شاركي في النقاش

سجلي الدخول لإضافة تعليق.

التعليقات

1,992
  1. دانـــــــة الرياض
    ماقصرتوا حبيباتي اولا ولدي اذا جيت ارضعه يطول ممكن ساعه ,, ساعه وربع هل هذا طبيعي ويرجع الي شربه ويبكي لين اعطيه رضعه صناعيه و الحمدلله مايرجع الصناعيه وش الاسباب الي تخليه يطول بالرضاعه ويرجعها وتنصحوني استمر والا مالها داعي دام يرجعه…
    انا مالي تجربه سابقه بصراحه لاني بكريه
    بس انا اشتغل بعيادت اطفال من4 سنوات
    -الترجيع يكون طبيعي لانه احتمال كبير يكون عند طفلك رخاوه فنفس مجرى المريء وهذا شي طبيعي جدا للاطفال المواليد انتي اذا جيتي ترضعينه الرفعي راسه وحتى اذا نام الرفعي راسه بمخدة المواليد يعني يكون شوي مرتفع عن مستوى جسمه
    -اما من ناحية انه يطول عادي الاطفال مو واحد احتمال يكون طبعه فرضاعه بطيئه انتي اذا جيتي ترضعينه راقبيه اذا حسيته طول مارضع وصدرك او الرضاعه لسى في فمه حاولي تحركينه يعني تلعبين بخدوده او تحركين الرضاعه بحيث انك تنبهينه يرضع
    انا هذا الي اشوفه فلعياده ونقلت كلام الدكتاره الي يقولونه للامهات
    و****لله البنات الي لهم خبره يفيدونك
  2. @am_aayaly_2_1

    عــرووب
    سما ماشاء الله الله يخليهم لك يااارب ويرزقك صلاحهم وبرهم ونفعهم
    مساء الخيرررررات حبايب قلبي :)
    أخبااااركم جميعا

