شاركي في النقاش

سجلي الدخول لإضافة تعليق.

التعليقات

16
  1. @ody_lkn_alhth_ddy

    اصبري اصبري واستودعي نفسك الله ووكلي امرك الله وادعي دائما وخاصة في اوقات الاجابة وبإذن الله بعد الضيق الفرج

    الله ييسر امرك
  2. @ayfonyh333

    كيف يجيك 2 ونص << بالليل او انا مافهمت ...؟ <<<ان شالله اني فاهمه غلط

    ياختي دبري لك نقل يجيك متاخر ميخالف حتى لو سعره غالي اهم شي الراجه لين مايتغير الوضع

    مو مستووعبه الى الان متى يجيك النقل عشان تروحين للمدرسه ............؟؟؟؟؟؟؟؟!!!!!!!!
  3. @amgaaaaad_1

    أنا جربت التعاقد مرة .. صحيح كانت التجربة في المدرسة جميلة ورائعة ..


    لكن النقل بهذلني .. كنت استغرق ساعتين كاملة كل يوم في الصباح وفي الظهر .. ومع بعض الأخوات كنت أنتظر عند بيتها أكثر من نصف ساعة حتى تجهز وتجهز عيالها !!!

    تخيلو .. أكثر من مرة نوصل لبيتها فتكلمني وهيه داااايخة نوم تقول لي ( بس اصحى واتجهز ) !!! لسى نايمة !!! وأنا اجلس ابكي !!! والسواق الشايب يشخر ومريح ( وش عليه ياخذ 1500 في الشهر ) ... ياااا الله قد ايش تمرمطت بجد ...


    بس الحمد لله عدت .. صبرت وتحملت ..


    تحملي ياعزيزتي .. إذا فيه مجال تستأجري في مكان قريب من المدرسة ياسلام بترتاحين .. وإذا لم يتيسر فابحثي لك عن نقل خاص لك وحدك ( واحد وزوجته ) عشان ما ترتبطين بأحد ثاني وتتعبين ..

    إذا لا هذا ولا هذا ..


    طوال الطريق .. اجلسي استغفري وسبحي ساعة كاملة .. واقرأي الأذكار وكرريها ساعة .. اقرأي قرآن ساعة .. خذي لك كتاب مسلي اقرأي فيه .. افتحي جوالك وتسلي عليه بكم لعبة .. يعني مشي الوقت ..

    وفي المدرسة تقربي من البنات ,, وحاولي تحببينهم في المادة عشان ما يتعبونك ..

    وربي يسهل لك ,,
  4. @rafaah_hagb

    معليش اختي الظاهر شخصيتك جدا ضعيفة والا كيف الطالبة تتجرأ وتمد يدها عليك؟

    لازم يكون لك هيبه


    يعدين وشلون زوجك او ابوك او احوك يخلونك تطلعين 2 ونص؟؟

    تعرفين 2 ونص كيف؟؟

    يعني مافيه احد صاحي بالشوارع!!!

    وطلعتك بهالوقت معليش احس قوية

    والله لو تدفعين نص راتبك على سواق يجيك انتي ووحده اهم شي ماتطلعين بهالوقت

    دبري لك سواق يجي ياخذك انتي ومعلمه على 5 او 4 يمكن يكون وقت شوي مقبول

تابعي تجارب أخرى من هذا القسم.