السلام عليكم
انا راح ابداء معكم بقصتي من الاول لاني محتاجه لرايكم بكل شي. انا سكنت بيت جديد وجلست فيه شهر ونص والحمدلله مرتاحه فيه بعدها حملت ومع التنظيف وشغل النقل وترتيب البيت سقطت بس كان الوضع عادي جدا لاني ماكنت مهتمه للحمل ولانه جاء بالغلط لاكن بعدها بكم يوم بدات معدتي تالمني واحس كاني اتوحم مع ان الحمل ماكمل اسبوعين ونزل معدتي تعبت كثير الى ان حسيت بذاك اليوم ان شي يكتم على صدري واحس اني بموت رحت المستشفى وعطوني ابره مهدئه وابره للحرقان ورجعت للبيت وانا احسن الحمدلله لكن معدتي لازالت تضايقني واحس اللعاب ماقدر ابلعه بس اطلعه بالمناديل وكان عندي إحساس بقلق وخوف اني بموت بعدها رحت طبيب باطنيه وقال عندك إرتخاء بفم المعده الحين الحمدلله معدتي إرتاحت شوي لكن القلق والخوف مازال معي وخصوصا من الموت اخاف زوجي يموت واخاف اولادي يجيهم شي احس بخوف اذا طلع زوجي من البيت وراح مشوار بعيد غير الشي هذا احس اني مكتومه طباعا الكتمه وضيقة الصدر مو ملازمه لي كثير زي القلق والخوف تروح وتجي ابي اللي مرت بهالتجربه تعطيني رايها او اللي تعرف احد مر بكذا تقولي وش صار معاه انتظر ردكم الله يشفيني ومرضاكم وجميع المسلمين تكفون لاتبخلون علي بالرد لو برفع الموضوع
شاركي في النقاش
سجلي الدخول لإضافة تعليق.
التعليقات
7- ارقي نفسك قد تكونين اصبتي بعين والله اعلم واستمري على الرقيه والاغتسال بالماء المرقي لمدة ٢١ يوم ثم احتجمي حجامة رقيه وان كنتي فالرياض او جده قد ادلك على حجامة جيده وقدامك العافيه
- لا ياحلوه الكلام هذا مايجوز حاولي تطردين الافكار السودا من راسك انتي مافيك الا الخير وبتعيشين احلا حياه مع زوجك واولادك
- فرج الله همك أختي دينا
من معرفتي السابقة أن الإحساس بالموت والخوف منه بشكل غير طبيعي يدل على الإصابة بالعين
أوصيك بقراءة الفاتحة والنفخ في جيب الثوب (مدخل الرأس من الثوب ) بقوة وتكرار القراءة وخاصة المعوذتين و سورة الإخلاص وآية الكرسي ..
شفاك الله وعافاك ِ. - انا من الرياض ياليت ترسلين رقم الحجامه وياليت تكتبون لي كيف ارقي نفسي وايات الرقى الله يجزاكم خير ويفرجلكم كل هم
- شفاك الله أختي من كل مرض ..
هذا من اعراض المرض الروحي ادخلي منتدى الشيخ عبدالله الخليفه ..
فادني كثير بحمد الله.
مواضيع مشابهة
تابعي تجارب أخرى من هذا القسم.