موضوع هام للنقاش ( متى يحين الوقت المناسب لاخراج الطفل من غرفة النوم )ارجو التفاعل

متابعة النقاش، صفحة 31

شاركي في النقاش

سجلي الدخول لإضافة تعليق.

التعليقات

162
  1. @romee

    بسم الله الرحمن الرحيم
    إلى الاخت الحامل وعندها بنت في الثالثة من عمرها
    اشوف - رأي خاص - صعبة تكون لوحدها بالغرفة
    لكن إبداي معها من الآن
    جهزي لها غرفة على ذوقها وضعي فيها العابها
    وفي النهار لو نامت خليها تنام فيها
    خليها تلعب بها
    وتدريجيا خليها تحب الغرفة وتالفها وحتى بعد ولادتك اجعلي بعض أغراض الصغير فيها
    وإذا نام بالنهار خليه ينام في نفس غرفتها
    يكبر الصغير وهو حاسس بالالفة للغرفة الجديدة وهي تفهم مع الايام أن هذه غرفتها مع أخوها

    أكيد إني ما أفضل نوم الشغالة مع الطفل الصغير والأفضل ينام مع أمه
    لكن لو كان بكبر ابنتك وما ينام بحضنها وهو نايم بسريره والخادمة معهم في نفس الغرفة .. ولو مؤقتا يمكن أفضل من النوم لوحدها .
    لكن كثير لا يحبون هذا القرار لأن الاب احيانا يكون متعلق بإبنته ويحب يطل عليها أثناء النوم أو صباحا وتكون الشغالة نايمة وممكن متكشفة وهذا وضع لا يليق ..
  2. *سلطانه*
    اناسمعت ان فيه دراسه بامريكا اثبتت ان الاطفال الذين قريبون من امهم اكثر ذكاء وثقه بنفس من الاطفال الذين يبعدون في غرفه اخرى .وافضل عمر يستقل فيه الطفل عن امه بعد خمس سنوات.وانا من خلال ترقبي للاطفال لاحضت هذا الشي ولازم تخلين طفلك لحضه نوم…
    نفس الشي قريت بهذا الموضوع وفعلا افضل عمر خمس سنوات
  3. الله يحفظ لكم عيالكم الله يخليكم لا تخلون اطفالكم ينامون مع الشغاله هذي اماااانه انتي ملزمه بحفظها اعرف وحدة كانت تخلي اطفالها مع الشغاله ولاحظت تصرفات عيالها موب زينه معظم الوقت يلمسون ؟؟؟؟ وطلعت الشغاله تلعب فيهم حسبي الله عليها
    انتبهو لعيالكم والله مافي احسن من نوم عيالك جنبك وبحضنك يازين ريحتهم تشمينهم وهم بحضنك لييين ينامون
  4. @am_shymaaa_olyna

    الموضوع روووووعه استفدت منه كثير
    جزاكم الله خير
    وانا رأيي من رأي رومي
    سواء عندك طفل او طفلين
    تجهزي الغرفة من بدري على حسب ظروفك المادية لاتقولي اذا جيت افصلهم عني وقتها يصير خير
    انا ندمانه اني ماسويت غرفة لبنتي وانا حامل او خلال السنه الاولى لان ظروفنا كانت كويسه الحمد لله بامكاني اسوي الغرفة بالراحه
    اما الحين عندي بنتين /سنتين وشهرين_8شهور/ وظروفي ماتسمح اسوي غرفة الله يعين
    المهم حاولي تسويها بدري ومو لازم ينام فيها على طول
    نوميه في قيلولته خليه يلعب فيها لين يتعود عليها واهم شي اعزليه على سنتين او اقل

تابعي تجارب أخرى من هذا القسم.