افهموا بعدين ردوا واللي مو عاجبها كلامي لاترد ... عجيب

السلام عليكم ورحمة الله وبركاته

موضوعي بإختصار عن بعض العضوات الغاليات لما يكتبون موضوع
وتجيهم ردود ماتعجبهم او تكون صريحه وربما قاسيه احياناً

تجيك وترد اللي مو عاجبها الموضوع لاترد
او تقول افهموا الموضوع وبعدين ردوا

اقول لها اختي الغاليه
اذا انتي مو قد الطرح والمحاوره ليش تنزلين موضوع بالأساس وتناقشين
اكيد بيجيك رأي عكس رأيك
وكلام ربما مايعجبك
وكلن بيفهم حسب ثقافته ومعرفته وتجربته في الحياة

ليش ماتتقبلن بعض وتتقبلن النقد وتتفاهمن بهدوء وبشكل حضاري
المنتدى هنا للطرح الحر ومفتوح للكل لازم نتقبل بعض عشان نرتقي بحواراتنا

ليش بعضكن يهاجم بعض وتتخذ شعار ان لم تكن معي فأنت ضدي

كل رأي يطرح هنا يحمل تجربه وشخصيه وثقافه مختلفه عن صاحبة الموضوع
والمفروض ان كل وحده منا تستوعب هذي النقطه وتستفيد من جميع الآراء
وتوسع مدركاتها وافكارها حتى لو كان الرأي معارض لفكرتها


يااخواتي احنا نجتمع هنا ونفضفض لبعض ونستفيد من بعض
مو نهاجم ونتعصب لآرأنا وافكارنا
الانسان مهما وصل منعلم ومعرفه بيضل جاهل في امور كثيره
لازم نتأمل في ارآء بعض والمواضيع المطروحه قبل نكتب الرد
عشان نكسب بعض ونزيد المنتدى رونق وجمال

( استثني من كلامي مواضيع المشاكل والهموم .... واوجهه لمواضيع
الحوار وتبادل الآراء حول قضيه معينه )

وآسفه ع الاطاله واسأل الله التوفيق للجميع
السلام عليكم ورحمه الله وبركاته

16 تعليق 1,573 مشاهدة

شاركي في النقاش

سجلي الدخول لإضافة تعليق.

التعليقات

15
  1. @toooooth_a_gh

    لما تكون معارضه لرايك مو مشكله بس لازم يكون في اسلوب والله بعض العضوات تتكلم بوقاحه لكن الاغلبيه كلامهم حلو وكلو دعاء بالهدايه وتحسسك انك غلطانه باسلوب حلو
  2. @agml_aml_1



    تجيك وترد اللي مو عاجبها الموضوع لاترد

    حبيبتي هم ماقالوا كذا من فراااااغ!!
    أحيانا صاحبةالموضوع تكون متضايقة حدها مسكينة وجايه تفضفض وتبي من يقول لها كلمة طيبة مو ناقصها كلام يغثها!!
    ومو ناقصها بعد ناس معقدة أو ماعندها ذوق!!

    او تقول افهموا الموضوع وبعدين ردوا
    فعلا" افهموا الموضوع مو تلقطون كم كلمة على الطاير وتردون على أساسها..
    وإلا تقرأون العنوان وتتركون الموضوع وعلى طول إضافة رد سريع....!!

تابعي تجارب أخرى من هذا القسم.