    كل يوم بكتب لكم قصة ولادتي ولاتيسر لي اكتبها ياعندي ضيوف والا خلص الشحن والا يروح علي اللي أكتبه
    بسم الله
    يوم الاثنين ياكروشات العصر رحت المستوصف لأني حاسه بمغص وقالت الدكتوره مفتوح 1ونص وكان المغص خفيف
    طبعا كنت رايحه عشان السونار وقالت كل شئ اوكي قلت لها عوشرت لي 3 ايام
    قالت عادي معاك للجمعه وطلعت مبسوطه وأمر العطار اخذت كف مريم وحلتيته
    وشلت هم ان وراي ولاده والشغاله اللي أستأجرتها مالها يوم جايتني ولازم أفهمها على كل حاجه وبنتي يبي لها أغراض للمدرسه وعندها واجب علوم ومدري لو أولد في الليل والا من بكرره وجينا على اذان المغرب وقالي زوجي بعد الصلاه نروح السوق نشتري أغراض بنتي وصليت المغرب ورحت احضر بالعشاء وقلت لاجينا من السوق نتعشى والمغص معاي يشد ويخف شوي ويرجع طبعا الوقت قصير بسرعه أذن العشاء وخلصو صلاه والا زوج يتصل وانزل ونروح للسوق والمغص يشد اكثر خلصنا بسرعه ورجعنا للبيت وحضرت العشاء والوجع يزيد واروح لدورة المياه بتوضى واصلي العشاء والا المويه كبت معاي ومعاها دم قلت بس ولاده وأطلع بغير ملابسي الداخليه والا المويه تكب اكثر واكثر وانا انهبلت
    واقول لزوجي قال بسرررعه على المستشفى قلت واجب العلوم وهو منهبل ويقولي يالله خلي الواجب واروح للشغاله واقول ملابس العيال هذي اللي تاخذينها لاهلي والبيت نظفيه ووو وزوجي وراي ويقولي يالله خايف اولد وكل مامشيت كبت المويه اكثر واحس خوف مع رهبه كل شئ اختلط وابدل والبس بسرعه وبشيل ملابسي الوصخه وزوجي يقول خليهن انا أطلعهن بس اخلصي وانا ادور يمين ويسار مدري وين أروح والبس عباتي واخذ الشنطه واتذكر الحلتيته ونسيت انقعها وحطيت شوي بلمنديل قلت أشمه بالطريق وريحتها قويه واطلع اركب السياره والمويه تكب وتكب قلت بس خلصت وأشم الحلتيت وأقول ياااااااارب أجيهم واصله وأدخل المستشفى والا من الروعه ناسيه جوالي ويعطيني جواله وانتظر نص ساعه دوري واكلم زوجي على البيت قلت يمديك تجيب جوالي للحين ماخلصت ويرجع يجيب الجوال
    والا يجي الدكتور وأقوله قال انتظري والمويه تكب بزياده والا ارجع أقوله قال روحي على السرير وأروح وانتظر والا يجي ويكشف وأنا كنت حاطه مناديل حتى فوطه ماحطيت من الروعه نسيت
    ولما شلت المناديل انفجعت المويه خضراااااااااااااء
    قلت بنفسي شكله متبرز وخفت وقلت للدكتور قالي ايه تبرز لازم تحت الملاحظه احتمال الطفل يتعب ويكشف علي قال 2سم
    احباااااااااط وسوا السونار قال ل الحمدلله كويس الطفل ويودوني على الجناح ماحصلو سرير ويودوني على الولاده
    واجلس فيها ن الساعه 9 في الليل لليوم الثاني الساعه 11 ونص
    عديت فوق ال 24 ساعه وكل مامر احد كشف قال 2سم ماتغير وجيتهم بالولاده اول وحده وتجي بعدي 5دفعات تمتلي الاسره وويروحون ويجون غيرهم الى اليوم الثاني وأنا على وضعي يجي الطلق ويروح وأسمع الصراخ واشوف الهوايل من الحريم ماقدرت اتحمل ومرات ابكي عليهم ومرات أدعي لهم والا استغفر وعلى هالحال وجاني الدكتور قال وضعك صعب لا أكل ولانوم وبغرفة الولاده ماراح تولدين لازم نندور لك سرير ويحصلي سرير ويقول طلعوها ترتاح وانا قلت الحمدلله على الأقل تهدى اعصابي شوي ويطلعوني ولما وصلت الغرفه الا السرير جت فيه وحده ويرجعوني للولاده :44:
    وارجع مره ثانيه وينتهي دوامه ويرجع لي من بكره قال لسه ماولدتي خلاص لازم تاكلي شئ قلت الدكتور الثاني يقول لاتاكلين احتياط لو احتجتي عمليه قال معاك للساعه 6بعدها لاتاكلين وفرحانه اتصل على شغالتي واقولها تعرفين الحلتيته اللي طلعتها قدامك قالت ايه قلت انقعيها بعلبه قالت طيب اتصل على زوجي قلت العصر قبل الساعه 6 ابي الحلتيته ومعاها اكل عشان مايشوفونها لأني قلت شكل لازم تكون منقوعه واتوضى فيها عل وعسى ينفتح الرحم وانتظر زوجي على اعصابي قبل تجي 6 ويمنعونه ويوصل الساعه 6الاربع وارسل العامله وجابت الكيس وطيران على الحمام وانتك بكرامه واعطيها الاكل ماهمني الاكل بس ابي الحلتيته وادخل الحمام وافتح الكيس والا مافيه ريحه وافتح العلبه والا تطلع مره انصدمت قلت وش هالحظ وارمي العلبه وارجع لسريري :(
    وهم قالو لي نعطيك فرصه 24 ساعه مانقدر نعطيك طلق عشان العمليه ونراقب الطفل بالتخطيط وظهري ذبحني فوق ال24ساعه على ظهري والم مو طبيعي وتوتر وخوف من اللي اشوفه بالولاده بس الحمدلله كل ماسألتهم عن التخطيط قالو كويس والله يابنات لما اروح لدورة المياه وانتم بكرامه تنزل المويه وتنزل قطع خضراء مع المويه وكل خوفي على ولدي لايصير فيه شئ ولما عديت ال24ساعه جاء الدكتور قال خلاص عمليه مافي امل الرحم سميك مررررره ولاتغير عن 2سم وعمليتك بكره الصباح الساعه 6 ومافيه الا أنا لأن اخر وحده كانت توها والده وجت السستر قالت 7حالات ولاده اتحت بالطوارئ قلت لااااااااااا الليله خلصوني تعبت ما اقدر وبعد بتجي دفعه تعبت نفسيا من اللي يتولدون ولانوم ولا اكل وتعب نفسي كسرت خاطره قال يالله جهزها ويدخلوني 11ونص والساعه 12 ونص طلعو اسامه وصحوني الساعه 3 ويجي الدكتوره وسألته عن ولدي قال طيب ومادخل الحضانه قلت الحمدلله هذا اهم شئ وتجي امي وتجيبه لي واجلس 3ايام واطلع لأهلي قالو اول مره تجين ومعاك ولدك طبعا فرحه ماتوصف الحمدلله اللي تميت التاسع وطلع ولدي سليم معافى صح ماكان ودي بالقيصري بس الشكوى لله قدر الله وماشاء فعل ولعل في الامره خيره
    الأهم السلامه
    وتوته توته انتهت الحوته :)
    الله يعوض كل من فقدت جنينها ويرزق كل محرومه يااارب
    ويسهل على الحوامل ويهون عليهم
  3. يا قلبي عليك ام عيالي ان شاء الله اجر لك والله تعذبتي يا حياتي قهر اطلوق ووجع واخر شي قيصري بس اللهم لك الحمد الي فرح نضرتك بشوفت اساااامه واللهم اجعله من حفضة كتابك

تابعي تجارب أخرى من هذا القسم.