•´`•. كوفي شوب المغتربات#2(أعياد الكفار الكرسمس مثالا) )

موضوع جميل الصراحة
انا احب اتعرف علي الناس والحمدالله اغلب علاقاتي طيبة
والحمدالله ما احس اني واجهت مشاكل
واعتقد السبب انه ما انتظر منهم شي اذا اتصلوا ونادوني الله يجزاهم غير واذا صدوا عذرهم معهم .. حتي اذا دريت انهم مجتمعين ولا قالوا لي عادي ما احط بخاطري شي هم مب ملزومين ... يمكن تقولون عديمة احساس ههههه بس انا عودت نفسي ع هالشي وحمد الله مرتاحة مع كل علاقاتي مع الناس احاول قد ما اقدر اني ما احط بخاطري شي يتعبني لان الحياة فيها امور اهم !!
وعلاقاتي من جيت لامريكا مستمرة الحمد الله يالفيس بوك اوالواتس اب...

تراي اكتب ردي ونصي نوم عذرا ع الاخطاء بس عجبني الموضوع

الف شكر نور عيني والحمدلله ان الموضوع اعجبكم

بالنسبه لي واجهت ناس كثييييير ومن مجتمعات وبيئات مختلفه مدري من وين ابتدي بس لاحظت انه من كثرة العرب صار كل وحده مكتفيه بصديقاتها ومايبون احد جدييد
ومالومهم بصراحه يعني اذا صاروا عشرين وحده شلون بيسسون دوريه كل اسبوع وش المكان اللي بيكفيهم ماشاء الله عليهم بعض البنات حريصين على الاجتماعات ودايم يخططون لجمعات بالبارك ويقولون للجميع وطبعا يسوون كذا لوجه الله مافيه شي يجبرهم

بس انه القى صديقه مقربه وزي الاخت صعععبه العام كان عندي صديقه مثل اختي بس سبحان الله ظروفها اجبرتها تنقل ولايه ثانيه واحس نفسي مرررره فاقدتها لدرجه فيه اماكن مااروح لها لانها تذكرني فيها كانت زي الاخت لما اتضايق اشتكي لها ولما تتضايق تدق علي ماانحرج اقولها كل اللي بخاطري ومافيه شي احرص ان اخبيه

العلاقات الثانيه احسها سطحيه يمكن تتقوى مع الايام ويمكن تضعف الله العالم سبحانه

طبعا مااقول انه العيب فيني ولا العيب فيهم لانه ماحصل بيني وبين احد مشاكل بس كل وحده ولها نظرتها فيه بعض البنات تعتبر صداقة الغربه تسليه وتضييع وقت ومجرد ماترجع او تنقل ولايتها خلاص تنقططع اخبارها بهالحاله مستحيييل الوم نفسي هي اللي غلط مش انا

والبنات اللي صار لهم سنين بامريكا الله يعينهم تلقونها تشتغل وعيالها يدرسون وماعندها وقت ابددد

الله يكون بعونكم


انا مغتربه في الصين والصينيون صعب التعامل معاهم


لانهم لا يتكلمون الأنجليزية لا يتكلمون الأ بلغتهم الصينية


وغالبا يكون تعاملنا معاهم بلغة الأشارة .على ما نتعلم لغتهم


الحمد لله اصحاب زوجي هنا كثير وقابلت عوائلهم واتمنى تنشأ بيننا


علاقة صداقة حتى تتسهل علينا الغربة مع انا بطبعي لست اجتماعية


يعني اذا وجد الحمد لله اذا لا الله يعيننا نتعايش ونتأقلم .