ضعف التركيز وتشتت الانتباه وفرط الحركه......الى كل ام تعاني من هذه الاعراض عند اطفال

متابعة النقاش، صفحة 95

شاركي في النقاش

سجلي الدخول لإضافة تعليق.

التعليقات

2,546
  1. @konsrta

    هلا بالغاليات..
    اخباركم وجو الرياض يجنن الله يبرد على قلوبنا .مثل مابرد على اجسامنا ...
    ام ميري ..تسلمين على المعلومه كتبت نوع الاوميغا واباخذ منه باذن الله اخبار البطل اهم شي نفسيته كيف في البيت يعني مرتاح ومبسوط وكيف العصبيه ..اذا تذكرت سنوات الاكتئاب اللي عاشها الحبيب اسجد لربي على حاله الحين بالرغم ان مافيه اي تقدم اكاديمي بس الحمد لله.
  2. @konsrta

    وحشه الروح ...هلا بك...
    لاتبكيلي اشكيلك درب مشيناه ولا احب احطمك لكن الوضع للاسوء ومجالات التعليم والتاهيل اضيق نطاق بتقدمهم في العمر اما عن الاستغلال فحدث ولاحرج ذاق الحبيب اشكال وانواع من مدارس لازال يشار لها بالبنان للاسف هنا مافيه احد فاهم تعليبمهم ودمجهم صح الحمل كله على الاهل انا اذا رحت لمراجعاته تقولي الدكتوره الله يستر ماتنتهين في ابو زعبل ....
    واما اللي ماقالتلك عن العلاج فحسبي الله عليها بس انا ما اتوقع ان الموضوع بهذي السهوله ممكن للحالات البسيطه لكن للحالات الصعبه ولي لها مشكله ظاهره في اشعة الدماغ يكون الامر اعقد من كذا بكثير لكن لايمنع الواحد يطرق جميع الابواب ويجرب كل شي ممكن يحسن الحاله الله يقويك على حرصك وحماسك وكلنا معك عساك على القوه .
    في شي بس حبيت اطرحه اذا كانت بنتك جربت الكونسرتا قبل ست سنوات اكيد بيتعبها هو مو دوا سهل مفروظ مايصرف الا فوق 6-7س الله يفرحك فيها ويطمن قلبك عليها/
  3. @ayaly_ngd

    اهلين بنات
    كونسرتا ولدي ماقطعت (حبيب القلب ) الريسبيردال وصلت الجرعه لثمن مل على اساس اقطعه بس رحنا للدكتولا وقال لاتقطعينه خليه على الاقل هالترم وأبوه يقول احس ان الولد خرب بعد ماقللنا الجرعه والحمد لله
    سكر ولدي يفهم بعض الاوامرمو كلها احيانا احسه مايفهم بس ما ادري مايفهم ولاتطنيش صعب تفهمين اللي مايتكلم
    ومساله التسجيل وش اسجل كلماته قليله ابجرب اسجل صراخه
  4. @ayaly_ngd

    وحشة الروح
    السلام عليكم اخواتي الغاليات انا ام لطفله ست سنوات فرط حركه وتشتت انتباه ومعانات سنتيين بين المراكز الحكوميه والخاصه وسلسله من الآلآم مع الادويه والكونسرتا لكن بدووون جدوى وقمة الاحباط والله النفسي وبشتى النواحي قلبي يتقطع ع حال اطفال فرط …
    هلا بك وحشه الروح
    صدقتي في كل كلمه قلتيها
    بس صراحه هالاخصائيه بايخه وذكريها بقول الرسول من كتم علما الجمه الله بلجام من نور
    من هي هالاخصائيه والمقطع بالانجليزي ولا بالعربي
    ابحثوا عنه يابنات ان شاء الله نلقاه

    الله لايحوجنا لمنة:( احد
  5. @ohsh_alroh

    الله يجزاكم خيركونسرتا وليالي نجد :26:وبالنسبه للمقطع كان بالانجليزي ومن يوم الاثنين وانا ابحث بالنت تهئ تهئ تفقعت عيوني وانا ادور خخخخ صارت كنها عيون ضفدع :icon33:انا بنتي _غلا _ ماسويت لها اشعه ع الدماغ ابد ومدري وش ضرورتها كونسرتا!!!ومعاناتي مع دوا الكونسرتا هالسنه يعني بعمر 6سنوات:angry2:
    وبالنسبه للمقطع كانت تحكي الدراسه اللي اجرتها الدكتوره عن اطفال في سن قبل المدرسه من3-7سنوات وضروري اتباعها قبل تعليم الطفل ودخوله للمدرسه لان كما تحكي الدكتوره ببحثها ان مخ الطفل المصاب بفرط الحركه وتشتت الانتباه يعتبر ان الله سبحانه وتعالى خلقه فاضي عن المهارات الموجوده طبيعيا بمخ الطفل الطبيعي وهينا دور هذي الرياضات بسد الفجوات اللي بمخه و*****الترابط بين جهتين المخ عنده اللي تعتبركل جهه عند الطفل المصاب بفرط الحركه تعمل منفصله عن الاخرى ومنها ننشئ للطفل مهارات الانتباه والتركيز ونستغل حركة الطفل بشكل صحيح وننشئ حلقة وصل بين جهتي الدماغ عنده عشان يعمل صحيح ولو ماطبقنا هالشيء على الطفل مايستفيد من اي شئ يتعلمه وشبهة دماغ بسلة الملابس اللي تجي فيها فتحات وحنا نملاها بالماء وكله برى فلازم نسد الفجوات وننمي له هذي المهارات اول ثمن نبدأ بالناحيه التعليميه وانا مستعده اعطيكم التمارين ع تذكري منها وهي جدا بسيطه لكن بالفعل بالمقطع ادت لنتيجه واضحه ع الاطفال اللي طبقتها عليهم خلال اقل من سنه وصار يتقن مهارة التركيز والحفظ وبكذا اصبح سهل دمجه مع الاطفال السويين وحتى نشاطه صاريقدر يسيطرعليه اتمنى اكون وصلت لكم المعلومه ولحدد يدقق ع اللغه عربي مع عاميه:22: اللي بيدقق ع اللغه بينجلد اليوم

تابعي تجارب أخرى من هذا القسم.