•·.·`¯°·.·• (تجمع امهات الخدج مصدر الحنان والرعاية والعطاء بلا حدودالـ12) •·.·°¯`·.·•

متابعة النقاش، صفحة 337

شاركي في النقاش

سجلي الدخول لإضافة تعليق.

التعليقات

1,766
  1. @am_dary_onasr

    حبيباتي الله يسعدكم بنتي عمرها اربعه شهورونص وزنها لما ولدتها ٨٠٠غرام وظلت في الحضانه شهرين واسبوع وبعدها خرجوها ووزنها كيلوا و٨٠٠ وامس رحتللدكتور ومره خوفني لان وزنها كيلوين و٨٠٠ بس وقال لي ان وزنها مو طبيعي ونصحني بالحليب سيميلاك ٢٤ وقال انه مايباع بس يوزع للمستشفيات ومره رجعت وانا دمعتي في خدي خايفه عليها ياقلبي هي ودي اعرف مين مرت بنفس حالع بنتي وكيف أحصل هالحليب 
  2. ماذا افتقد
    الله يزيدك من فضله وتفرحين باختها بس ياليت تقولين لنا وش يحصل معك اول باول لان بنتي ان شاء الله قربت تطلع


    ام الحارث
    الله يطمن قلبك اكثر ويقر عينك بوليدك وتشوفينه عريس والله لو اقولك قصة وحده قالتها لي ماتصدقين وتعرفين رحمة الله
    والله ولاعند الطب ولا سالفه كل شي بارادة الله
    هذي ياطويلات العمر وحده زمان على ايام البدو يتنقلون من مكان لمكان وحده جابت ولد على خمسة شهور وتقول يوم نزل كاااان صغير مره وشافوه الي حولي قالو هذا ميت مايعيش تقول يوم حطيت ايدي على بطنه الا ينبض تقول لاتنفس ولاشي المهم قالت هذا عايش قالوا لها انتي مجنونه تقول المهم مسكته وحطيته في صندوق صغير وصرت امسك صوف الغنم وحطه بالحليب ونقط على فمه تقول بس كذا مادري يدخل والا لا تقول وعلى هالحال حتى قالوا الي معها نبي نشد المهم تقول قعدت افكر وين احطه علشان مايضيع هو مره صغييييير تعرفون الحرمه تنشغل اول هي الي تطبق خيمتها المهم تقولوالبس بشت ابوه واحطه بصندوقه في كم العباه شوف الحرص المهم تقول واحنا في الطريق قلت بشوفه تقول وناظر الا مالقيته بالصندوق طاح مني المهم تقول وانا اقعد ابكي تقول ويقعدون يهدوني يابنت الحلال ولدك من يوم جا ميت خلاص تقول قلت لا بروح ادوره تقول وارجع مع دربي على جرتي اقعد ادور الا ولقاه منكب على وجهه وشيله والمس الابطنه ينبض تقول ماعرف انه عايش من صغره الا اذا لمست بطنه تقول وعطيه حليبه بنفس الطريقه وهو في صندوقه ماله حس ولا سمعت صوته الا يوم بدا شهره التاسع في حملي سمعته يصيح تقوووول الي قالتلي القصه والله اني من الناس الي جلست معه وقهويته والحين عنده عيال وبنات متزوجااات شفتو رحمة ربي
  3. @matha_aftkd

    ابرار الاميره
    ماذا افتقد الله يزيدك من فضله وتفرحين باختها بس ياليت تقولين لنا وش يحصل معك اول باول لان بنتي ان شاء الله قربت تطلع ام الحارث الله يطمن قلبك اكثر ويقر عينك بوليدك وتشوفينه عريس والله لو اقولك قصة وحده قالتها لي ماتصدقين وتعرفين رحمة ال…
    بسم الله حسيت القصه تخووووف صندوووق ويطيح في البر
    والحليب يتنقط بصوف الغنم مادري حسيت القصه فيها مبالغه
    الطفل اقل شيء ماتجرثم من صوف الغنم ؟؟؟؟
    :
    انا اعرف وحده حرمه كبيررررره جابت ولدها بالسادس والحين ولدها متزوج بعياله
    يحكوني يقولون كانت تغطيه بقدر وترفع القدر من جهه عشان يدخل الهواء له
    وكانت تلفه بقطن عشااان مايبرد
    يارب لك الحمد ولدنا بزمنا ذا ههههههههههه  
  4. انا اوقول مثلك اول ماكانوا يعرفون حتى يغسلون ايديهم بالصابون بس والله الناس الاولين يقولون كنا مانعرف التلوث والتسمم ليه لان مافيه مصانع وسيارات ومجااري واي شي توقع عليه الشمس تطهره ماهو في وقتنا الحين معقمات ومطهرات وقفازات وملابس خاصه وفوق ذلك فيه تلوث
  5. @oakaa_oaashnah

    السلام عليكم اخباركم جميع امممم بالنسبه لرضاعه حبيباتي تحملن شوي الرضاعه تكون ضعيفه جدا وعشر مل بالعافيه يشربها ونومهم كثير مره بس حاولوا ان كل ساعتين تسوين رضاعه جديده طيب وتكون دافيه شوي ورضعيه مو لازم يخلصها لكن كل ساعتين حاولي جاهده ياخذه بيصير عنده احساس ان الحين في رضاعه الحين بعد ماتمر ساعتين مايرضع وبتلاحظين انه يبتدي يطلبه هو لو تاخرت شوي انا كنت اقطر اول الايام بفمه كان المص صعب عليه وحبه حبه والحمدلله صار يخلص العشر مل وصار يطلب اكثر بنات ترا انا كنت اسوي شي مهم جدا انا جلس ولدي بالحضانه اربعين يوم وطلع بوزن كيلو وثلاثميه تقريبا والحمدلله تنفس تمام وكل اعضائه الحيويه تمام بس مشكلته ماله صوت الا شي بسيط مره وان بكى انكتم بوسط بكوته وكمان مسالة الرضاعه كانت ازمه بالنسبه لي والله يابنات مااحد قلي وهو بكري يعني المفروض اكون غشيمه لكن الله كريم وخلاني اتعامل معاه صح لدرجة الدكتوره بمراجعاته كان ينبهر بتطور الوزن والصحه والله ثم والله وله الحمد والشكر وكرمه غمرنا لانه انتشله من موت مؤكد كان جدا ضعيف بشكل فضييييع لكن عناية الله ثم الحضانه لهادور كبير الرعايه فيها كانت فوق مره قويه والحمدلله انا كانت طريقتي من تجربتي ولما سالني الطبيب قلت له قال والله برافو عليك انا راح اقول لكل ام خديج تسوي طريقتك والله يابنات كنت كل يوم احممه بمساعدة زوجي احممه لو بمويه دافيه مو شرط صابون جسمه وشعره وادفيه وازيت بالليل فقط بزيت زيتون المهم كمان اني اشمسه بعد الاستحمام مو في السطح بالبيت افتح نافذه بالغرفه واحطه بالشمس الداخله والله يابنات انه بعد الاستحمام يجوع جوع مو طبيعي صار يشرب العشر مل مره وحده ماشاء الله وبعدها صار يبي اكثر الحمدلله هذي طريقتي بس والله ماخليته الا يمكن ثلاث ايام اول ماطلع من الحضانه مو عارفه وش اسوي وبعدها ربي ساعدني واتخذت هذي الطريقه ان شاء الله اكون افدتكم