تجمع الموقنات برحمة الله ( خبرات متبادلة حول مراكز تأخر الحمل في مصر ) ج 23

فطومة: سلامتك الف سلامة يا قمر.
شيمو: ربنا يكرم زوجك بالشغل المناسب سواء كان ده او حاجة تانية.

صباح الخير علي احلي بنات.

بندقة ولا تزعلى يا قمر .. كل الحكاية ان البنات نايمين والموضوع ده بيعدى ويخلى الواحد حتى لو دخل يكسل يشارك

شيمو .. ربنا ييسر الحال لجوزك وياخد الاقامة

نادو بقالها مده مكلمتنيش وام اياد حاولت اكلمها كتير تليفون البيت بايظ والموبيل يا غير متاح يا مغلق .. بينى وبينكم انا برده مشغولة ومش فاضية اتصل حتى بوالدتى الله المستعان

ميكو صباحك فل يا جميل

ام حفصة اخبارك ايه يا قمر .. وصلتى لحد فين


دوعة صباحك مسك وعنبر


طمطم الف سلامة عليكى .. انا برده ختلى دور اسهال وقلب معايا ببرد فى الآخر بس الحمد لله أخذت توم ظبطلى كل المسائل

السلام عليكم و رحمة الله و بركاته
اللهم ارزقنى و ارزق كل أخواتى فى الله و كل مشتاقة بالذرية الصالحة السليمة المعافاة عاجلا غير أجل يا أرحم الراحمين
قبل أى حاجة ربنا يثبت حمل كل الحوامل و يرزقنا جميعا ذرية صالحة و يباركلنا جميعا

انا كنت دخلت معاكو من فترة بس بقالى كتير أوى مش بدخل
لو تسمحولى اتطفل عليكو من جديد
عندى سؤال لتوتا totta55
و كل بنت جربت دكتور إسماعيل أبو الفتوح

انا كنت عايزة أسألكو عن رأيكو بصراحة فى دكتور إسماعيل أبو الفتوح فى الحقن لأنى جربت حسام زكى مرتين الأولى فشلت و التانية حصل حمل كيميائى الحمد لله على كل حال مع العلم إنى عندى إندومتريوزيس و أكياس عل المبايض عملتلها شفط بمنظار بطن مرة و منظار رحمى مع حسام زكى

انا بفكر أغير من باب التغيير مع إنى مرتاحة جدا لحسام زكى بس بقول التغيير كويس و عايزة رأيكو فى دكتور إسماعيل و المركز يتاعه بأمانه من واقع تجربتكو و تنصحينى أكمل مع حسام ولا أغير من ناحية الخبرة و التكنولوجيا و العلم والراحة النفسية لأنى واثقة ان التوفيق أولا و أخيرا من عند ربنا وحده و ربنا يجازيكو خير[/quote

السلام عليكم ورحمة الله وبركاته
انا أسفة أولا علي التأخير في الرد بس مش بدخل كتيير اليومين دول علشان بقيت بتعب اوي من القعدة علي الجهاز

المهم انا تقريبا شبة حالتك اوي انا برده عندي اندومتريوزس وعملت عمليه فتح بطن واستئصلت الأكياس الدموية بس هيا رجعت تاني بعد فترة قصيرة وعملت مع د حسام زكي 4 مرات حقن وكان عملي شفط مرتين بالمنظار الرحمي للدم اللي جوه الأكياس الدموية ، وهوا فعلا دكتور مريح جدا نفسيا وشاطر وبينجح معاه حالات كتيير اوي بس انا ولا مرة حصل حمل الحمد لله
انا لما غيرت وروحت لدكتور اسماعيل من باب التغيير في حد ذاته وليس لعيب في دكتور حسام وحسيت ان ربنا مش رايد ان يحصل حمل علي ايد دكتور حسام واستخرت ربنا في كذا دكتور وفي الأخر استقريت علي اسماعيل
وزي ما انتي بتقولي نجاح العملية من عند ربنا والدكتور ما هو الا سبب لنجاح العملية .
بالنسبة لدكتور اسماعيل هوا هادي جدا في التعامل بس هتحسي بالفرق بينه وبين حسام في تفاصيل العملية نفسها يعني مفيش التحاليل الكتير اللي بتتعمل عند حسام وقت التنشيط بس في الأخر هوا فاهم شغله برده وكل دكتور ليه اسلوبه ، انتي توكلي علي الله وسيبي الدكتور يعمل اللي هوا شايفة وربنا يوفقك يا رب
واي سؤال انا موجوده يا قمر وسوري مرة تانية علي التأخير