على فكرة افكاري مثلا للصواني الغابة الهندية وهي عبارة عن صينية فيها افيال يشيلون مجوهرات وطبعا المجوهرات هي حبات الشوكولاتة كلها مزينة بالكرستالات. وفي شوكولاتة الكيك هذي رائعة لحفلكم عبارة عن كيكة 4 او 5 طبقات طبعا شكل مو صحيح مغلفة بالابيض الثلجي وعلها حبات الشوكولاتة على شكل ورود تحفة وفي عندي كصينية الطاووس روعة وهي عبارة عن سلة مغطية بقماش ازرق نييلي ومرصوصة بريش الطاووس الاصلي ومزينة بالكرستال والشوكواتة المغلفة بالوان متناسقة سلة ملكية. وعندي تصاميم خاصة لمجالس الرجال لانهم طبعا مايحبون شكل صواني الحريم. وعندي صواني خاصة لعزيمة الاكلات البحرية لانها عبارة عن قواقع حقيقيةواسماك. اخواتي اسفة لكثرة كلامي بس صراحة شجعتوني اقول بعض افكاري.
اختي ينبوع الخير السبب اني ما اشارك اولا ان ماشاء الله اهل الرياض كانو موتاركين لي وقت ثانيا مالقيت من اهل الشرقية تشجيع كبير واتجهت لفتح محل بقطر زي ماقلت لكم.
لكن شكلكم من تشجيعكم الحار قبل ماتشوفون حتى الشغل شجعتوني ارجع اتعامل مع بناتنا الي بالشرقية واركز عليهم.
وادعولي بالتوفيق هنا لاني تعبت من الروحة والجية. بتقولون وش جابرك والله هاوية هلشغلة واحبها واعطي فيها بدون ما احس بملل او تعب بس السفر ممل وشكلي زوووووووووجي بيذبحني ولا ؟؟؟؟؟؟؟؟؟؟؟؟؟؟؟؟؟؟؟؟؟؟ بعيد الشر عنا وعنكم.
فن التقديم للذويقات .. (بنات الشرقيه)
متابعة النقاش، صفحة 47