بنات قولولي ايش اسوي محتاااااااره

السلام عليكم ورحمة الله



انا يابنات بمدينه وزوجي بمدينه ودحين يبغاني اجي عنده يعني العيد ماراح اكون عند امي وماني عارفه ايش اسوي المشكله امي كيف اسيبها اول يوم العيد وكيف مااكون معاها اخاف تضايق وزوجي يقول لازم تجي يقول انا طفشت من هدا الوضع انتي في البيت لحالك وانا لحالي تعالي اجلسي عندي كم اسبوع هو ببيت لحاله وانا مسكني ببيت لحالي لاني طبعا مااقدر اعيش بمدينه غير مدينتي لاني مااقدر ابعد عن امي وهو بحكم دراسته ووضيفته كمان مايقدر يسكن بنفس المدينه زي اول انا قلت بروح استأذن من امي واستسمحها اني مااقدر اكون معاها بالعيد واسافر عنده لاني بصراحه مااقدر على زعل الاتنين هدول لانهم جنتي وناري ومااحب ازعلهم وانا عارفه اني لوقلت لامي ماراح ترفض وكمان ماابغى ازعله لاني ماابغى اكون بعيده عنه انا اسبوع بمدينتي واسبوعين عنده على هدا الموال ليه سنه
قولولي ايش اسوي تعبت من التفكير ربي يجزاكم خير

88 تعليق 4,910 مشاهدة

شاركي في النقاش

سجلي الدخول لإضافة تعليق.

التعليقات

88
  1. @ms_lymonh

    ياحبيبتي امك على العين والراس

    لكن الان انتي انسانه متزوجه

    زوجك بمدينه وانتي بمدينه

    اسمحيلي غلط غلط غلط

    تفتحي باب للشيطان ليييييه

    مكانك عند زوجك على طووووووووووووووووووووووووول

    من غير تفكير وامك تفرح لك وتتمنى سعادتك

    بصراحه مستغربه كيف تاركه زوجك

    لاتزعلي مني اذا كنت قاسيه

    الله يسعدك ويهنيك

    تقبلي مروري....
  2. @anth_dlooooaah

    والله اذا امك عاجزه وماعندها من يخدمها استسمحي من زوجك
    اما اذا مساله ماتقدرين تبعدين عنها وكذا مايصير زوجك متزوج عشان يبغى حرمه تقوم فيه ويحتاج لها ..
    وامك اكيد لو عرفه رغبه زوجك هي اللي بتتطردك من البيت :)
  3. @rynad911

    صاحبة الموضوع
    مس ليمونه
    ياحبيبتي امك على العين والراس لكن الان انتي انسانه متزوجه زوجك بمدينه وانتي بمدينه اسمحيلي غلط غلط غلط تفتحي باب للشيطان ليييييه مكانك عند زوجك على طووووووووووووووووووووووووول من غير تفكير وامك تفرح لك وتتمنى سعادتك بصراحه م…
    والله ياقلبي اني عارفه انه غلط بس انا متعلقه بأمي بقووووووووووه اخاف يصيرلها شي لاسمح الله وانا بعيده عنها واندم طوووووووووول عمري وربي احبها حب موطبيعي عشان كدا ماني قادره اسكن معاه على طول عشان كدا جالسه احاول ابعد عن امي شويه شويه اجلس اسبوعين بجده واسبوع بالمدينه ببيتي واسبوع او اقل عندامي ببيتها والله اني اجلس ابكي لما ابعد عنها او احس انه ممكن يصيرلها شي وانا بعيده كمان انا جده مااحبها انخنق هناك جوهم مايناسبني ابدا الله يسهلها واتعود وارتاح جزاك الله خير على ردك:26:
  4. @rynad911

    صاحبة الموضوع
    انثى دلووووعه
    والله اذا امك عاجزه وماعندها من يخدمها استسمحي من زوجك اما اذا مساله ماتقدرين تبعدين عنها وكذا مايصير زوجك متزوج عشان يبغى حرمه تقوم فيه ويحتاج لها .. وامك اكيد لو عرفه رغبه زوجك هي اللي بتتطردك من البيت :)
    لاالحمدالله امي صح انها كبيره بس اختي الصغيره عندها وموناقصها شي الحمدالله بس صح صادقه امي لوتدري تقرشعني من البيت سييييييييييييييدا جزاك الله خير اختي:26:

تابعي تجارب أخرى من هذا القسم.