مين من المتعينات من الطائف وراح تسكن في رنيه ؟

غاليتي حاليا مافي نقليه من الطائف لرنيه كلها مليانه
كلمت 5 او 6 نقليات كلهم يقولوا ماعندنا
وماتقدري تروحي وتجي لازم تستقري فيها
ابحكيلك عن معاناتي
اولا تخصصي اقتصاد منزلي وتربية فنية من كلية اعداد المعلمات وحطوني في تخصص الاقتصاد
وانا من سكان مكه وقدمت في الطائف لان عندنا بيت هناك
لان مكة مستحيل التعيين فيها
وحدفوني في اخر قريه في رنيه تبعد 450 كيلوا بعد الطائف او اكثر
يعني مسيحيل ااروح واجي لازم استقر فيها
والله ان ظروفي جدا سيئه والوالد مايقدر يسكن معايا هناك لانه كبير في السن
وانا وحيده مالي اخوان ولا اخوات
وقدمت معروض ظروف خاصه في ادارة التعليم ومحد رد عليه
وسافرت الاربعاء لرنيه استلمت الخطاب
بس والله مالقيت سكن ولا نقليه وماني عارفه ايش اسوي
وسكن المعلمات كله مليان وفي عماره فيها شقق قريبه من سكن المعلمات برضوا كلها مليانه تخيلوا
المشكله اننا حنسافر مع سيارة اجره لقيناه وبالقوه اقنعناه يودينا لانه مو راضي يقول مشوار
وطبعا ماحيجلس معانا فماني عارفه كيف حروح الاداره اول وبعدين المدرسه واحنا مامعانا سياره ومانعرف احد هناك
الله ييسر امري وامركم ويكتبلي ويكتبلكم الي في الخير يارب

مين تبي مناقله من قرى الطايف لرنيه ؟؟

الاميره انا في اقرب قريه لرنيه قرية النغر والصدر

يعني نص ساعه من رنيه للقريه

لو تبي مناقله ياليت تتواصلي معي