السلام عليكم...
شكراً علي تجاوبك..
الأثاث اللي عندي قشرة مطلي( جاهز) و لونه بني متوسط زي لون الخشب..بس أنا أبي أغير لونه مثلاً أخليها رمادي مزرق..(هي غرفة نومي) الأرضية عندي سيراميك سماوي وأزرق مموه بأبيض و فيه لمسات بسيطة جداً بيج.. المفرش برضه سماوي وأزرق و شوي تركواز وخط بسيط لونه بيج لامع شوي ..يعني ماشي مع الأرضية..بس حاسة إن لون الأثاث ممل..مدري مليت من لون الخشب..فكرت أحط الستاير أزرق علي رمادي و تكون خفيفة عشان أكسر السماوي والأزرق الفاتح اللي منتشر بالغرفة..و أسوي إستنسل سماوي ورود متفرقة بالغرفة زي صورة الممر حقك علي الجدار..معليش بأقلدك..و أحط بالدرف و الأدراج ديكوباج باللون الأبيض والسماوي وأخلي فيه لمسة بسيطة جداً بيج ( تكون ورود زي تصميم الجدار)..
وش رايك؟
و بالنسبة للأثاث أصبغه بوية زيتية أو أكريليك..
صح نسيت الأباجورة بأغير لونها برضه زي ألوان الغرفة.. لإنها كانت بني وبيج..
هي غرفة النوم أساساً كانت موكيت بيج وستاير بيج..مع مفرش بيج و ذهبي ولمسة بسيطة أزرق..والأثاث طبعاً بني متوسط..
معليش للإطالة بس أنا فعلاً محتاجة خبرتك..لإني من زمان أفكر أسوي فيها شي ومحتارة ..عاد لما شفت إستنسل الممر شفت إنه أسهل من صباغة الغرفة كلها,,وأرق..
الله يجزاك خير ويوفقك..
إبداعات رومي في بيت الزوجية
متابعة النقاش، صفحة 17