي وبنت زوجي..

لسلام عليكم ابي استشيركم بموضوع وابي اريح ضميري مع اني بااغلب الاحيان احس اني مرتاحه وان الموضوع مايخصني واحيان ضميري يانبني واخاف اني اكون ظالمه والظلم ظلمات يوم القيامه انا تزوجت وزوجي مطلق وعنده بنت وقت ماتزوجته عمرها شهرين والحين عمرها ثلاث سنوات ونص اول وقت ماكان عمرها شهور كنا نرسل لها حفايظ وحليب وملابس كل بعد فتره وفي الاعياد وفي المناسبات ومن بدت تكبر ماصرنا نعرف احتياجاتها وسالنا الشيخ وحدد لنا مبلغ وصرنا نرسله لها شهريا والاعياد غير قال لنا ضاعفوا المبلغ ..
وانا عندي بنت دايم اشتري لها ونسافر ونطلع وتلعب بالملاهي واشتري لها العاب واحيان اتذكر اختها واخاف ربي يحاسبني لاني ماعدلت وطبعا مااقدر اخذها من عند امها واطلعها مسؤليه وانا اخاف وغير كذا اخاف اميل لبنتي قدامها وطبعا اللي عندها طفل راح تحس فيني ان بنتي اكيد غيررررر وهي انا مااحبها ولااكرهها احسها زيها زي اي طفله وااحس تجاهها الابالشفقه وزوجي مو فارضها علي قال لي اذ موحابتها ماادخلها بيتك بس ماعندي مشكله لو جات ولعبت مع اختها ..
اللي ابي مشورتكم فيه هل علينا اثم لاننا نرسلها فلوس بس ولانشري لها اغراض لانكم مثل ماتعرفون كلان له ذوقه وانا ماابي افرض على امها ذوقي ..
والبنتين كلان عندهم ذهب نفس بعض بس انا احب دايم اغير لبنتي ذهبها من مصروفي الخاص عادي والاعلي ذنب وابوهم مايقدر يغير لهم ..
طمنوني انا مقصره والا لا واذ مقصره شوروا علي خواتي...
وحبيت اوضح اني والله قد مااقدر اشتري لها العاب دراجات وملابس بس احزن عليها من ناحيه حنان ابوها اللي انحرمت منه واحس ابوها مايميل لها كثير وانا موفرحانه لهالشي ابد بس ابوها يقول موبيدي وتجي اكثر شي عنداهل ابوها وابوها يجي يسلم عليها ويمشي وانا اخاف افتح لنفسي باب بكثره جياتها لانها بدأت تفهم وتنقل كل اللي يصير لامها وجدتها ام امها علمت ام ابوها بااشياء صارت قدامها انا تفأجات منها اخاف تتعود وتصير حياتي كتاب مفتوح للناس فما صرت ادقق بجيتها كثير بس اهم شي اوفيها حقها المادي والحنان الله يعوضها وامها فيها الخير