طالعه أحج ومعي ابنتي 4 سنوات..........

الافضل تاجلونها لين تكبر شوي دام ما فيه احد تجلس عنده

أختي نصيحه لك اجلي حجتك

صعبه عليك وعليها وربي بيرزقك الاجر

ترا الحج مو سهل ابد يعني استخيري ربك

وربي يكتب الي فيه خير لك يارب

حبيبتي الحج الحين يسر وسهوله الحمد لله مو مثل من اول
الحين حملات ومرتاحين ومشيولين مكفولين

اهم شي انتبهي عليها لا تضيع
اذا تعرفين فيه مثل الجاكيت يلبسه الطفل وانتي تمسكين الجهه الثانيه وفيه منه شي باليد بس الجاكيت افضل

انا من زمان شريته من مذركير

ولزقي في بلوزتها من جوا لصقه فيها اسمها وتلفوناتك وبيانات الحمله كامله
وجيبي معاك لها الوان ولعبه صغيره وستكرات وغيره عشان تلتهى عنك شوي
وحلويات صغيره مثل مصاص ولبان وان اند امز...يعني شي تطول وهي تاكله شوي عشان لو حسيتيها تنكدت عليك تعطينها اياها
وقبل لاتروحي لاتنسين تتطعميها الحمى الشوكيه قبل بثلاثة اسابيع
ولا تنسين دوا حراره ومضاد احتياط لا سمح الله
وجيبي لها شنطه صغيره تتعلق على الظهر عشان تحطين لها غيار واغراض وقت مزدلفه وعرفه

وقت الطواف والسعي والمرجم لو تركبين عربيه انتي وياها او ابوها الله يحفظه يشيلها فوق كتوفه يكون افضل لانه بيصير زحمه فتخافين عليها
بس الله يعافيك اذا انتي في الحرم او في المرجم انتبهي عليها لا يدفونها هالناس اللي يجون جهله

ولا تخافين ياقلبي
اختي حجت العام وتقول في الحمله معاهم هنديه معاها بنتها واخت ثانيه من لبنان معاها بنت صغيره عمرها ٥ سنوات
وترى البنات في الحمله بينبسطون عليها وبيساعدونك فيها

رحج مبرور مقدما ياقمر ودعواتك

جزاكم الله خيرا عني وعنها مشكوريين على المرور
بس اللي تعرف وين ينباع الجاكيت اللي كلمتني عنه دلوعة ابوها يا ريت توجهني
وبارك الله لكم جميعا
ولكل من ردت عليا دعوه في الحج بظهر الغيب
ومن تمنت منكن دعوة بعينها تكتبلي اياها ولن اقصر معها ..والله على ما أقول شهيد