هل يستطيع الرجل الأنجاب بعد ان تم فتح عملية الربط ؟؟

مثل ما قالوا الأخوات اسالي طبيب, او روحي قسم الحمل و الولاده و اسألي هناك في دكتورات

خليه يسوي تحليل

ويروح لدكتور ويساله عن امكانية الانجاب وتاكدوا قبل الموافقه

اول مره اسمع انه في عمليه ربط للرجال

على العموم انتي اسئلي الدكتور احسلك

علشان تطمنو

اختي عمليه الربط للرجل منتشره بالخارج و هي و الي اعرفه مثلها مثل اللولب للمرأه يعني عادي ممكن يفكها و ينجب بعدها .
بس هي عباره عن عمليه صغيره
و على فكره للي قالت عمليه الربط للمرأه المرأه مالها عمليه ربط لانه هذه النوعيات من العلميات للنساء تسمى قطع اكثر من ما هي ربط لانها لايمكن ان تنجب بعدها .
اانا عرفة هذه المعلومه من عيادة الطبيبه في امريكا يوم كنت حامل عطتني منشوره عن كل وسائل المنع المتاحه للرجال و النساء .. و كانت عمليه الربط للرجال موجوده من ضمن الطرق و مكتوب عليها ممكن فكها و الانجاب بعدها .. و اذكر اني استغربت لانها اول مرة اسمع عنها
بس نصيحتي تسألين طبيب افضل لانه ما دام له سنين طويله احتمال اثرت عليه . لانه احنا النساء لما الوحده تاخذ حبوب مده طويله تأثر عليها . اسئلي و اذا انت برضه مو مطمنه اطلبي منه انه يسوي اختبار لنفسه .. لان الموضوع مهم و احسن تعرفين عنه من الحين قبل الزواج

فعلا اخواتي العزيزات في ربط للرجال وهو مختلف عن ربط الحريم
ربط الحريم غير القطع لان القطع معناه عدم الانجاب اما الربط فتربط لفترة ثم تفك الربط وتحمل عادي

اما بخصوص موضوع الاخت الاساسي وهو هل توافق ام لا فأنا اقدم لج نصيحة اختي الغالية انه لا تستعجلين وتوافقين إلا بعد ما تتأكدين من كل شي فيه

مشكلتج قريبة مني فانا زوجي عنده عيال من طليقته الاولى من كثر المشاكل الي بينهم سافر للخارج وسوا عملية ربط للقناة المنوية ثم سافر مرة ثانية لنفس الدولة وفك العملية وزادت المشاكل بينهم اكثر وطلقها ثم بعد ذلك تزوجني وحنا يا غافلين لكم الله ما ندري سالفة الربط فيه. وهذي انا صار لي 6 سنوات وانا احاول باطفال الانابيب آمله من رب العالمين يجي الفرج منه.
لاني سألت دكاترة مختصين كثير عن حالة زوجي وقالوا انه احتمال الانجاب ضعيف ويبيله صبر
لانه مكان ربط العملية ماهو مثل قبل يعني فاهمة انتي قصدي اي شي ينربط وتجين تفكين الربط تلاقين فيه ضيق.
اما من الناحية الجنسية والسموحة من الاخوات بهالكلمة فانه الي يسوون هذي العمليات فتكون حياتهم الجنسية مو مثل اول يعني يعني يكون ضعيف وسريع ( والسموحة )

اختي المشكلة هنييه مشكلة التوصيل فقط .. يعني عند الجماع الحيوانات المنوية لا تصل
فالمصنع عنده يشتغل وسليم لكن التوصيل مافي .. وبهالحالة مافي حل غير اطفال الانابيب وتدرين اطفال الانابيب يبيلها صبر يمكن تنجح من اول تجربة ويمكن لا وتبتدي معاناتج مع التقدم في السن.
سامحيني اني ما قلت لج شي يفرحج بس اقولج رحمة ربي واسعة واهو القادر على كل شي
وما عندي شي اضيفه لج غير انج بعد ما قريتي ردي انج تستخيرين رب العباد
الاستخارة ثم الاستخارة
وربي يوفقج