•´`•. كوفي شوب المغتربات#2(أعياد الكفار الكرسمس مثالا) )

صاحبة الموضوع 27 أكتوبر 2011

لا تشكيلي ببكيلك

قسما بالله ما بلاقي دقيقة احك فيها راسي غير بعد ما يناموا اولادي...

يبدأ يومي من ساعة ما افيق الاولاد, بجهز لكل واحد بيضة مسلوقة و حليب يفطروا قبل ما يروحوا المدرسة لاني بصراحة ما بضمن انه ياكلوا ايا شي من فطور المدرسة, اهم شي ياخذوا بروتين على الصبح.
بعد ما آخذهم على المدرسة و ارجع بيتي بتصل على زوجي و هالحكي من الساعة 8و 10 دقائق صباحا... نتيجة المكالمة بيني و بينه بتحدد كيف يومي حيكون...

فاذا قال انه راح يرجع, خلاص بكنسل ايا خطط تطلع براسي مثلا شوبينج او طلعة مع خواتي او روحة لعند اهلي ... كل شي بيتكنسل و بفرز بيتي اشوف اذا في تنظيف هون و لا هون و لا كنس و لا مسح غبرة و لا شوية جلي بعملهم على السريع و برجع انام لقبل ما اطلع اجيبه بنص ساعة, ليه انام؟ لاني عارفة انه حيكون نهار اسود ومنيل بنيلة, ما بعرف ليه لما بيدخل البيت بتدخل معاه عاصفة بتخرب هدوء البيت و نظافته و ترتيبه و بكون بحاجة لكل ذرة طاقة فيني ألملم الاغراض من وراه هو و اولاده << اللي بيصبحوا مثل ابوهم اسم الله عليهم بينعدوا بسرعة منه.
بعد ما افيق على الانذار او اتصاله على السريع في اقل من 10 دقائق بكون اخذت شاور و رتبت سريري (و صرت من الكسل انام على الكنبة لحتى يضل السرير مرتب هههههه) و بروح اجيبه و بعدها يا اما بنتغدى سوى براة البيت او بنجيب من برى ساندويش شاورما او ايا شي على السريع << ملاحظين ما بفطر.. و بعدها بيروح ينام و برتب البيت شوي و بغسل له شنطة ملابسه و بجهزها و بجيب اولادي من المدرسة و بنقعد بالبيت هم يعملوا الهومورك و انا اطبخ و بعد لا يخلص الطبيخ سواء اخذ نص ساعة او ساعة و نص بناكل و بجلي الجليات على السريع و بنروح باخذه على شغله تقريبا الساعة 8 بالليل و برجع اولادي بيناموا و انا بجلس على حواء + فلم او فلمين على التي في.

في اليوم اللي ما راح يرجع فيه <<<< بجهز نفسي من 8 او 9 الصبح و بوصل المخبز باخذ كعك و فلافل و بروح افطر مع امي و ابوي او بس باخذ كوفي للوالد الله يخليه و بشوف شو ناقصهم من اغراض (مع انهم ساكنين مع اخوي و زوجته لكن زوجته ما بتسوق) و مشاوير و مواعيد دكاترة.. برجع ساعة ما يرجعوا اولادي من المدرسة و هون بيصبح يومي واحد من ثلاثة <<<<

يا اما بنرجع عند اهلي و بتكون مرت اخوي طبخت و نفخت بتعشينا كلنا و بيلعبوا الاولاد ليتعبوا و هالشي خصوصا لما يكون في مشاوير ليهم لسه ما انتهت (و شرط انه امي و ابوي ما بيتفقوا سوى, بمعني بيستلموني واحد واحد حتى لو مشاويرهم لنفس الدكتور او نفس المحل, ما بيروحوا سوى, اول شي الوالد و لما ينتهى من اعماله بيجي دور الوالده الله يحفظهم الاثنين). و برجع بيتي تعبانة من السواقة طول اليوم بيناموا اولادي ما بين 8 و ال8:30 و انا بقعد على حواء + فلم او مسلسل. <<< بحرص كل الحرص على موعد نوم اولادي لانهم متعودين عليه اذا غيرته بتتعب نفسيتهم و انا بتعب معاهم.
او ما برجع عند اهلي و الاولاد بيختاروا يروحوا للمول و طبعا بوافقهم الرأي خصوصا اذا بكون بحاجة اعمل شوبينج سريع ليهم و بعدها بنرجع للبيت بيناموا و انا في هاليوم بشوف اذا في غسيلات اسهر عليها.
او بنرجع كلنا للبيت بطبخ طبخة صغيرة و بنهاية النهار غسيل او حواء او تي في.

اما يوم الجمعة فهو اليوم اللي بيرجع فيه زوجي للويك اند و يومها بنكون عارفين انه كل العيلة بتجتمع عند اهلي فاحيانا بطبخ طبخة او بعمل حلويات و باخذها معي و بنسهر سوى تقريبا للساعة12 او 1 على حسب المزاج و بنرجع البيت على طول على النوم.
و يوم السبت مخصص لطلعة الاولاد بناخذهم مطرح على اختيارهم سواء المول او تشكي شيز او هونتيد هاوس او حتى ايكيا بيموتوا باللعب فيه او ايا شي ممكن يطلع بالبال و بنتعشى في مطعم -فطور بيفطروا بيض او بانكيك و غداء ايا شي بايت من اليوم اللي قبله و انا وزوجي لا بنفطر و لا بنتغدى بهاليوم.. و بعدها بنرجع تقريبا 6 او 7 المساء بختاروا الاولاد لعبة نلعبها كلنا سواء الwii او ايا بورد جيم board game او puzzle او حتى بنقرأ لبنتي كتب و ابني بيقرأ لوحده و بنعمل حلويات بالبيت او بنجيب جاهز < و بقول بنعمل لانه زوجي امرار بيقرر يتحفنا بحلاوة السميد او مهلبية او سحلب من ايدينه او حتى جلي..
و يوم الاحد <<< يبدأ كسول جدا بنام فيه لحد الساعة 12 او 1 او 2 على حسب ما بيتركوني في حالي, بيكون زوجي مع الاولاد بيفطروا و يتغدوا سوى و بعدها بيروح ينام و انا بجلس معاهم, على الالعاب او كتب او حتى على برامج بالتي في و شوية تدريبات على كتابة الاحرف بالعربي و حفظها و بعدها بطبخ شي سهل و سريع و بكثر منه لحتى ياخذ زوجي شوي معه و بناخذه على شغله تقريبا 8 بالليل و بيرجعوا يناموا و انا ارتب خلف العاصفة اللي مرت...

من دخلوا اولادي المدارس و انا ناوية اخلص قراءة الكتب اللي عندي و ناوية آخذ دورة و ناوية اشتغل و ناوية اتعلم الخياطة و ناوية ابدأ بالتنظيف العميق fall cleaning لكن صارلي شهرين تأجيل في تأجيل و لا عملت ايا شي.